ഞാന്‍ കണ്ട കാഴ്ചകള്‍

ഫ്ലമെങ്കൊ

2011-07-10T07:40:00.000-07:00

ലെകൈറ്റ്യൊ

2010-08-16T10:57:00.000-07:00

“നാളെ വൈകീട്ടെന്താ പരിപാടീ”
നല്ല പാതി അടുക്കളയിൽ നിന്നും ഉറക്കെ ചോദിച്ചു .
ങേ.. വൈകീട്ടെന്താ പരിപാടീന്നോ അതു നമ്മടെ മോഹൻലാലിന്റെ പരസ്യല്ലേ , ഞാൻ തിരിച്ചു ചോദിച്ചു.
“അല്ല കൊല്ലം രണ്ടേ ആയുള്ളൂ അപ്പോഴെക്കും മറന്നോ, നാളെ നമ്മടെ രണ്ടാം വിവാഹ വാർഷികമാ...” വീണ്ടും അടുക്കളയിൽ നിന്നും നല്ല പാതി പറഞ്ഞു.
ഓ... കൊല്ലം രണ്ടായില്ലെ ഇനിയെന്ത് ആഘോഷിക്കാനാ , അതും ഈ സാമ്പത്തികമാന്ദ്യം തലക്കടിച്ചിരിക്കുമ്പോൾ എന്നൊക്കെ ഞാൻ പറഞ്ഞ് നോക്കി പക്ഷെ ഒരു രക്ഷയുമില്ല, ശരി എന്നാൽ പിന്നെ നമുക്കൊരു യാത്ര പോകാം ഉച്ചഭക്ഷണം ഏതെങ്കിലും നല്ലൊരു ഹോട്ടലിൽ നിന്നും കഴിക്കാം എന്ന വ്യവസ്ഥയിൽ ഞങ്ങൾ എല്ലോറിയോയിൽ നിന്നും ലെക്കെയ്റ്റ്യോയിലെക്കു യാത്രയായി .

ലെക്കെയ്റ്റോയിലെക്ക് ഇതിനു മുമ്പ് ഒരു തവണ പോയിട്ടുണ്ടെങ്കിലും അധികസമയം അവിടെ ചിലവഴിക്കാൻ സാധിച്ചിരുന്നില്ല,അവിടത്തെ ആ പഴയ തീരദേശഗ്രാമം ഒന്നും ചുറ്റികറങ്ങി അവിടെയുള്ള പള്ളിയും കണ്ട് കുറച്ച് മീനും വാങ്ങി പോന്നു. (നല്ലൊരു മീൻപിടുത്ത ഗ്രാമമായതിനാലവിടെ നല്ല ഫ്രെഷ് മീൻ കിട്ടും)

വെക്കെഷനായതിനാൽ വെയിലടിക്കാതെ കിടക്കയിൽ നിന്നും എണീൽക്കാറില്ല അതുകൊണ്ട് സമയത്തിനുപോകാനായി അലാറം വെച്ചെണീറ്റ് ഫോട്ടൊ എടുക്കുന്ന മഷീനുമെല്ലാം ചാർജ്ജ് ചെയ്ത് 8.10ന്റെ ബസ്സിൽ ഞങ്ങൾ ഡുറങ്കോയിലെത്തി എല്ലോറിയോയിൽ നിന്നും നേരിട്ട് ലെക്കെയ്റ്റ്യോയിലെക്ക് ബസ്സില്ലാത്തതിനാൽ ഡുറങ്കോയിൽനിന്നും മാറികയറണം അതിനുവേണ്ടി മുക്കാൽ മണിക്കൂറോളം ബസ്സ്റ്റോപ്പിൽ കാത്തിരിക്കുന്ന സമയത്താണു ചുരുട്ട് വലിച്ചുതള്ളി കൊണ്ടിരിക്കുന്ന ഒരപ്പൂപ്പനെ കമ്പനി കിട്ടുന്നത്, ഗൌരവക്കാരനായ ആ അപ്പൂപ്പനോട് ചോദിച്ച് ഞങ്ങളിരിക്കുന്ന സ്റ്റോപ്പിൽ ലെക്കെയ്റ്റ്യോയിലെക്കുള്ള ബസ്സ് നിറുത്തുമോ എന്നുള്ളതു ഒന്ന് ഉറപ്പുവരുത്താം എന്നു കരുതി ഞാൻ സംസാരത്തിനു തുടക്കമിട്ടു, ഞങ്ങൾ ഇന്ത്യക്കാരാണെന്നു പറഞ്ഞപ്പോൾ,

“ ഓ നിങ്ങൾ ഇന്ത്യാക്കാരാണോ എന്തൊക്കെയുണ്ട് വിശേഷം എന്റെ മകളുടെ കൂട്ടുകാരി ഇന്ത്യയിൽ സാമൂഹ്യ സേവനം നടത്തുന്നുണ്ട് , അവരു പറഞ്ഞ് ഇന്ത്യയിലെ വിശേഷങ്ങളൊക്കെ അറിയാം. അവിടെ പണക്കാരും പാവപെട്ടവരും തമ്മിൽ സ്പെയിനുള്ളതിനേക്കാളും സാമ്പത്തിക അന്തരമുണ്ടെന്നു പറഞ്ഞതു ശരിയാണൊ? ”

ശരിയാ അവിടെ ഇന്ത്യയിൽ ദരിദ്രൻ കൂടുതൽ ദരിദ്രനും പണക്കാരൻ കൂടുതൽ പണക്കാരനുമായികൊണ്ടിരിക്കുന്നു ഞാൻ മറുപടി കൊടുത്തു .
അതിനു മറുപടിയായി അദ്ദേഹം പറഞ്ഞു,
“ഇവിടെ പിന്നെ ഞങ്ങൾക്കു ഗവർമെന്റ് സോഷ്യൽ സെക്ക്യൂരിറ്റിയും സഹായങ്ങളുമൊക്കെയുള്ളതിനാൽ കുഴപ്പമില്ല , വർഷങ്ങളായി ഞാൻ പെൻഷൻപറ്റിയിട്ട് അതുകൊണ്ട് എല്ലാ ബസ്സിലും 50 ശതമാനം ഡിസ്കൌണ്ടിൽ മുതിർന്ന പൌരന്മാർക്കു കിട്ടുന്ന ടിക്കറ്റുനിരക്കിലാണു എന്റെ യാത്ര, ഇപ്പോഴും സർക്കാർ 2400 (ഒന്നര ലക്ഷം രൂപ) യൂറൊ മാസം എനിക്കു പെൻഷൻ നൽകുന്നു, അധികം ചിലവുമില്ല ജീവിതം സുഖം”

അതു ശരി വെറുതെയല്ല ഇവർ വയസ്സായതിനുശേഷവും ലോകം മുഴുവൻ കറങ്ങി നടന്ന് കണ്ട് ജീവിതം ആസ്വദിക്കുന്നതെന്നു ഞാൻ മനസ്സിലോർത്തു .

അങ്ങിനെ ബസ്സ് വരുന്നതുവരെ ഇന്ത്യാവിശേഷവും സംസാരിച്ച് ഞങ്ങൾ ലെക്കെയ്റ്റ്യോയിലെക്കു യാത്രയായി, ബസ്സിൽ കയറിയിരുന്നു വഴിയോരകാഴ്ച്ചകൾ കണ്ടപ്പോഴാണു ചാർജ്ജ് ചെയ്യാനിട്ട ഫോട്ടൊ പിടിക്കണ മഷീൻ ഇപ്പോഴും വീട്ടിൽ തന്നെയാണല്ലോ എന്നോർത്തത് അവിടെയിറങ്ങി തിരിച്ചു പോയാലോ എന്ന് ചിന്തിച്ചിരിക്കുന്നതു കണ്ടപ്പോ നല്ല പാതി പറഞ്ഞു ,
“സാരല്ല്യാന്നെ നമ്മക്ക് ന്നാള് മീൻ വേടിക്കാൻ വന്നപ്പോ എടുത്ത ഫോട്ടൊ ബ്ലോഗ്ഗിലിടാം ആരറിയാനാ മീൻ വേടിക്കാനാ വന്നതെന്ന്”.

കഴിഞ്ഞമാസം മീൻ വാങ്ങിച്ചപ്പോൾ

പത്തുമണിയോട് കൂടി ഞങ്ങൾ ആ ബസ്സിന്റെ അവസാന സ്റ്റോപ്പ്ആയ ലെകെയ്റ്റ്യോയിലെത്തിചേർന്നു.

എന്നത്തെയും പോലെ ഞങ്ങൾ റ്റൂറിസ്റ്റ് ഇൻഫോർമേഷൻ ഓഫീസിലേക്കുള്ള വഴിയറിയാൻ “ i ” ചിഹ്നം നോക്കി നടന്നു, മുനിസിപ്പാലിറ്റി ഒഫീസ്സിൽ തന്നെ പ്രവർത്തിക്കുന്ന റ്റൂറിസ്റ്റ് ഇൻഫോർമെഷനിൽ നിന്നും ലെകൈറ്റ്യൊയുടെ മാപും കാണാനുള്ള സ്ഥലങ്ങളും ചോദിച്ചു മനസ്സിലാക്കി കാഴ്ചകൾ കാണാനായി നടന്നു .കടൽതീരത്തു തന്നെയാണു റ്റൂറിസ്റ്റ് ഓഫീസ്സും മുനിസിപ്പാലിറ്റി ഓഫീസ്സും അവിടെ നിന്നാൽ പോർട്ടും ബീച്ചും ഐലന്റും കാണാം , 25 ഡിഗ്രീ താപനിലയാണെങ്കിലും വെയിലിനു നല്ല ചൂടുണ്ട്. ലെകൈറ്റിയോയിൽ 3 ബീച്ചുകളുണ്ട് അവിടെ നിന്നും അല്പം അകലെ കടലിൽ ചെറിയൊരു ഐലന്റ് ഉണ്ട് കഴിഞ്ഞ തവണവന്നപ്പോൾ ഐലന്റിനും ബീച്ചിനും ഇടയിൽ നല്ല ആഴത്തിൽ നീല നിറത്തിൽ വെള്ളമുണ്ടായിരുന്നു പക്ഷെ ഇന്നു ഞങ്ങൾ കണ്ടത് ബീച്ചിനും ഐലന്റിനുമിടയിൽ വെള്ളം വറ്റി അങ്ങോട്ട് നടന്നുപോകാവുന്ന രീതിയിൽ കര തെളിഞ്ഞ് കിടക്കുന്നു അതുകണ്ട് ഞാൻ അക്കരകാഴ്ചകൾ എന്ന പരമ്പരയിൽ ജോർജ്ജ് റിൻസിക്കു അറിവുപകർന്ന് കൊടുക്കുന്നതുപോലെ എന്റെ ഗ്ലോബൽ ജ്നാനം അലപം നല്ലപാതിക്ക് പകർന്നു കൊടുത്തു.

“ എടീ ഈ ഗ്ലോബൽ വാമിങ് ഗ്ലോബൽ വാമിങ് എന്നു പറേണത് ശര്യാട്ടോ കണ്ടോ നമ്മടെ ത്രിശ്ശൂർത്തെ വീട്ടിലു വേനൽക്കാലത്ത് കെണറ് വറ്റണപോലെ ഇവ്ടെ സ്പെയിനിലും കടലു വറ്റി കെടക്കണ കണ്ടാ.. അതാണു ഗ്ലോബൽ വാമിങ്ങ്, ആ എന്തായാലും അത് നാന്നായി നമുക്ക് നടന്നിട്ട് തുരുത്തില് പോകാലൊ. നമക്കൊരു കാര്യം ചെയ്യാം ഉച്ചക്ക് ഉണ്ണുന്നേനു മുമ്പ് പള്ളീം സിറ്റിയൊക്കെ കണ്ടിട്ട് ഉച്ച തിരിഞ്ഞ് വെയില് കൊറയുമ്പോ ബീച്ചും കണ്ട് തുരുത്തില് പോകാം എന്തേ ? ”

അങ്ങിനെ ഞങ്ങൾ അവിടെ നിന്നും മുനിസിപ്പൽ ഓഫീസ്സിനു മുന്നിൽ തന്നെയുള്ള പള്ളിയിൽ കയറി, ഉച്ചക്കു 12 മണി വരെ മാത്രമെ പള്ളിക്കകത്തു പ്രവേശനമുള്ളൂ ഉച്ചതിരിഞ്ഞ് 5.30 നു ശേഷവും , ഞാൻ പള്ളിക്കത്തു കാഴ്ച്ചകൾ കണ്ട് നടക്കുന്നതിനടയിൽ നല്ലപാതി പ്രാർത്ഥിക്കാൻ പോയി , 14 ആം നൂറ്റാണ്ടിൽ പണിത പള്ളി ഇപ്പോഴും നല്ല കെട്ടുറപ്പോടെ നിൽക്കുന്നു , തറ പൂർണമായും തടിപാകിയിരിക്കുന്നു. കഴിഞ്ഞ മാസം ഇവിടെ വന്നപ്പോൾ ഒരു വിവാഹം നടക്കുകയായിരുന്നു അങ്ങിനെ ആദ്യമായി ഒരു യൂറോപ്യൻ വിവാഹത്തിനു ക്ഷണമില്ലാതെ തന്നെ സാക്ഷ്യം വഹിക്കാൻ കഴിഞ്ഞ ഓർമ്മകളുമായി ഞങ്ങൾ ആ പള്ളിയിൽ നിന്നുമിറങ്ങി.

വളരെ ചെറിയ തീരപട്ടണമാണെങ്കിലും കാണാൻ ഒരുപാട് കാഴ്ചകൾ ഒന്നുമില്ലെങ്കിലും ഒരിക്കൽ വന്നാൽ വീണ്ടും ഇവിടെ വരാൻ തോന്നും പഴയ തെരുവുകളും പൊതുസ്ഥലവുമെല്ലാം നല്ല ശുചിത്വത്തോടെ ആളുകൾ കൈകാര്യം ചെയ്യുന്നു, സമയം 12 മണികഴിഞ്ഞു വെയിലിനു നല്ല ചൂടുണ്ട് പക്ഷെ പഴയപട്ടണത്തിലേക്ക് കടന്നപ്പോൾ നല്ല തണുപ്പ് നൂറ്റാണ്ടുകൾ പഴക്കമുള്ള കരിങ്കൽ പാകിയ ആ ഇടുങ്ങിയ റോമൻപാതകളിലൂടെ ഞങ്ങൾ നടന്നു . അരമണിക്കൂർ നടത്തത്തിനു ശേഷം ഞങ്ങൾ തിരിച്ച് പോർട്ടിലെത്തി അവിടെ നിന്നാൽ സാൻ നിക്കോളാസ് ദ്വീപ് കാണാം. വിന്റെർ സീസണിൽ വളരെ വലിയ തിരകൾ പോർട്ടിലേക്ക് വീശിയടിക്കാറുണ്ട്, പലതവണ പോർട്ടിൽ സ്ഥിതി ചെയ്യുന്ന ഹെലിപാഡ് ഹോസ്പിറ്റലിൽ ആളുകളെ വളരെ പെട്ടെന്നു എത്തിക്കുന്നതിൽ വലിയ പങ്കു വഹിച്ചിട്ടുണ്ട് .

photo: google

ഉച്ചയൂണു കഴിക്കേണ്ട സമയമായി ഞങ്ങൾ ഭക്ഷണം കഴിക്കാൻ കയറിയ റെസ്റ്റോറന്റീൽ 2 മണിക്കാണു ഉച്ചഭക്ഷണ സമയം ആരംഭിക്കുന്നതു . ഉച്ചയൂണു കഴിഞ്ഞ് ഞങ്ങൾ , നേരത്തെ തീരുമാനിച്ച പോലെ ഹൊണ്ടാർറ്റ്സ ബീച്ചിൽ നിന്നും നടന്ന് സാൻ നിക്കോളാസ് ദ്വീപിലെത്തി അവിടെ കുറച്ചു സമയം ചിലവഴിക്കണമെന്നു വിചാരിച്ചു ബീച്ചിലെത്തിയ ഞങ്ങൾ അന്തംവിട്ടു . കാരണം ബീച്ചിനും ദ്വീപിനുമിടയിൽ ഇപ്പോൾ നാലാൾ താഴ്ചയിൽ കൂടുതൽ വെള്ളമുണ്ട് ശക്തിയായ തിരമാലകൾ ബീച്ചിലേക്കടിക്കുന്നു . ബീച്ചിൽ തന്നെയുണ്ടായിരുന്ന റെഡ്ക്രോസ്സ് പ്രവർത്തകനോട് ചോദിച്ചപ്പോഴാണെനിക്കു സംഭവം കത്തിയത് , നമ്മുടെ അമ്പിളിഅമ്മാവൻ പറ്റിച്ച പണിയെ അതുതന്നെ വേലിയേറ്റവും വേലിയിറക്കവും . കാലത്ത് 11 മണിക്ക് താഴ്ന്ന സീ ലെവൽ ഇനി 6 മണിക്കൂറിനു ശേഷം അതിന്റെ ഉയർന്ന ലെവലിലെത്തും അതായത് ഇന്നു ഉച്ചതിരിഞ്ഞ് 5 മണിക്ക് ബീച്ചിന്റെ മുക്കാൽ ഭാഗത്തോളം തിരവിഴുങ്ങും, പിന്നീട് 6 മണിക്കൂറിനു(ഏകദേശ സമയം) ശേഷം രാത്രി 11 മണിക്ക് വീണ്ടും കടൽ നിരപ്പ് താഴ്ന്ന് ബീച്ചിനും ദ്വീപിനുമിടയിൽ ഒരുതുള്ളി വെള്ളം പോലും അവശേഷിപ്പിക്കാതെ സാൻ നിക്കോളാസ് ദ്വീപിനപ്പുറത്തേക്ക് തിരമാലകൾ മാറി നിൽക്കും . അത്രയും സമയം കാത്തുനിന്ന് രാത്രിയിൽ നടന്ന് ദീപിലെത്താൻ ഒരു താല്പര്യവുമില്ലാതിരുന്നതിനാൽ ഞങ്ങൾ ബീച്ചിലൂടെ മുന്നോട്ടു നടന്നു .

വേലിയിറക്കത്തിനു മുൻപ് ബീച്ചിനും ദ്വീപിനുമിടയിലുള്ള സീ ലെവെൽ

വേലിയിറക്കത്തിനു ശേഷം ബീച്ചിൽ നിന്നും ദ്വീപിലെക്ക് നടന്നു പോകാവുന്ന രീതിയിൽ

ബീച്ചിൽ വിശ്രമിച്ചിരുന്ന സമയം കോളാമ്പി മൈക്കിലൂടെ റെഡ്ക്രോസ്സ് ഗാർഡ് എല്ലാവർക്കും മുന്നറിയിപ്പ് നൽകി സമയം 5 മണീയായി വേലിയേറ്റത്തിൽ സീ ലെവൽ ഏറ്റവും ഉയർന്നു നിൽക്കുന്ന സമയം അതിനോടൊപ്പം തന്നെ ശക്തിയായ തിരമാലകളും ബീച്ചിനെ വിഴുങ്ങാൻ തുടങ്ങി ബീച്ചിൽ കളിച്ചു കൊണ്ടിരുന്ന എല്ലാവരും തന്നെ മുന്നറിയിപ്പിനെ തുടർന്ന് കരയിലേക്ക് കയറി, ബീച്ചിൽ വെയിലുകാഞ്ഞു കിടന്നിരുന്ന സായിപ്പ്മാരും ടോപ് ലെസ്സ് മദാമ്മമാരും അല്പം മടിച്ചിട്ടാനെങ്കിലും തിരയെ പേടിച്ച് കരയിൽ കയറിയിരുന്നു സമയം 6 മണിയായിക്കാണും തിരയുടെ ശക്തികുറഞ്ഞ് കടൽ പിൻവാങ്ങാൻ തുടങ്ങിയിരുന്നു. സാൻ നിക്കോളാസ്സ് ദ്വീപിലേക്ക് നടന്നു കയറാൻ പറ്റിയ ഒരവസരം നഷ്ട്ടപെട്ട വിഷമത്തിൽ ഞങ്ങൾ ബീച്ചിൽ നിന്നും ബസ്സ്സ്റ്റോപ്പിലെക്ക് നടന്നു, വീണ്ടും ലെകൈറ്റ്യൊയിലേക്ക് തിരിച്ചു വരാനായി .

സാന്റിമാമിഞെ ഗുഹയും ഓമയിലെ കാടും

2010-05-30T12:42:00.000-07:00

രണ്ടാഴ്ച്ചയായി പെയ്തുകൊണ്ടിരുന്ന മഴമാറി മാനം തെളിഞ്ഞു കൂടെ ഞങ്ങളുടെ മനസ്സും, കാലാവസ്ഥ 7 ഡിഗ്രിയിൽ നിന്നും 25 ഡിഗ്രിയിലെത്തി യാത്രകൾ നടത്താൻ വടക്കൻ സ്പെയിനിൽ ഇതിലും നല്ല സമയം വരാനില്ല . കവലകളും ബാറുകളൂം റോഡുകളും പള്ളിമുറ്റവും എങ്ങും ആളുകളെ കൊണ്ട് നിറഞ്ഞിരിക്കുന്നു 1 വയസ്സുകാരൻ മുതൽ 90വയസ്സുള്ളവർ വരെ വീട് വിട്ടിറങ്ങി വെയിലു കൊണ്ടുകൊണ്ട് കൂട്ടംകൂടി നിന്നു ചായകുടിച്ച് സ്പ്രിങ്ങ് സീസൺ ആസ്വദിക്കുന്നു. എങ്ങും സന്തോഷത്തോടെ ചിരിച്ച മുഖങ്ങൾ സ്വതവേ വെളുത്തുചുവന്നിരിക്കുന്ന അവരുടെ കവിളുകൾ ഈ ചെറുചൂടിൽ ചുവന്നു തുടുത്തിരിക്കുന്നതു കാണാം.

ഈ ആഴ്ചാവസാനം പോകാനുള്ള സ്ഥലം നിർദ്ദേശിച്ചതു ദിവാകരനാണ് ഗെർണിക്കയും അവിടെ നിന്നും 4 കിലോമീറ്റർ അകലെയുള്ള സാന്റിമാമിഞെ ഗുഹയും ഓമയിലെ കാടും .

View Larger Map

സാധാരണ യാത്രയിൽ ഉച്ചഭക്ഷണം യാത്ര പോകുന്ന സ്ഥലങ്ങളിൽ നിന്നുള്ള ഹോട്ടലിൽ നിന്നാണു കഴിക്കാറ് എന്നാൽ ഇത്തവണ പതിവിനു വിപരീതമായി എല്ലാവരും ഭക്ഷണം കയ്യിൽ കരുതി കാട്ടിലിരുന്നു കഴിക്കാൻ .എല്ലോറിയോയിൽ നിന്നും 40 മിനുറ്റ് ദൂരമെയുള്ളൂ ഗെർണിക്കയിലേക്ക് പക്ഷെ ഇവിടെനിന്നും നേരിട്ട് ഗെർണിക്കയിലേക്ക് ബസ്സില്ല . ബെർണാഡും സംഘവും കാറിൽ നേരിട്ട് ഗെർണിക്കയിലെത്തും , ദിവാകരനും കുടുംബവും ബിൽബാവൊയിൽ നിന്നും ഗെർണിക്കയിലേക്കു നേരിട്ടുള്ള ബസ്സിൽ 11 മണിയോടുകൂടി അമൊറെബീറ്റ വഴിയാണു വരുന്നതു. 9.10ന്റെ ബസ്സിൽ ഞാനും അനിതയും ഡുറങ്കൊയിലെക്കു തിരിച്ചു, 20 മിനുറ്റ്കൊണ്ട് ഡൂറങ്കോയിലെത്തി അവിടെനിന്നും 10.00മണിയുടെ അമൊറെബീറ്റയിലേക്കുള്ള ബസ്സിൽ കയറി 10.30നു ഞങ്ങൾ അമൊറെബീറ്റ ബസ്സ്സ്റ്റോപ്പിലെത്തി. ഇതു ഗെർണിക്കയിലേക്കുള്ള എന്റെ രണ്ടാമത്തെ യാത്രയാണ്, 11 മണിയാകും അവർ അമൊരെബീറ്റയിലെത്താൻ. അമോറെബീറ്റ റ്റൌണിലൂടെ റ്റൂറിസ്റ്റ് സ്ഥലങ്ങളിലേക്ക് വാഹനങ്ങൾ ഒഴുകികൊണ്ടിരുന്നു , സ്പാനിഷ് കുടുംബങ്ങൾ കാറുകളിൽ ബസ്സ്സ്റ്റോപ്പിൽ കൂടിച്ചേർന്ന് സംഘങ്ങളായി ബീച്ചുകളിലേക്ക് പോകുന്നു . മേയ്മാസം മുതൽ സെപ്റ്റംബർ വരെ ഏറ്റവും തിരക്കുള്ള സ്ഥലമാണു ബീച്ചുകൾ .

11മണിയോടു കൂടി ഗെർണിക്ക ബസ്സ് എത്തി സാമാന്യം നല്ല തിരക്കുണ്ട് ഇറങ്ങാനുള്ള പടികളിൽ വരെ ആളുകൾ ഇരിക്കുന്നു,മലഞ്ചെരുവുകളിലൂടെ പതിയെ കയറ്റങ്ങൾ കയറിയിറങ്ങി പൈൻ മരക്കാടുകൾക്കിടയിലൂടെ കാഴ്ച്ചകൾ കണ്ടുകൊണ്ട് യാത്രതുടർന്നു .പലയിടത്തും വഴിയിൽ മാനുകൾ ഉണ്ട് പതിയെ പോകുക എന്ന ബോർഡ് കണ്ടെങ്കിലും ഒന്നിനെയും നേരിൽ കണ്ടില്ല, 15 മിനുറ്റ് യാത്രക്കു ശേഷം ഗെർണിക്കയിലെത്തി പതിവുപോലെ നേരെ ടൂറിസ്റ്റ് ഇൻഫോർമേഷൻ ഓഫീസ്സിൽ പോയി അസ്സംബ്ലി ഹൌസിന്റെയും മ്യൂസിയത്തിന്റെയും പ്രവർത്തനസമയം ചോദിച്ച് ഗെർണിക്കയുടെ മാപ്പും ടൂറിസ്റ്റ് ബുക്കും വാങ്ങി ഞങ്ങൾ മുനിസിപ്പൽ ഓഫീസിനുമുന്നിൽ ബെർണാഡിനെയും സംഘത്തെയും കാത്തിരുന്നു.
‘ ഗെർണിക്ക’ ബിൽബാവോയിൽ നിന്നും 33 കിലോമീറ്റർ അകലെ സമുദ്രനിരപ്പിൽ നിന്നും 10 മീറ്റർ ഉയരത്തിൽ 8.6 ചതുരശ്രകിലോമീറ്ററിൽ 16000 ജനസംഖ്യമാത്രമുള്ള കൊച്ചുപട്ടണം 1937 ഏപ്രിൽ 26നു ഹിറ്റ്ലറുടെ വിമാനപട ബോംബിട്ടു നശിപ്പിച്ചതിനു ശേഷം പിക്കാസോ വരച്ച ഗെർണിക്ക .

ഇൻഫോർമേഷൻ ഓഫീസ്സിൽ നിന്നും ഞങ്ങൾ ഗെർണിക്ക മുനിസിപ്പൽ പ്ലാസയിലേക്കു നടന്നു സമയം 12 മണി , മുനിസിപ്പൽ കെട്ടിടത്തിന്റെ ആ പഴയ ഘടികാരത്തിൽ നിന്നും സംഗീതത്തോടുകൂടി സമയം അറിയിച്ചു . ഗെർണിക്കയുടെ സ്ഥാപകനായ ഡോൻ ടെയ്യോയുടെ പ്രതിമയും കണ്ടതിനു ശേഷം അതിനു പുറകിലായി സ്ഥിതി ചെയ്യുന്ന അൻഡ്രമരിയ പള്ളിയിലേക്കു നടന്നു, സന്ദർശന സമയമല്ലാത്തതിനാൽ അകത്തുകയറാൻ സാധിച്ചില്ല്ല അല്പനേരം അവിടെ ചിലവഴിച്ചശേഷം എല്ലാവരും കൂടി പിക്കാസൊ വരച്ച ചിത്രത്തിന്റെ സെറമിക്കിൽ നിർമ്മിച്ച റിപ്ലിക്ക കാണാൻ നടന്നു പള്ളിയിൽ നിന്നും അതെ റോഡിലൂടെ തന്നെ 100 മീറ്റർ നടന്നാൽ അവിടെയെത്താം. ഞങ്ങൾ അവിടെ ചെല്ലുമ്പോൽ കുറേ ജപ്പാനീസ് ടൂറിസ്റ്റുകൾ ഉണ്ടായിരുന്നു . സമയം 1 മണിയായി 2 മണി വരെ മാത്രമെ ബാസ്ക് കൾച്ചർ മ്യൂസിയത്തിനകത്തും അസ്സംബ്ലി ഹാളിനകത്തും പ്രവേശനമുള്ളൂ , 2 മിനുറ്റ് നടന്നാൽ മ്യൂസിയത്തിലെത്താം 4 നിലയുള്ള മ്യൂസിയം ഇന്നത്തെ ദിവസം പ്രവേശനം സൌജന്യമാണ്. ആദ്യത്തെ നിലയിൽ ബാസ്ക് റീജിയനിലെ പരമ്പരഗത രീതിയിലെ കെട്ടിടങ്ങളും ചരിത്രവും നമ്മൾക്ക് കാണാം ,ഒന്നാം നിലയിൽ നമ്മൾ കാണുന്നത് ബാസ്കിന്റെ രാഷ്ട്രീയ ചരിത്രത്തിലെ ഏടുകളിൽ നിന്നും പകർത്തിയ സംഭവങ്ങളുടെ പെയിന്റിങ്ങുകളും ഫോട്ടോകളും പഴയ കറൻസികൾ നാണയങ്ങൾ എന്നിവയുമാണ് . രണ്ടാം നിലയിൽ ഞങ്ങൾ കണ്ടതു ബാസ്ക് സംസ്കാരത്തിനെ കുറിച്ചാണു , ബാസ്കിന്റെ ഭാഷയായ ഉസ്കേറ , ബാസ്ക് സ്പോർട്സ്, സംഗീതം, വിശ്വാസരീതികൾ എന്നിവ. തീർത്തും സ്പെയിനിൽ നിന്നും വ്യത്യസ്ഥമായ സംസ്കാരമാണു ഞങ്ങളവിടെ കണ്ടത്. അതു തന്നെയാണ് ബാസ്ക് റീജിയന്റെ പ്രത്യേകത അതുകൊണ്ടു തന്നെയാണവർ സ്പെയിനിൽ നിന്നും സ്വാതന്ത്ര്യം ചോദിച്ച് സ്വന്തം രാജ്യത്തിനു വേണ്ടി സ്പെയിനിനോടു പൊരുതുന്നതു .

അവിടെ നിന്നും ഞങ്ങൾ പോയതു അസ്സംബ്ലി കെട്ടിടത്തിലെക്കായിരുന്നു ബാസ്ക് രാഷ്ട്രീയ ചരിത്രത്തിൽ എടുത്തുപറയേണ്ട സ്ഥലമാണു ഗെർണിക്ക , നൂറ്റാണ്ടുകളായി ഗെർണിക്കയായിരുന്നു ബാസ്കിന്റെ ആസ്ഥാനം, 19-)0 നൂറ്റാണ്ടിൽ പണിത ആ കെട്ടിടത്തിനു മുൻപ് ബാസ്കിന്റെ ഭരണകർത്താക്കൾ ഒത്തുകൂടി തീരുമാനങ്ങളെടുത്തിരുന്നതു അവിടെ തന്നെയുള്ള ഓക്ക് മരത്തിന്റെ ചുറ്റുമിരുന്നായിരുന്നു 400 വർഷം പഴക്കമുള്ള ഓക്കുമരത്തിന്റെ ഒരു ഭാഗം ചരിത്രത്തിന്റെ ഓർമക്കായി അവർ ഇന്നും സൂക്ഷിച്ചു വെച്ചിട്ടുണ്ട്.അസ്സംബ്ലി കെട്ടിടത്തിനകത്തു കടന്ന ഞങ്ങൾ ആദ്യം പോയതു അസ്സംബ്ലി ചേംബറിലേക്കായിരുന്നു ഇവിടെയായിരുന്നു ബാസ്ക് ഭരണകർത്താക്കളുടെ മീറ്റിങ്ങ് നടന്നിരുന്നതു. അന്നത്ത കാലത്തു ബാസ്ക് പ്രദേശത്തു ഭരണകാര്യങ്ങളിൽ മതത്തിനു നിർണ്ണായക സ്വാധീനമുണ്ടായിരുന്നു , ചുമരുകളിൽ ഭരണകർത്താക്കളുടെ ധാരാളം പോർട്രെയിറ്റുകൾ അവരുടെ പ്രാധാന്യമനുസരിച്ച് അവർ ഭരിച്ചിരുന്ന വർഷം സഹിതം കൊടുത്തിട്ടുണ്ട് .അസ്സംബ്ലി ഹാളിന്റെ മുഖ്യ ആകർഷണം അതിന്റെ മേൽക്കൂരയിൽ കണ്ണാടിയിൽ തീർത്ത പെയിന്റിങ്ങാണു നൂറ്റാണ്ടുകൾക്ക് മുന്നെ ഓക്ക് മരത്തിന്റെ കീഴിൽ അവർ ഒത്തുകൂടിയിരുന്നു തീരുമാനങ്ങൾ എടുത്തിരുന്നതിന്റെ ചിത്രമായിരുന്നു അത്.

സമയം 2 മണി കഴിഞ്ഞു കാട്ടിൽ പോയി ഊണു കഴിക്കാനുള്ള ക്ഷമയൊന്നും ആരുടെ മുഖത്തും ഇല്ല , അതുകൊണ്ടുതന്നെ അസ്സംബ്ലി ഹാളിനു തൊട്ടടുത്തുള്ള യൂറോപ്യൻ ജനതയുടെ പാർക്ക് എന്നു പേരുള്ള പാർക്ക് കൂടി കണ്ടതിനു ശേഷം ഗെർണിക്കയിൽ നിന്നും തിരിക്കാൻ തീരുമാനിച്ചു .എന്നെ ആ പാർക്കിൽ ആകർഷിച്ചതു ഹെന്റ്റിമൂറെ നിർമ്മിച്ച വാർ ഹെൽമറ്റ് എന്ന 2 ടൺ ഭാരമുള്ള ബ്രോൺസ് രൂപമാണു .അല്പനേരം അവിടെ ചിലവഴിച്ച ഞങ്ങൾ ഓമയിലേക്കു പോകാൻ തീരുമാനിച്ചു .

‘ഓമ കാട്’കോർടെസുബി ജില്ലയിൽ സ്ഥിതി ചെയ്യുന്ന ഗെർണിക്കയിൽ നിന്നും ലെക്കെയ്റ്റയിലേക്കുള്ള വഴിയിൽ 4 കിലോമീറ്റർ അകലെ ഉള്ള പൈൻ മരങ്ങളുടെ താഴ്വര, പക്ഷെ ഗെർണിക്കയിൽ നിന്നും ഓമയിലേക്ക് ബസ്സില്ല, നടന്നു പോകാനും പറ്റില്ല. ഞങ്ങൾ 7 പേരുണ്ട് ആകെ ബെർണാഡിന്റെ ഒരു കാറും, രണ്ടുതവണയായി പോവുകയല്ലാതെ രക്ഷയില്ല 5 മിനുറ്റ് കൊണ്ട് ഞങ്ങൾ ഓമയിലെത്തി ആ റോഡ് അവസാനിക്കുന്നതു സാന്റിമാമിഞെ ഗുഹയുടെ താഴെയുള്ള കാർപാർക്കിങ്ങ് സ്ഥലത്താണു. എന്നെയും അനിതയെയും അവിടെ ഇറക്കി ബെർണാഡ് വീണ്ടും ബാക്കിയുള്ളവരെ കൊണ്ടുവരാൻ പോയി. ഞങ്ങൾ ഒരു കാസരിയോയുടെ മുന്നിലാണു നിൽക്കുന്നതു, കാസരിയൊ എന്നാൽ ഫാംഹൌസ്. ആ ഫാംഹൌസിന്റെ താഴത്തെ നില ഇടതുവശത്തു ബാറും വലതു വശത്തു ഹോട്ടലും.ആ കാസരിയോയുടെ മുന്നിലൂടെ രണ്ടു മൺ വഴികൾ കണ്ടു ആദ്യത്തെ വഴിയിൽ പെയ്ന്റെഡ് ഫോറസ്റ്റ് 2.2 കി മി, ഓമ 3.8 കി മി എന്നും രണ്ടാമത്തെ വഴിയിൽ ഓമ 4.2കിമി എന്നും ചൂണ്ടു പലക കണ്ടു. കാസരിയോ നിൽക്കുന്ന റോഡിലൂടെ 400 മീറ്റർ നടന്നാൽ സാന്റിമാമിഞെ ഗുഹയിലെത്താം. ബെർണാഡ് തിരിച്ചുവരുമ്പോഴെക്കും ഒന്നു കറങ്ങിവരാമെന്നു കരുതി ഞാനും അനിതയും സാന്റിമാമിഞെ ലക്ഷ്യമാക്കി നടന്നു,എരെഞോസർ മലയുടെ അടിവാരത്തായാണു ഗുഹാമുഖം. ഇവിടെ എത്തുന്ന സഞ്ചാരികൾക്കു വേണ്ടി വളരെ നല്ല അടിസ്ഥാനസൌകര്യങ്ങളാണു വിസ്കായ ഗവണ്മെന്റ് ഒരുക്കിയിരിക്കുന്നതു, വിശാലമായ വാഹനപാർക്കിങ്ങ് സൌകര്യം അതുകഴിഞ്ഞ് ആ കുന്നിൻ മുകളിൽ തന്നെ റ്റൂറിസ്റ്റ് ഇൻഫോർമേഷൻ ഓഫീസ്സ്, അതിനും മുകളിൽ ഓക്കു മരങ്ങൾ നിറഞ്ഞ പാർക്കിൽ നിറയെ കരിങ്കൽ കൊണ്ടുള്ള ഭക്ഷണം കഴിക്കാനുള്ള മേശയും ഇരിപ്പിടങ്ങളും .......നൂറു കണക്കിനു ആളുകൾ കുടുംബസഹിതം അവിടെ ഇരുന്നു ഭക്ഷണം കഴിക്കുന്നു, ഞങ്ങൾ നേരെ ടൂറിസ്റ്റ് ഓഫീസ്സിലെക്കു നടന്നു.

ടൂറിസ്റ്റ് ഓഫീസ്സ്

എവിടെയാണു ഗുഹാമുഖം എന്നോ എത്ര ദൂരമുണ്ടെന്നോ ഈ സമയത്തു ആ ഗുഹക്കകത്തു പ്രവേശിക്കാൻ സാധിക്കുമോ എന്നോ എനിക്കൊരു പിടിയുമില്ല എന്തായാലും അറിയാവുന്ന അരമുറി സ്പാനിഷിൽ ചോദിക്കുക തന്നെ.

“ ഓലാ ബുവണാസ് താർദെസ് ” ( ഗുഡ് ആഫ്റ്റർനൂൺ )
“സോമോസ് ഇൻഡ്യോസ് ” ( ഞങ്ങൾ ഇന്ത്യാക്കാരാണു )
“കിയ്റെമോസ് സാബെർ ദോൻഡെ എസ്താ ലാ കുഎവാ സാന്റിമാമിഞെ ഇ പൊദെമോസ് വെർ അഓറ” (എവിടെയാണു സാന്റിമാമിഞെ ഗുഹ ഈ സമയത്തു കാണാൻ സാധിക്കുമോ ).

“ ആ കാണുന്ന കരിങ്കൽ പടവുകളിലൂടെ 306 പടികൾ കയറിയാൽ ഗുഹാമുഖത്തെത്താം ,ഇപ്പോൾ ഗുഹക്കകത്തു പ്രവേശിക്കാൻ സാധിക്കില്ല, ഇന്നിനി 4.30 നും 5.00 നും പരമാവധി 20പേർ ഉൾക്കൊള്ളുന്ന സംഘത്തിനു ഗൈഡിന്റെ സഹായത്തോടെ ഗുഹ സന്ദർശിക്കാം. 4.30 നുള്ള സംഘത്തിനു ഉസ്കേറ ഭാഷയിൽ ഗൈഡിന്റെ വിവരണവും 5.00 മണിയുടെ സംഘത്തിനു സ്പാനിഷ് ഗൈഡിന്റെ സഹായവും ലഭിക്കും. ആകെ ഒന്നര മണിക്കൂർ സമയത്തെ ഈ സന്ദർശനത്തിൽ പകുതി സമയം ഗുഹക്കകത്തും പിന്നീട് ഓഫീസ്സിനു അടുത്തുള്ള 3ഡി തിയറ്ററിൽ ഗുഹക്കകത്തെ ചിത്രങ്ങളും ചരിത്രവും കാണാം. ഈയാഴ്ച്ച ഗുഹാപ്രവേശനം തീർത്തും സൌജന്യം“

“നൊസോത്രോസ് സീയ്റ്റെ പെർസൊണാസ്” (ഞങ്ങൾ 7 പേർ ഉണ്ട്)

“5.00 മണിയുടെ സ്പാനിഷ് ഗൈഡിന്റെ സംഘത്തിൽ 15 പേർ റിസർവ് ചെയ്തുകഴിഞ്ഞു ഇനി 5 പേർക്ക് കൂടി മാത്രമെ ആ സംഘത്തിൽ ടിക്കറ്റ് ബാക്കിയുള്ളൂ, എല്ലാവർക്കും ഒരുമിച്ച് കയറണമെങ്കിൽ 4.30 നു ഉസ്കേറ ഗൈഡിന്റെ കൂടെ പോകാം ”

എല്ലാ വിശദവിവരവും അന്വേഷിച്ചറിഞ്ഞ ശേഷം ഞാനും അനിതയും കൂടി ഗുഹാമുഖം വരെ പോയിവരാൻ തീരുമാനിച്ചു, ഓക്കു മരങ്ങൾക്കിടയിലൂടെ 306 കരിങ്കൽ പടികൾ കയറി ഞങ്ങൾ ഗുഹാമുഖത്തെത്തി.എന്നാൽ ഞങ്ങളവിടെ കണ്ടതു ഗുഹയിൽ അനുവാദമില്ലാതെ പ്രവേശിക്കാതിരിക്കാനായി താഴിട്ടുപൂട്ടിയിരിക്കുന്നു. അലപനേരം അവിടെ ചിലവഴിച്ച ശേഷം ഞങ്ങൾ പടികളിറങ്ങി വന്നു ബെർണാഡിനെയും സംഘത്തെയും കാത്തു നിന്നു.

സമയം 3.30 വിശന്നിട്ട് കുടലു കരിയുന്നു എല്ലാവരുടെ മുഖത്ത് അതു കാണാം, വീട്ടിൽനിന്നും കൊണ്ടുവന്ന ഭക്ഷണം ഞങ്ങളെല്ലാവരും കൂടി പങ്കിട്ടെടുത്തു ആ കരിങ്കൽ മേശയിലിരുന്നു കഴിച്ചു.ഇപ്പോൾ ഈ പാർക്കിനു പുറത്തു 30 ഡിഗ്രീയിൽ കൂടുതൽ ചൂട് ഉണ്ടെങ്കിലും പാർക്കിനകത്തു ഓക്കുമരങ്ങൾക്കിടയിലൂടെ വെയിൽ കടക്കാത്തതിനാൽ ചെറിയ തണുപ്പുണ്ട്.ഭക്ഷണമെല്ലാം കഴിച്ചു ഞങ്ങൾ ഗുഹയിൽ സന്ദർശിക്കുന്നതിനുള്ള പ്രവേശന ടിക്കറ്റ് വാങ്ങി ഗൈഡിനെയും കാത്തുനിന്നു.

സമയം 4.30 ഓഫീസ്സിൽനിന്നും പത്തുമുപ്പതു വയസ്സുപ്രായം വരുന്ന സ്പാനിഷ് യുവതി കരിങ്കൽ പടികളിൽ കയറിനിന്ന് ഗുഹസന്ദർശിക്കാൻ ടിക്കറ്റെടുത്തവരോട് പോകാനുള്ള സമയമായെന്നറിയിച്ചു. ഞങ്ങളുൾപ്പെടെ പത്തിരുപതുപേർ വരുന്ന സംഘം അവരുടെ ചുറ്റും കൂടി നിന്നു, ഉസ്കേറ ഭാഷയിലാണു അവർ സംസാരിക്കുന്നതു ഞങ്ങൾ ഇന്ത്യാക്കാർക്കു മനസ്സിലാകാനായി അവസാനം വളരെ ചുരുക്കി സ്പാനിഷിലും അവർ പറഞ്ഞു തന്നു.

ഞങ്ങൾ അവരെ പിന്തുടർന്നു പടികൾ കയറി ഗുഹാമുഖത്തെത്തി, ഗുഹയിൽ കയറുന്നതിനു മുൻപായി അവർ ആ ഗുഹയുടെ ചരിത്രം അൽപം പറഞ്ഞു തന്നു.

“ ഈ മലയുടെ താഴ്വാരത്തുള്ള സാന്റിയാഗോ ചാപ്പലിന്റെ ഉസ്കേറയിലുള്ള പേരാണു ഈ ഗുഹക്കു നൽകിയിരിക്കുന്നതു ‘സാന്റിമാമിഞെ’ 1916ൽ ഈ പ്രദേശത്തു കളിക്കുകയായിരുന്ന കുട്ടികളാണു ആദ്യമായി ഈ ഗുഹ കണ്ടെത്തിയതു അതിനു ശേഷം ആ കുട്ടികളിൽ നിന്നും അവരുടെ മാതാപിതാക്കളിലേക്കും അധ്യാപകരിലേക്കും ഈ വിവരം എത്തിചേർന്നു,പ്രശസ്ത ബാസ്ക് കമ്പോസറായിരുന്ന ഹെസുസ് ഗുരുഡിയാണു ഈ ഗുഹയെ പറ്റി വിസ്ക്കായ ഗവണ്മെന്റിനെ അറിയിക്കുന്നതു”

ഈ ഗുഹയിലെ ചിത്രങ്ങൾക്ക് 14000ത്തോളം വർഷം പഴക്കം കണക്കാക്കുന്നു, ആദ്യകാലങ്ങളിൽ ഒരു നിയന്ത്രണവുമില്ലാതെ ആളുകൾ പ്രവേശിച്ചു ചിത്രങ്ങൾ നശിക്കാൻ തുടങ്ങിയതോടെ ഗവണ്മെന്റ് ചിത്രങ്ങൾ സ്ഥിതിചെയ്യുന്ന ഭാഗത്തേക്കുള്ള പ്രവേശനം നിരോധിച്ചു, അതുകൊണ്ടു തന്നെ ആ ഗുഹയുടെ ആദ്യത്തെ ഒരു 60 മീറ്റർ ഭാഗത്തു മാത്രമായി പ്രവേശനം പരിമിതപെടുത്തിയിരിക്കുന്നു എന്ന് മുന്നറിയിപ്പു തന്നുകൊണ്ടവർ ഗുഹയുടെ ഗേറ്റ് തുറന്നു.

ഗുഹക്കകത്തെ കാട്ട്പോത്ത് കട: ബിസ്കായ റ്റൂറിസം സൈറ്റ്

ഗൈഡിന്റെ പുറകെ വരിവരിയായി ഞങ്ങളും ഗുഹക്കകത്തേക്ക് പ്രവേശിച്ചു, ഹൊ നല്ല തണുപ്പ്.. ഗുഹക്ക്മുകൾ ഭാഗത്തുനിന്നും വെള്ളം ഇറ്റിറ്റായി വീഴുന്നു , നാലോ അഞ്ചോ ഡിഗ്രീ കാണും അതിനകത്തെ താപനില.ഗുഹക്കകത്തെ വിസ്താരം കൂടിയ സഥലത്തു ഞങ്ങൾ ഗൈഡിന്റെ ചുറ്റും കൂടി നിന്നു, അവർ ഉസ്കേറയിൽ വീണ്ടും തുടർന്നു,

“ആ കാണുന്ന കറുത്ത വര കണ്ടോ ഒരാൾ ഉയരത്തിൽ ഗുഹക്കകത്തു ചുറ്റും, 1916 ൽ ആ കുട്ടികൾ കളിക്കാനായി ഇവിടെ വരുമ്പോൾ ആ കറുത്ത വര കാണുന്ന അത്രയും വരെ മണ്ണ് മൂടികിടക്കുകയായിരുന്നു ഈ ഗുഹക്കകം മുഴുവൻ. 1918ലും 1926ലും നടന്ന ഉദ്ഘനനത്തിൽ അൻപതോളം ശിലാചിത്രങ്ങളാണു കണ്ടെടുത്തതു.1997 വരെ യാതൊരു നിയന്ത്രണങ്ങളുമില്ലാതെ ഈ ഗുഹക്കകം മുഴുവനും 365 മീറ്റർ ദൂരം ചിത്രങ്ങളും കാത്സ്യം കാർബണേറ്റടിഞ്ഞു രൂപപെട്ടുണ്ടായ പലവർണത്തിലുള്ള രൂപങ്ങളും കാണാമായിരുന്നു,2006ൽ പൂർണ്ണമായും ഗുഹക്കകം പൊതുപ്രവെശനം അവസാനിപ്പിച്ചു. 2008 മാർച്ച് മുതൽ വീണ്ടും പ്രവേശനത്തിനു അനുമതി നൽകി ടൂറിസ്റ്റ് ഒഫീസ്സ് വഴി ഒരു ദിവസം 75 പേർ 60 മീറ്റർ ദൂരം എന്ന അക്കത്തിൽ ഒതുക്കി, ചിത്രങ്ങൾ സ്ഥിതി ചെയ്യുന്ന ഇടം ഉദ്ഘനനം നടത്തുന്നവർക്കും അറ്റകുറ്റപണി നടത്തുന്നവർക്കു മാത്രമായി പ്രവേശനം. ”

വെള്ളം മുകളിൽനിന്നും ഇറ്റിറ്റായി വീഴുന്നു

അരമണിക്കൂറോളം ഞങ്ങൾ അവിടെ ചിലവഴിച്ചെങ്കിലും ഗുഹ പൂർണ്ണമായും കണ്ടില്ലെങ്കിലും ആ ചിത്രങ്ങൾ കാണാൻ സാധിക്കാത്തതിൽ ഞങ്ങൾക്കെല്ലാവർക്കും നിരാശയുണ്ടായിരുന്നു ഞങ്ങളതു ഗൈഡിനോടു തുറന്നു പറയുകയും ചെയ്തു. അതിനു പരിഹാരമായി വിസ്ക്കായ ഗവണ്മെന്റ് ഒരുക്കിയ സംവിധാനമാണു സാന്മാമെസ് ചാപ്പലിൽ ഒരുക്കിയ വെർച്ച്വൽ 3ഡി ഗുഹാസന്ദർശനം അതിലൂടെ നമ്മൾക്ക് ഗുഹക്കകം മുഴുവനും കാണാം.പക്ഷെ അതെന്തായാലും ഞങ്ങൾക്കത്ര ആകർഷകമായി തോന്നിയില്ല എന്നു മാത്രമല്ല സമയം അഞ്ചുമണിയിലേറെയായിരിക്കുന്നു, ഇനി ഓമ ഫോറസ്റ്റിലെ പെയിന്റടിച്ച പൈൻ മരങ്ങൾ കൂടി കാണാനുണ്ട് അതിന് ഓമ കാടിലൂടെ 7.4 കിലോമീറ്റർ ദൂരം നടക്കണം 3 മണീക്കൂറെങ്കിലും സമയമെടുക്കും അതുകൊണ്ടുതന്നെ ഞങ്ങൾ വെർച്ച്വൽ3ഡി സിനിമ കാണേണ്ടെന്നു തീരുമാനിച്ച് ഗൈഡിനോടു യാത്രപറഞ്ഞു ഓമയിലേക്കു നടന്നു.കാട്ടുകറക്കം കഴിഞ്ഞു വരുമ്പോഴെക്കും ഇരുട്ടുവീഴുമോ എന്ന പേടി വേണ്ടാ ഇവിടെയിനി സെപ്റ്റംബർ മാസം വരെ രാത്രി പത്തുമണീയായാലും സൂര്യൻ നമ്മുടെ കൂടെയുണ്ടാകും.

‘ഓമ കാട്’ ബാസ്ക്ക് കലാകാരനായ അഗസ്റ്റിൻ ഇബറോളയുടെ വളരെ പ്രസിദ്ധമായ ലാന്റ് ആർട്ട്. 1960കളിൽ ആദ്യമായിൽ അമേരിക്കയിൽ തുടക്കം കുറിച്ച പ്രകൃതികലാരൂപം, കലാകാരൻ അവന്റെ കലാസൃഷ്ടിക്കായി പ്രകൃതിയെ തന്നെ ചാലകമായി ഉപയോഗിക്കുക. അതുതന്നെയാണു നമ്മൾക്ക് ഓമ പൈൻ മര കാടുകളിൽ കാണാവുന്നത് പലനിറങ്ങളിലുള്ള ചായങ്ങളുപയോഗിച്ചു 500ഓളം മരങ്ങളിൽ വരച്ച ചിത്രങ്ങൾ. രണ്ടും മൂന്നും മരങ്ങളെ ഒരു പ്രത്യേക ദിശയിൽ ഒരുമിച്ചു നോക്കിയാലെ നമ്മൾക്ക് ഒരു ചിത്രം പൂർണമായും കാണാൻ സാധിക്കൂ, എന്നിരുന്നാലും ചില ചിത്രങ്ങൾ ഒരു മരത്തിൽ തന്നെ മുഴുവനായും കാണാം.

ഞങ്ങൾ വീണ്ടും തിരിച്ചു ലെസിക്ക
റെസ്റ്റോറന്റിന്റെ മുന്നിലെത്തി അവിടെയുള്ള ചൂണ്ടുപലകയിൽ നോക്കി ഓമയിലെ പൈൻമര കാട്ടിലേക്കു ഞങ്ങൾ 7 പേരും നടന്നു

ഞങ്ങളെ കൂടാതെ ഒരു പാടു സ്പാനിഷ് കുടുംബങ്ങൾ മൂന്നുനാലു വയസ്സു പ്രായമുള്ള കുട്ടികളെയും കൊണ്ട് മലകയറുന്നുണ്ട്. സ്പാനിഷുകാരെ കൂടാതെ ജെർമ്മൻകാരെയും ഫ്രാൻസുകാരെയും ഞങ്ങൾ കണ്ടു,7 പേരും ഒരുമിച്ചു കാടുകയറുന്ന ഞങ്ങൾ അരമണിക്കൂറുകഴിഞ്ഞപ്പോഴെക്കും മൂന്നു സംഘമായി ഏറ്റവും മുന്നിൽ ഞാനും അനിതയും ഞങ്ങൾക്ക് കുറച്ചു പുറകിലായി ബെർണാഡും ഭാസകരനും ലോകനാഥനും, അവർക്കും ഏറ്റവും പുറകിലായി ദിവാകരനും ഭാര്യയും അവരുടെ നടത്തത്തിന്റെ വേഗത കണ്ടിട്ട് ഇന്നു കാടുകയറി അവർ വീട്ടിൽ തിരിച്ചെത്തുമെന്നു തോന്നുന്നില്ല സമയം 6 മണിയായി 9.30 നാണു ബിൽബാവോയിലേക്കുള്ള അവസാന ബസ്സ്. ഇരുവശത്തും പൈൻ മരങ്ങൾ അല്പം കൂടി മുന്നോട്ടു നടപ്പോൾ യൂക്കാലിസ് മരങ്ങൾ കണ്ടു, ഒരു ചെറു വാഹനം കടന്നു പോകുന്ന വീതിയിലുള്ള മൺപാതയാണെങ്കിലും പക്ഷെ വാഹനങ്ങൾക്ക് പ്രവേശനമില്ല.കുത്തനെ കയറ്റം കയറുന്നതു ഒഴിവാക്കാനായി മൺപാത ഹെയർപിൻ പോലെ വളഞ്ഞും പുളഞ്ഞും ഓമ കാട്ടിലേക്കു നമ്മെ നയിക്കുന്നു.ചില ആളുകൾ എങ്കിലും കുത്തനെയുള്ള കയറ്റം കയറിപോകുന്നുണ്ട്, സ്പാനിഷു കുടുംബത്തിലെ കൊച്ചുകുട്ടികൾ അപ്പൂപ്പന്റെയും അമ്മൂമ്മയുടെയും കയ്യിൽ പിടിച്ചു കഥകൾ പറഞ്ഞ് കളിച്ചുചിരിച്ചു നടന്നു നീങ്ങുന്നു .
കുറച്ചുനേരം ഞങ്ങൾ വഴിയിൽ കാത്തുനിന്നിട്ടും ദിവാകരനെയും ഗീതയെയും കാണുന്നില്ല,ബെർണാഡും ഭാസ്കരനും പറഞ്ഞു അവർ തിരിച്ചുപോയി ലെസിക്ക റെസ്റ്റോറന്റിൽ നമ്മളെ കാത്തിരിക്കാമെന്ന്.ഏകദേശം ഒരു മണിക്കൂറായി നടത്തം തുടങ്ങിയിട്ട് ഇതു വരെ ഒരു മരത്തിലും ചിത്രങ്ങൾ പോയിട്ടു പെയിന്റിന്റെ ഒരു അംശംപോലും കാണുന്നില്ല ചെറുതായി മടുക്കാൻ തുടങ്ങി ആ ചിത്രങ്ങൾ കാണാൻ വേണ്ടി മാത്രമാണു ഈ 7.4 കിലോമീറ്റർ നടക്കുന്നതു. ബസോന്തയിൽ നിന്നും ഓമയിലേക്ക് 4 കിലോമീറ്റർ അവിടെ നിന്നും മുന്നോട്ടു നടന്നാൽ വന്ന വഴിയിലൂടെ തന്നെ തിരിച്ചുവരാതെ 3.4 കിലോമീറ്റർ നടന്നാൽ ബസോന്തൊയിലെ ലെസിക്ക റെസ്റ്റോറന്റിൽ തിരിച്ചെത്താം,ഇരുപതുമിനുറ്റത്തെ നടത്തത്തിനു ശേഷം വഴി രണ്ടായി പിരിയുന്നടത്തു ചൂണ്ടുപലക കണ്ടു ബോസ്കെ പിന്താദോ ഓമ 2 കി മി സാന്റിമാമിഞെ ഗുഹയിൽ നിന്നും ഇപ്പോൾ നടന്നു തുടങ്ങിയിട്ട് 2.4 കി മി.

ഇടതുവശത്തുള്ള 200 മീറ്റർ കുത്തനെയുള്ള ഇറക്കം ഇറങ്ങി ഞങ്ങൾ ഓമയിലെ ചായം പൂശിയ പൈൻമരക്കാട്ടിലെത്തി, രണ്ടു പൈൻ മരങ്ങളുടെ മധ്യത്തിലായിൽ ഒരു ചുണ്ടിന്റെ പാതിഭാഗങ്ങൾ അല്പം മുന്നോട്ടു താഴെ നോക്കിയപ്പോൾ താഴെ 1 എന്നെഴുതി ദിശ കൊടുത്തിരിക്കുന്നതു കണ്ടു, അവിടെ നിന്നും നോക്കിയപ്പോൾ ആ രണ്ട്മരങ്ങളും ചേർന്നു നിൽക്കുന്നു അതോടൊപ്പം ആ രണ്ട്മരത്തിലെ പാതിചുണ്ടുകൾ ഒന്നായിരിക്കുന്ന ഉമ്മതരുന്നതുപോലെ.

കലാകാരന്റെ ഭാഷയിൽ പറഞ്ഞാൽ കാട് നമ്മെ ഉമ്മ നൽകി സ്വീകരിക്കുകയാണു, അടുത്തതു രണ്ട്മരങ്ങൾ ചേർത്തു നോക്കിയാൽ കാണുന്ന റോംബസ് രൂപമാണു മഴവില്ലിന്റെ രൂപങ്ങൾ ആളുകളുടെ രൂപങ്ങൾ മോട്ടോർബൈക്കിൽ ആളുകൾ വരുന്നതിന്റെ ചിത്രങ്ങൾ .......അങ്ങിനെ ഏകദെശം 47 ചിത്രങ്ങളുണ്ട് .

മോട്ടോർബൈക്ക് കട: ബിസ്കായ വെബ്

എല്ലാ ചിത്രങ്ങളുടെയും അർത്ഥം ഈ സൈറ്റിൽ കലാകാരൻ പറയുന്നുണ്ട്.

ഈ യൂറ്റൂബ് വീഡിയോയിലൂടെ കുറച്ചുകൂടി നന്നായി കാണാം.

വീണ്ടും 3 കിലോമീറ്റർ കാടിനുള്ളിലൂടെ നടന്നു ഞങ്ങൾ തിരിച്ചു ലെസിക്ക റെസ്റ്റോറന്റിലെത്തി, സമയം 9 മണി എല്ലാവരും റെസ്റ്റോറന്റിൽ നിന്നും പിരിഞ്ഞ് അവരവരുടെ വീട്ടിലേക്കുപോകുന്നു. ചിലർ അവിടെയുള്ള കാരം ബോർഡ്പോലുള്ള ഒരു ബോർഡിൽ ഫുട്ബോൾ കളിക്കുന്നു.

ഒരു ചായകുടിച്ചു ഞങ്ങളും അഡിയോസ് പറഞ്ഞു പിരിഞ്ഞു ഇനി അടുത്ത യാത്രയിൽ കാണാം.

വിസ്കായ ബ്രിഡ്ജ് (the oldest transport bridge in the world ),സ്പെയിന്‍

2010-05-08T16:22:00.000-07:00

മൂന്ന് മാസമായി മഞ്ഞ് കാലവും ,ജീവിതത്തിന്റെ നല്ലപാതിയെ സ്പെയിനിലേക്കു കൊണ്ടുവരുന്നതിന്റെ തിരക്കിലുമായി യാത്രകളൊന്നുമില്ലാതെ എല്ലോറിയോയിൽ തന്നെ ഒതുങ്ങി കഴിഞ്ഞു .മഞ്ഞുകാലം മാറി ശരത്കാലം വന്നതിനോടൊപ്പം, ഇന്ത്യയിൽ നിന്ന് നല്ലപാതിയും എല്ലോറിയോയിൽ എന്റെ കൂട്ടിനെത്തി .ബിൽബാവൊ എയർപോർട്ടിൽ വെള്ളിയാഴ്ച്ച വന്നിറങ്ങിയ ഞങ്ങളെ കൊടും തണുപ്പിനു പകരം 13 ഡിഗ്രി ഇളം തണുപ്പോടു കൂടിയ തെളിഞ്ഞ മാനം ഞങ്ങളെ സ്വാഗതം ചെയ്തു .കേരളത്തിലെ 40 ഡിഗ്രിയിൽ നിന്നും വന്ന നല്ലപാതിയുടെ കൈകാലുകൾ തണുത്തു വിറച്ച് കൂട്ടിയിടിച്ചു കൊണ്ടിരുന്നു , എയർപോർട്ടിൽ നിന്നും വീട്ടിലേക്കുള്ള ഒന്നരമണിക്കൂർ യാത്ര എങ്ങും പച്ചപ്പു നിറഞ്ഞ മലനിരകൾ നോക്കി നല്ലപാതി പറഞ്ഞു “ശരിക്കും സിനിമയിൽ കാണുന്നതു പോലെ തന്നെ” .

View Larger Map

എല്ലോറിയോയിലെ രണ്ടാമത്തെ ഇന്ത്യൻ കുടുംബമാണു ഞങ്ങൾ . എല്ലോറിയോയിലെ ആദ്യ കുടുംബമായ മാർക്കിനെയും കുടുംബത്തെയും നല്ലപാതിക്കു പരിചയപ്പെടുത്തി. ഞായറാഴ്ച്ച ബിൽബാവൊയിൽ നിന്നും അല്പം അകലെ എരാന്തിയൊയിൽ താമസിക്കുന്ന പായിസ് ബാസ്കൊ യൂണിവേഴ്സിറ്റിയിൽ രസതന്ത്ര വിഭാഗത്തിൽ ഗവേഷണം നടത്തുന്ന ദിവാകറിനെയും കുടുംബത്തെയും പരിചയപെടുത്താനായി എല്ലോറിയോയിൽ നിന്നും 9 മണിക്കുള്ള ബിൽബാവൊ ബസ്സിൽ ഞങ്ങൾ യാത്ര തിരിച്ചു . മെട്രോയിൽ എരാന്തിയോയിൽ നിന്നും 4 സ്റ്റോപ് മാത്രമെയുള്ളൂ അരീറ്റയിലേക്ക് അവിടെയാണു വിസ്ക്കായ പാലം .അവരെ പരിചയപെടുത്തുകയും ചെയ്യാം കൂടെ വിസ്കായ പാലവും കാണാം .

ബിൽബാവോയിൽ ബസ് റ്റെർമിനലിൽ ഇറങ്ങിയ ഞങ്ങൾ അവിടെ നിന്നു തന്നെ മെട്രൊയിൽ കയറി , സാൻ മാമെസ് എന്നാണു സ്റ്റോപ്പിന്റെ പേര് . റ്റിക്കറ്റ് എടുക്കുന്ന മെഷിനിൽ നിന്നും രണ്ട് 15 യൂറോയുടെ കാർഡ് വാങ്ങി , അതെ കാർഡ് തന്നെ ബസ് യാത്രക്കും മെട്രോ യാത്രക്കും അതിലെ പൈസ തീരുന്നതു വരെ ഉപയോഗിക്കാം , എല്ലാ കാര്യങ്ങളും ഞാൻ നല്ലപാതിയെ പഠിപ്പിച്ചു കൊണ്ടിരുന്നു .എരാന്തിയൊ സ്റ്റോപ്പിൽ ഞങ്ങളെ കാത്ത് ദിവാകർ കാത്തു നിൽക്കുന്നുണ്ടായിരുന്നു .ഇന്ത്യയിൽ നിന്നും വന്ന വിശേഷങ്ങൾ പറഞ്ഞു തീർത്ത് ഭക്ഷണവും കഴിച്ച് ഞങ്ങൾ 4 പേരും കൂടി കാഴ്ച്ചകൾ കാണാൻ ഇറങ്ങി .

എരാന്തിയോയിൽ നിന്നും മെട്രോയിൽ 4 സ്റ്റോപ്പിനു ശേഷമാണു അരീറ്റ , അരീറ്റയിലിറങ്ങിയ ഞങ്ങൾ വിസ്കായപാലം ലക്ഷ്യമാക്കി നടന്നു .5 മിനുറ്റ് നടത്തത്തിനു ശേഷം 50 മീറ്റർ ഉയരമുള്ള ലോകത്തിലെ ആദ്യത്തെ ട്രാൻസ്പോർട്ടിങ്ങ് തൂക്കുപാലത്തിലെത്തി ,നെർവിയോൺ നദിക്കരയുടെ രണ്ടു തീരങ്ങളിലുമായി 50 മീറ്റർ ഉയരത്തിൽ ഇരുമ്പ് കയറുകളാൽ കെട്ടി നിറുത്തിയിരിക്കുന്നു .

ഞങ്ങൾ അവിടെയെത്തിയപ്പോൾ അല്പം മേഘത്താൽ മൂടപ്പെട്ട ആകാശവും നേർത്ത തണുപ്പോടു കൂടിയ കാറ്റും , നദിയുടെ അപ്പുറം പോറ്റുഗലറ്റെ എന്ന പട്ടണം . നെർവിയോൺ നദിക്കരയിൽ ഇരുന്നപ്പോൾ ആദ്യമായി ഇവിടെ വന്നതു പോലെ തോന്നി എനിക്ക് , ദിവാകർ നദിക്കരയിലെ ബെഞ്ചിലിരുന്നു കൊണ്ട് ആ നാട്ടുകാരനെ പോലെ എല്ലാ കാഴ്ച്ചകളും വിവരിച്ചു തന്നു കൊണ്ടിരുന്നു , ഈ പാലത്തിന്‍റെ പണി 1888ല്‍ തുടങ്ങി ഏപ്രില്‍ 10 -1890 അവസാനിച്ചു.ALBERTO PALACIO എന്ന എന്‍ജിനീയര്‍ ആണ് ഇതു ഡിസൈന്‍ ചെയ്തത് .ഔദ്യോഗികമായി 1893 ജൂലൈ ലോകത്തിലെ ആദ്യത്തെ യാത്ര പാലം തുറന്നു .1936 ലെ സ്പാനിഷ് സിവില്‍ വാറിൽ ഈ പാലത്തിനു സാരമായ കേടു പാടു പറ്റി 1941 ഇല്‍ ഈ പാലം പുതുക്കി പണിതു.ജൂലൈ 13 ,2006 ഇല്‍ UNESCO world heritage ആയി പ്രഖ്യാപിച്ചു ......

50 മീറ്റര്‍ ഉയരവും 164 മീറ്റര്‍ നീളവുമുള്ള ആ ഇരുമ്പ് പാലത്തിനു ചേർന്നു തന്നെയുള്ള കാഴ്ച്ചകൾ കാണാനായുള്ള പ്ലാറ്റ്ഫോമിൽ കയറിയപ്പോൾ തന്നെ താഴെ ലോഹക്കയറില്‍ തൂങ്ങി മധ്യത്തിൽ വാഹനങ്ങളും ഇരു വശങ്ങളീലുള്ള കുഴലുപോലെയുള്ള ഭാഗത്തു ആളുകളെയും നിറുത്തി വരുന്ന ഗോണ്ടോല ഞാന്‍ ശ്രദ്ധിച്ചു , ഒരു വിധത്തിൽ പറഞ്ഞാൽ നമ്മുടെ നാട്ടിലെ ജങ്കാര്‍ തന്നെ ,പക്ഷെ ജലനിരപ്പിനും ഏതാനും അടി പോങ്ങിയാണ് ലോഹക്കയറില്‍ തൂങ്ങി ഈ ജങ്കാർ. ആറു വാഹനങ്ങളും ഏതാനും യാത്രക്കാരെയും കൊണ്ടു ഒന്നര മിനിട്ട് കൊണ്ടാണ് potugalate എന്ന തീര പട്ടണത്തില്‍ നിന്നും ബില്‍ബാവോ തീര പട്ടണത്തിലേക്ക് കൊണ്ടു വന്നത് .portugaleteയും ബിബാവോയെയും ബന്ധിപ്പിക്കുന്ന transporting ബ്രിഡ്ജ് ആണ് വിസ്കായ ബ്രിഡ്ജ് .എല്ലാ എട്ടു മിനിട്ട് ഇടവിട്ടും ഈ ജങ്കാര്‍ സര്‍വിസ് ഉണ്ട് .എന്നെ അതിശയ പെടുത്തിയ ഒരു കാര്യം ഈ ജങ്കാറില്‍ പോകാന്‍ മുപ്പതു സെന്റ് (ഇരുപതു രൂപ ) മുകളിലെ പാലത്തിലൂടെ നടന്നു പോകാന്‍ അഞ്ചു യൂറോ (മുന്നൂറു രൂപയ്ക്കു മുകളില്‍ )എന്നാല്‍ എന്തായാലും അങ്ങോട്ടുള്ള യാത്ര 50 മീറ്റർ ഉയരത്തിലുള്ള 164 മീറ്റർ നീളമുള്ള ആ പാലത്തിലൂടെയാകാമെന്നു തീരുമാനിച്ചു .

ഗൊണ്ടോലയിൽ കയറ്റാനുള്ള വാഹനങ്ങൾ റ്റിക്കറ്റെടുത്ത് വരി വരിയായി കിടക്കുന്നു , അതിൽ അക്കരെക്കു പോകാനുള്ള ആളുകൾ റ്റിക്കറ്റെടുത്തു കയറിതുടങ്ങി , ദിവാകറും കുടുംബവും അക്കരെക്കു പോകാനായി ഗൊണ്ടോലയിൽ കയറി . ഞങ്ങൾ റ്റൂറിസ്റ്റ് ഓഫിസിൽ കയറി മുകളിലെ പാലത്തിലൂടെ നടക്കാനുള്ള 5 യൂറോയുടെ റ്റിക്കറ്റെടുത്തു . 50 മീറ്റർ ഉയരത്തിലേക്ക് നമ്മളെയെത്തിക്കാൻ ലിഫ്റ്റ് ഉണ്ട് , ലിഫ്റ്റ് ഓപ്പറേറ്റർ ആയ സ്പാനിഷുകാരി ഞങ്ങളേയും കൊണ്ട് മുകളിലെ പാലത്തിലെത്തി , പാലത്തിനപ്പുറത്തെത്തിയാൽ തിരിച്ചു താഴെയിറങ്ങുവാൻ വേണ്ടി ലിഫ്റ്റ് വിളിക്കേണ്ട വിധവും പറഞ്ഞ് തന്നു ഒരു “ അഡിയോസ് ” പറഞ്ഞ് അവർ താഴെക്ക് പോയി .

നെർവിയോൺ നദിയുടെ മുകളീൽ നിന്നു കൊണ്ട് രണ്ടു നഗരങ്ങളൂടെയും സൌന്ദര്യം ആസ്വദിക്കാം , രണ്ടാൾ ഉയരത്തിൽ പാലത്തിന്റെ രണ്ടു വശവും ഇരുമ്പു വല കൊണ്ട് സുരക്ഷിതമായ വേലികെട്ടിയിരിക്കുന്നു .പാലത്തിനു മുകളിലെ മരപ്പലകൾക്കു നടുവിലെ ഇരുമ്പ് തൂണീൽ ഘടിപ്പിച്ച വെള്ള സ്പീക്കറിൽ നിന്നും സ്പാനിഷിൽ ഈ പാലത്തിന്റെ നിർമാണം മുതൽക്കുള്ള ചരിത്രം പറയുന്നതു കേൾക്കാം . അരീറ്റയിലെ കെട്ടിടങ്ങൾക്കു നടുവിലേക്കു വലിച്ചു കെട്ടി ഉറപ്പിച്ച പാലത്തിന്റെ ഇരുമ്പ്കയറും അതിനു താഴെയുള്ള ചെറിയ പൂന്തോട്ടവും കണ്ട് ഞങ്ങൾ പാലത്തിലൂടെ നടന്ന് ഓരോ കാഴ്ച്ചകളും ആസ്വദിച്ച് മറുകരയിൽ പോർറ്റുഗലറ്റെയിൽ എത്തി ലിഫ്റ്റ് വഴി പാലത്തിൽ നിന്നും താഴെ ഇറങ്ങി . എന്തായാലും 164 മീറ്റര്‍ നീളമുള്ള ആ പാലത്തിലൂടെ നടക്കുന്നതിനു വെറുതെയല്ല അവര്‍ അഞ്ചു യൂറോ വാങ്ങിയതെന്ന് അവിടെ നിന്നുള്ള കാഴ്ചകള്‍ കണ്ടപ്പോള്‍ മനസ്സിലായി .
ഇവിടെ ക്ലിക്കിയാല്‍ ഇതിന്‍റെ വിക്കിപിഡിയ വെബ്സൈറ്റ് കാണാം.

റ്റിക്കറ്റ് ചെക്ക് ചെയ്ത് അകത്തു കയറുന്ന സ്ഥലം , ആ മഷിനിൽ റ്റികറ്റ് ഇൻസർട്ട് ചെയ്താൽ വാതിലുകൾ തനിയെ തുറക്കും , ഇവിടെ എല്ലാ മെട്രോയും ഇതെ രീതിയാണു റ്റിക്കറ്റ് പരിശോധിക്കുന്ന സംവിധാനം .

പാലത്തിന്റെ ഒരുവശത്തു നിന്നും ആ കെട്ടിടത്തിന്റെ മധ്യത്തിലേക്ക് കെട്ടി നിറുത്തിയിരിക്കുന്ന ഇരുമ്പ് കയറുകൾ വിസ്കായപാലത്തിനെ കെട്ടിനിറുത്തിയിരിക്കുന്നതാണ് .

അഴിമുഖം അതിന് ഇരു വശത്തുമായി potugalate യും ബില്‍ബാവോ യും

കാറുകളും യാത്രക്കാരുമായി പോകുന്ന ഗോണ്ടോല

അമ്പതു മീറ്റര്‍ ഉയരവും നൂറ്റി അറുപത്തി നാലു മീറ്റര്‍ നീളവുമുള്ള ഇരുമ്പ് പാലം .

വിസ്ക്കായപ്പാലം കണ്ട് തിരിച്ച് അരീറ്റ മെട്രോയിൽ എത്തിയ ഞങ്ങൾ ബിദെസബാൾ എന്ന സ്ഥലത്തേക്ക് ടിക്കറ്റെടുത്തു . നെർവിയോൺ നദീതീരത്തുകൂടെ പത്തു കിലോമീറ്റർ സ്പെയിനിന്റെ സൌന്ദര്യം ആസ്വദിച്ചു കൊണ്ടുള്ള ഒരു സായാഹ്ന നടത്തം അതാണു ഈ യാത്രയുടെ ഉദ്ദേശം, നദീതീരത്തെത്തുന്നതിനു മുൻപെ മരശിഖിരങ്ങൾ കൈകോർത്തു നിൽക്കുന്ന നടപ്പാതയിൽ കസേരയിട്ടു കാപ്പിയും കുടിച്ച് കഫെതെരിയയിലെ റ്റിവിയിൽ അറ്റ്ലറ്റിക്ക് ബിൽബാവൊ ക്ലബിന്റെ ഫുട്ബോൾ മത്സരവും കണ്ട് ഗോളിനു വേണ്ടി ആർപ്പുവിളിക്കുന്ന സ്പാനിഷു കുടുംബങ്ങൾ . നാലു വയസ്സ്കാരൻ മുതൽ എൻപതുവയസ്സുകാരൻ വരെ ഒരുമിച്ച് അറ്റ്ലറ്റിക്കിനു ജയ് വിളിക്കുന്നു , ഫുട്ബോൾ കളി ഇവരുടെ രക്തത്തിൽ അലിഞ്ഞ്ചേർന്നിട്ടുള്ളതാണെന്നു പറഞ്ഞു കേട്ടതു സത്യം തന്നെ .

പച്ചപുല്ല് നിറഞ്ഞ നെർവിയോൺ നദിക്കരയുടെ തീരത്തുള്ള നടപ്പാതയിലൂടെ ഞങ്ങൾ നാലു പേരും കാഴ്ച്ചകൾ ആസ്വദിച്ചു നടന്നു , വെയിലുണ്ടെങ്കിലും തണുത്ത കാറ്റുള്ളതുകൊണ്ട് തെർമൽകോട്ടിനുള്ളിൽ ഒതുങ്ങിയാണു നടത്തം . കാഴ്ച്ചകൾ കണ്ട് ഗാലിയോ ഫോർട്ട് വരെ ഒരു മണിക്കൂർ നടന്നു പതിനേഴാം നൂറ്റാണ്ടിൽ സൈനിക വാച്ച് ടവർ ആയിരുന്നു ഗാലിയൊ ഫോർട്ട് ഇപ്പോൾ ഒരു ഉപയോഗവുമില്ലതെ ആരാലും സംരക്ഷിക്കപ്പെടാത്ത കെട്ടിടമായി അനാഥമായി കിടക്കുന്നു . നമ്മുടെ നാട്ടിലായിരുന്നെങ്കിൽ പണ്ടെ സാമൂഹ്യവിരുദ്ധർ അതു കൈകലാക്കിയെനെ എന്നു ഞാൻ മനസ്സിലോർത്തു . ഒരു അഞ്ച് മിനുറ്റ് അവിടെ ചിലവഴിച്ച് ഞങ്ങൾ തിരിച്ചു നടന്നു .

രാത്രി പത്തു മണിക്കാണു ബിൽബാവൊയിൽ നിന്നും എല്ലോറിയോയിലെക്കുള്ള അവസാന ബസ്സ് , ഇവിടെ ഇപ്പോൾ ഇരുട്ടു വീഴുന്നതു തന്നെ രാത്രി പത്തു മണീക്കായതു കൊണ്ട് സൂര്യനെ നോക്കി സമയം വൈകിയതറിയാതെ പെട്ട്പോകും .ഒരു നല്ല യാത്രാ സമ്മാനിച്ച ദിവാകരനും കുടുംബത്തിനും നന്ദി പറഞ്ഞ് ഞങ്ങൾ എല്ലോറിയോയിലെക്കു തിരിച്ചു .

ഒന്നാം പിറന്നാൾ

2010-02-22T20:38:00.000-08:00

ഞാൻ കണ്ട കാഴ്ച്ചകൾ ബ്ലോഗ് ഇന്നേക്ക് ഒരു വർഷം പിന്നിടുന്നു .ഈ ബ്ലോഗിലെ ആദ്യത്തെ യാത്രാവിവരണം താഴെ .

വളരെയേറെ നാളുകള്‍ക്ക് ശേഷം ഇന്നു നല്ല വെയിലുള്ള ദിവസമാണ് .കുറെ നാളുകളായി ഇവിടെ മൈനസ് ഡിഗ്രീ ആയിരുന്നു ,ഇന്നു പതിനഞ്ച് ഡിഗ്രി ആണ് .ഞായറാഴ്ച അവധി ദിവസമായതിനാല്‍ ഉച്ചതിരിഞ്ഞ് വെയിലുള്ള കാലാവസ്ഥ കണ്ടപ്പോള്‍ മനസ്സിനൊരു ഉന്മേഷം .പുതിയതായി വന്ന കൂട്ടുക്കാരെയും കൂട്ടി ഞാന്‍ നടക്കാനിറങ്ങി ,ഞങ്ങള്‍ താമസിക്കുന്ന കൊച്ചു ഗ്രാമമായ ELLORIO നാലു വശവും മലനിരകളാല്‍ ചുറ്റപെട്ടതാണ് ,സന്ദ്യ സമയത്തു ആ മല മുകളില്‍ നിന്നും ELLORIO നോക്കി കാണാന്‍ നല്ല ഭംഗിയാണ് .ARGIÑETA റോഡിലാണ് ഞങ്ങള്‍ താമസ്സിക്കുന്നത്‌ ,ആ റോഡിലുടെയാണ് ഇന്നത്തെ ഞങ്ങളുടെ സായാഹ്ന നടത്തം . ARGIÑETA എന്നത് ആ മലമുകളിലുള്ള പഴയ പള്ളിയുടെ പേരാണ് .പതിനാറാം നൂറ്റാണ്ടില്‍ പണിതതാണ് ആ പഴയ പള്ളി ,വര്‍ഷം 1666 .ആ സെമിത്തേരിയില്‍ ഇരുപതോളം ശവ കുടിരങ്ങളുണ്ട് .എല്ലാം ഏഴാം നൂറ്റാണ്ടിലെയും ഒന്‍പതാം നൂറ്റാണ്ടിലെയുമാണ് .പണ്ടു കാലത്തെ പ്രഭുക്കന്മാരുടെ കല്ലറകള്‍ ആണ് .പണമില്ലാത്ത സാധാരണ കാരന്‍ വെറും മണ്ണില്‍ തന്നെയാണ് അന്തിയുറങ്ങുന്നത് .പണ്ടു ഈ കല്ലരകളെല്ലാം തന്നെ ELLORIO യുടെ പല ഭാഗങ്ങളിലായി ചിതരിക്കിടക്കുകയായിരുന്നു .പിന്നീട് ഉദ്ഘനനം ചെയ്തു കിട്ടിയ ഈ പ്രഭുക്കളുടെ കല്ലരകളെല്ലാം പതിനാറാം നൂറ്റാണ്ടില്‍ ARGIÑETA പള്ളി സ്ഥാപിച്ചപ്പോള്‍ ഇങ്ങോട്ട് മാറ്റുകയായിരുന്നു .കല്ലറ ക്ക് രണ്ടു ഭാഗങ്ങളാണ് ചതുരത്തില്‍ കൊത്തിയെടുത്ത മൃതദേഹം കിടത്തുന്ന ഭാഗവും ത്രികോണ ആകൃതിയില്‍ കൊത്തിയെടുത്ത മേല്‍ക്കൂരയും രണ്ടും ഒറ്റക്കല്ലില്‍ പണിതതാണ് .അതില്‍ ഒരു കല്ലറയില്‍ സ്പാനിഷില്‍ ,മോമസ് എന്ന് പേരുള്ള ഞാന്‍ ഇവിടെ സ്ഥിതി ചെയുന്നു എന്ന് കാണാം എന്പതി മൂന്നു വയസ്സ് ,വര്‍ഷം 921 AD . കുറച്ചു നേരം അവിടെ ചിലവഴിച്ചു പിന്നെ ഞങ്ങള്‍ മലമുകളില്‍ പോയി

മഞ്ഞു മാസത്തിലെ ഒരു സായാഹ്ന നടത്തം

2010-02-22T07:53:00.000-08:00

വളരെയേറെ നാളുകള്‍ക്ക് ശേഷം ഇന്നു നല്ല വെയിലുള്ള ദിവസമാണ് .കുറെ നാളുകളായി ഇവിടെ മൈനസ് ഡിഗ്രീ ആയിരുന്നു ,ഇന്നു പതിനഞ്ച് ഡിഗ്രി ആണ് .ഞായറാഴ്ച അവധി ദിവസമായതിനാല്‍ ഉച്ചതിരിഞ്ഞ് വെയിലുള്ള കാലാവസ്ഥ കണ്ടപ്പോള്‍ മനസ്സിനൊരു ഉന്മേഷം .പുതിയതായി വന്ന കൂട്ടുക്കാരെയും കൂട്ടി ഞാന്‍ നടക്കാനിറങ്ങി ,ഞങ്ങള്‍ താമസിക്കുന്ന കൊച്ചു ഗ്രാമമായ ELLORIO നാലു വശവും മലനിരകളാല്‍ ചുറ്റപെട്ടതാണ് ,സന്ദ്യ സമയത്തു ആ മല മുകളില്‍ നിന്നും ELLORIO നോക്കി കാണാന്‍ നല്ല ഭംഗിയാണ് .ARGIÑETA റോഡിലാണ് ഞങ്ങള്‍ താമസ്സിക്കുന്നത്‌ ,ആ റോഡിലുടെയാണ് ഇന്നത്തെ ഞങ്ങളുടെ സായാഹ്ന നടത്തം . ARGIÑETA എന്നത് ആ മലമുകളിലുള്ള പഴയ പള്ളിയുടെ പേരാണ് .പതിനാറാം നൂറ്റാണ്ടില്‍ പണിതതാണ് ആ പഴയ പള്ളി ,വര്‍ഷം 1666 .ആ സെമിത്തേരിയില്‍ ഇരുപതോളം ശവ കുടിരങ്ങളുണ്ട് .എല്ലാം ഏഴാം നൂറ്റാണ്ടിലെയും ഒന്‍പതാം നൂറ്റാണ്ടിലെയുമാണ് .പണ്ടു കാലത്തെ പ്രഭുക്കന്മാരുടെ കല്ലറകള്‍ ആണ് .പണമില്ലാത്ത സാധാരണ കാരന്‍ വെറും മണ്ണില്‍ തന്നെയാണ് അന്തിയുറങ്ങുന്നത് .പണ്ടു ഈ കല്ലരകളെല്ലാം തന്നെ ELLORIO യുടെ പല ഭാഗങ്ങളിലായി ചിതരിക്കിടക്കുകയായിരുന്നു .പിന്നീട് ഉദ്ഘനനം ചെയ്തു കിട്ടിയ ഈ പ്രഭുക്കളുടെ കല്ലരകളെല്ലാം പതിനാറാം നൂറ്റാണ്ടില്‍ ARGIÑETA പള്ളി സ്ഥാപിച്ചപ്പോള്‍ ഇങ്ങോട്ട് മാറ്റുകയായിരുന്നു .കല്ലറ ക്ക് രണ്ടു ഭാഗങ്ങളാണ് ചതുരത്തില്‍ കൊത്തിയെടുത്ത മൃതദേഹം കിടത്തുന്ന ഭാഗവും ത്രികോണ ആകൃതിയില്‍ കൊത്തിയെടുത്ത മേല്‍ക്കൂരയും രണ്ടും ഒറ്റക്കല്ലില്‍ പണിതതാണ് .അതില്‍ ഒരു കല്ലറയില്‍ സ്പാനിഷില്‍ ,മോമസ് എന്ന് പേരുള്ള ഞാന്‍ ഇവിടെ സ്ഥിതി ചെയുന്നു എന്ന് കാണാം എന്പതി മൂന്നു വയസ്സ് ,വര്‍ഷം 921 AD . കുറച്ചു നേരം അവിടെ ചിലവഴിച്ചു പിന്നെ ഞങ്ങള്‍ മലമുകളില്‍ പോയി

പൊറുക്കില്ല തീവ്രവാദികളെ നിങ്ങളോട് ഞങ്ങൾ

2010-02-15T01:22:00.000-08:00

വർഷം കുറെയായെങ്കിലും ഇന്നാണു ശരിക്കും ഇതു കാണുന്നത് ആ കെട്ടിടം പൂർണമായും ഇടിഞ്ഞു വീഴുന്നതു 19 മത്തെ മിനുറ്റ് മുതൽ കാണാം

ഗൂഗിളേ ജമ്മുവും കശ്മീരും അരുണാചലും ഞങ്ങൾ ഇന്ത്യാക്കാരുടെയാണു

2010-01-21T02:49:00.000-08:00

Ver mapa más grande

ഇന്ത്യയുടെ മാപ് സ്പാനിഷ് ഗൂഗിളിൽ

View Larger Map

ഇന്ത്യയുടെ മാപ് ഇന്ത്യൻ ഗൂഗിളിൽ

查看大图

ഇന്ത്യയുടെ മാപ് ചൈനീസ് ഗൂഗിളിൽ

ഇന്നലെ മനോരമ പത്രത്തിൽ വായിച്ച ഒരു വാർത്തയാണു ഇന്ത്യയുടെ മാപ് ഗൂഗിൾ ചൈനയിൽ അരുണാചൽ പ്രദേശ് , ജമ്മു കശ്മീരിന്റെ പകുതിയും ചൈനയുടെ ഭാഗമായും , ഇന്ത്യയിൽ ജമ്മു കാശ്മീരും അരുണാചൽ പ്രദേശും ഇന്ത്യയുടെ ഭാഗമായി തന്നെ കാണിച്ചിരിക്കുന്നു . മറ്റു രാജ്യങ്ങളിൽ ഇവ തർക്ക പ്രദേശങ്ങളെന്നാണു രേഖപ്പെടുത്തിയിരിക്കുന്നതു ഇതാണു വാർത്ത .

വാർത്ത വായിച്ച ഞാനും എന്റെ രാജ്യം ഗൂഗിൾ എസ്പാനയിൽ നോക്കി , ഗൂഗിൾ ഇന്ത്യയിൽ നോക്കി , ഗൂഗിൾ ചൈനയിൽ നോക്കി സംഗതി സത്യം .അല്ലെങ്കിൽ തന്നെ നമ്മുടെ രാജ്യത്തെ സംസഥാനങ്ങൾ വെട്ടി മുറിച്ചു ചെറുകഷണങ്ങളാക്കാൻ സമരങ്ങൾ നടത്തി കൊണ്ടിരിക്കുന്നവർ ഇനി പുതിയ സംസ്ഥാനം വേണ്ട പുതിയ രാജ്യം മതി എന്നു പറയുമോ എന്ന പേടിയാണു എന്റെ മനസ്സിൽ തോന്നിയത് . അങ്ങിനെയെങ്കിൽ ആസ്സാമും തമിഴ്നാടും പുതിയ രാജ്യങ്ങളായി കാണേണ്ടി വരുമോ . ഗൂഗിൾ ശ്രീലങ്കയിൽ തമിഴ്നാട് ശ്രീലങ്കയുടെ ഭാഗമായി കാണേണ്ടി വരുമോ .

ഗൂഗിളിന്റെ ബ്ലോഗിൽ നിന്നാണു എഴുതുന്നതെങ്കിലും ഗൂഗിളേ ,സജിയെന്ന ഇന്ത്യാക്കാരൻ ഇതിൽ ശക്തിയായി പ്രതിഷേധിക്കുന്നു . അരുണാചലും ജമ്മുവും കശ്മീരും ഞങ്ങളുടെ ഇന്ത്യാക്കാരുടെയാണു .

മഞ്ഞുയാത്രാ

2010-01-09T10:21:00.000-08:00

ഇതൊരു യാത്രാവിവരണമല്ല മഞ്ഞു വിവരണമാണ്

ഞാനിവിടെ വന്നിട്ട് രണ്ട് വർഷമായെങ്കിലും മഞ്ഞ്കാലത്തു മുറിയടച്ച് വീട്ടിലിരിക്കുകയാണു പതിവു , മാത്രമല്ല കഴിഞ്ഞ രണ്ട് തവണയും നല്ല മഞ്ഞ് വീഴ്ച്ച ജോലി ദിവസങ്ങളിലായിരുന്നു , അവധി ദിവസങ്ങളിൽ മഞ്ഞിനു പകരം മഴയും .ഇത്തവണ എന്തായാലും മഞ്ഞുവീഴ്ച്ച അവധി ദിവസമാണെങ്കിൽ തീർച്ചയായും കുട്ടികളെപോലെ മഞ്ഞിലൊന്നു കളിക്കണമെന്നു നേരത്തെ തീരുമാനമെടുത്തിട്ടുള്ളതാണ് . ഇന്നലെ തന്നെ റ്റിവിയിലെ വാർത്ത കണ്ട് ഇന്നു മഞ്ഞ് വീഴ്ച്ചയുണ്ടെന്നു ഉറപ്പു വരുത്തി 9 മണിക്കു എഴുന്നേൽക്കുവാൻ അലാറം വെച്ചെങ്കിലും അലാറം അടിച്ചപ്പോൾ ഓഫ് ചെയ്തു അവധി ദിവസങ്ങളിലെ പതിവുപോലെ ക്രിത്യം പത്തരക്കു തന്നെ എഴുന്നേറ്റു . എഴുന്നേറ്റ ഉടനെ തന്നെ ജന്നൽ തുറന്നു നോക്കി മഞ്ഞ് വീഴുന്നെന്നു ഉറപ്പു വരുത്തി . (30 സെന്റിമീറ്റർ മഞ്ഞു വീഴുമെന്നാണു ഇന്നലെ റ്റിവിയിൽ പറഞ്ഞതു )ഉടനെ തന്നെ കൂട്ടുക്കാരായ മറ്റു ഇന്ത്യക്കാരെയും വിളിച്ചു അർജിനെറ്റയിലേക്കു തിരിച്ചു ( അർജിനെറ്റ വിവരണം ഇവിടെ കാണാം).

എല്ലോറിയോയുടെ നാലുവശത്തുമുള്ള മല നിരകളിലൊന്നിലാണു പതിനാറാം നൂറ്റാണ്ടിലെ അർജിനെറ്റ പള്ളി സ്ഥിതി ചെയ്യുന്നതു . ആ ചെറുമല നിരകളിലെ കുന്നിൻ ചെരിവിലൂടെ സ്കീയിങ്ങ് നടത്തുക എന്നതാണു മനസ്സിലെ ആഗ്രഹം (ആഗ്രഹം സാധിക്കാൻ കയ്യിൽ സ്കീയിങ്ങ് ബോർഡൊന്നുമില്ല ). റോഡ് മുഴുവൻ കാണാൻ സാധിക്കാത്ത വിധം മഞ്ഞ് വീണ് കിടക്കുന്നു ,റോഡരികിലെ ബെഞ്ചുകളും പൈപുകളും മഞ്ഞ് മൂടികിടക്കുന്നു .സന്ധ്യകളിൽ വിശ്രമിക്കാനായി വന്നിരിക്കുന്ന പാർക്കു മുഴുവനും മഞ്ഞ് മൂടികിടക്കുന്നു , ചുറ്റും കുട്ടികൾ മഞ്ഞ് കയ്യിലെടുത്തു വലിയ പന്തു പോലെയാക്കി പരസപരം എറിഞ്ഞ് കളിക്കുന്നു , കുറച്ചു നേരത്തേക്കു ഞങ്ങളൂം കുട്ടികളായി മാറി അവരുടെ കൂടെ കൂടി മഞ്ഞുകൊണ്ടെറിഞ്ഞു കളിച്ചു . തെക്കെ ഇന്ത്യാക്കാരായ ഞങ്ങൽക്കു ഈ കാഴ്ച ഒരു ആവേശമാണെങ്കിലും ഈ ദിവസങ്ങൾ കഴിച്ചു കൂട്ടാൻ ബുദ്ധിമുട്ടു തന്നെ . കാലാവസ്ഥ പ്രവചനപ്രകാരം ഇന്നത്തെ താപനില മൈനസ് അഞ്ചു ഡിഗ്രീ.

അർജിനെറ്റ പള്ളിയിലേക്കു പോകുന്ന മഞ്ഞ് മൂടി കിടക്കുന്ന വഴികളും പൈൻ മര ശാഖകളും കാണാൻ ഒരു കാഴ്ച്ച തന്നെ . ഞങ്ങളെ കൂടാതെ ഒരുപാടു കുടുംബങ്ങൾ അർജിനെറ്റ ലക്ഷ്യമാക്കി പോകുന്നു . ഒരു വയസ്സുകാരൻ മുതൽ പതിനഞ്ചു വയസ്സുകാർ വരെ അച്ചന്റെയും അമ്മയുടെയും കൂടെ ആ കുന്നിൻ ചെരുവിൽ സ്കീയിങ്ങിനു പോവുകയാണു . വലിയവരുടെ കയ്യിൽ സ്കീയിങ്ങ് ബോർഡും കുട്ടികളുടെ കയ്യിൽ ഇരുന്നു പോകാൻ ഒരു പ്ലാസ്റ്റിക്ക് മഞ്ഞ് വണ്ടിയുമുണ്ട് .ചിലർ മഞ്ഞിൽ പ്രതിമകളുണ്ടാക്കി കളിക്കുന്നു , ചിലർ ഉരുണ്ടു കളിക്കുന്നു , ചിലർ എറിഞ്ഞ് കളിക്കുന്നു , ചെറിയ കുട്ടികളെ മടിയിലിരുത്തി അമ്മമാർ ആ പ്ലാസ്റ്റിക് വണ്ടിയിൽ സ്കീയിങ്ങ് നടത്തുന്നു . ഇതെല്ലാം കണ്ടു നിന്ന ഞങ്ങൾക്കും ഈ മഞ്ഞിലൊന്നു ഉരുണ്ട് സ്കീയിങ്ങ നടത്തിയാൽ കൊള്ളാം എന്നൊരു ആഗ്രഹം പക്ഷെ അതിനുള്ള വണ്ടി കയ്യിലില്ല , കൂട്ടത്തിലെ വിരുതൻമാർ ഉപായം കണ്ടെത്തി അവിടെ കണ്ട വലിയ പ്ലാസ്റ്റിക്ക് കവറിനു മുകളിൽ കയറിയിരുന്നു ആ കുന്നിൻ ചെരുവിലൂടെ സ്കീയിങ്ങ് നടത്തി . കുറച്ചു സമയത്തിനു ശേഷം കടം കിട്ടിയ ഒരു പ്ലാസ്റ്റിക്ക് വണ്ടിയിൽ കയറി ഞാനുൾപെടെ സ്കീയിങ് നടത്തി ആ ആഗ്രഹമങ്ങു സാധിച്ചു കുറച്ചു ഫോട്ടൊയും എടുത്തു തിരിച്ചു വീട്ടിലേക്കു പോന്നു .

ഇവിടെ ആഘോഷങ്ങൾ തീർന്നിട്ടില്ല

2010-01-04T09:33:00.000-08:00

സ്പാനിഷ് പാപ്പ

2009-12-25T05:37:00.000-08:00

ക്രിസ്തുമസ് എന്നാൽ എന്റെ കുട്ടിക്കാലത്തു കരോളും സാന്താക്ലോസ് അപ്പൂപ്പനുമാണു .കൈ നിറയെ സമ്മാനവുമായി വരുന്ന പഞ്ഞി പോലെ വെളുത്തു നരച്ചു നീണ്ട താടിയും കുടവയറും ചുവന്ന നിറത്തിലുള്ള ഉടുപ്പും തൊപ്പിയും ധരിച്ചുവരുന്ന പാപ്പ .ലോകത്തെല്ലായിടത്തും കുട്ടികൾക്കു സമ്മാനം കൊടുക്കുവാൻ വരുന്നതു സാന്താക്ലോസ് ആണെന്നായിരുന്നു എന്റെ ധാരണ .എന്നാൽ ഇവിടെ സ്പെയിനിൽ ബാസ്ക് കണ്ട്രിയിൽ വന്നതിനു ശേഷം ആ ധാരണ മാറി ഇവിടെ ക്രിസ്തുമസിനു സാന്താക്ലോസ് ഇല്ല പകരം ഓലെഞ്ചെറൊ ആണു (ലിങ്ക് ഇവിടെ)

കറുത്ത ഉടൂപ്പും കറുത്ത തൊപ്പിയും കയ്യിലൊരു വിളക്കുമേന്തി മറുകയ്യിൽ ഒരു ചാക്കു നിറയെ സമ്മാനവുമായി വരും ഓലെഞ്ചെറൊ .ഇന്നലെ എല്ലോറിയോയിൽ കുട്ടികൾക്കു സമ്മാനം കൊടൂക്കുന്ന ഓലെഞ്ചെറൊ.

MERRY ' X ' MAS

2009-12-24T09:58:00.000-08:00

എല്ലാവർക്കും ക്രിസ്തുമസ് ആശംസകൾ .എല്ലോറിയോയിലെ ക്രിസ്തുമസ് ആഘോഷങ്ങളിൽ നിന്നും .

ഇവിടെ മഞ്ഞു വീഴുകയായിരുന്നു

2009-12-19T04:13:00.001-08:00

വിറ്റോറിയ

2009-12-13T06:57:00.000-08:00

തണുപ്പും മഴയും കാരണം രണ്ടു തവണ മാറ്റി വെച്ച യാത്രയാണു വിറ്റോറിയയിലേക്ക് , ഈ തണുപ്പുസമയത്തു മഴയില്ലാതെയും തണുപ്പു കുറഞ്ഞ ദിവസവും നോക്കി യാത്ര നടക്കില്ല എന്നു മനസ്സിലാക്കി മാനം അല്പം തെളിഞ്ഞ് നിൽക്കുന്ന ശനിയാഴ്ച്ച തന്നെ വിറ്റൊറിയയിലേക്കുള്ള യാത്ര തീരുമാനിച്ചു .

View Larger Map

പോകുന്നതിനു മുന്നെ ഇന്റെർനെറ്റിൽ വിറ്റോറിയയിലെ കാലാവസ്ഥ നോക്കി തെളിഞ്ഞ മാനം മഴയില്ല പക്ഷെ താപനില കൂടിയതു 7ഉം കുറഞ്ഞതു 2ഉം , ഞായറാഴച്ചത്തെ കാലാവസ്ഥ കൂടിയത് മൈനസ് 1 ഡിഗ്രീ കുറഞ്ഞതു മൈനസ് 2ഡിഗ്രീ . ഇനിയങ്ങോട്ടു എന്നും മൈനസ് തന്നെയായിരിക്കും ഇവിടത്തെ താപനില ,കാഴ്ച്ചകൾ കാണുന്നതു പോയിട്ടു വീടിനു പുറത്തേക്കിറങ്ങാൻ തന്നെ മടിയാകും . പായിസ് ബാസ്കോയുടെ തലസ്ഥാനമാണു വിറ്റൊറിയ എന്നതു മാത്രമല്ല 1814 ലെ പെനിൻസുലാർ യുദ്ധത്തിന്റെ ഭാഗമായി വിറ്റൊറിയയിൽ വെച്ചാണു ഫ്രെഞ്ച് ചക്രവർത്തിയായ നെപ്പോളിയന്റെ സൈന്യത്തെ പരാജയപെടുത്തിയതു .

രാവിലെ എട്ടു മണിയുടെ ബസ്സിൽ എല്ലോറിയോയിൽ നിന്നും ഡുറങ്കോയിലെത്തി , വിറ്റോരിയയിലേക്കു ഉച്ച്ക്കു മുൻപ് ആകെ രണ്ടു ബസ്സുകൾ മാത്രമെ ഉള്ളൂ ഉർക്യോളയിലെ മല നിരകൾക്കിടയിലൂടെ ഒരു മണിക്കൂർ യാത്ര ചെയ്താൽ വിറ്റോറിയയിലെത്താം .ഒൻപത് മണിയുടെ ആ വലിയ വോൾവൊ ബസ്സിൽ യാത്ര ചെയ്യാൻ ഞാനുൾപ്പെടെ 3 പേർ മാത്രം . 3 യൂറൊക്കു വിറ്റോരിയയിലെക്കു ടിക്കറ്റെടുത്തപ്പോൾ ഒരു കാര്യം ശ്രദ്ധിച്ചു ഡ്രൈവർ കാബിനിൽ എഴുതി വെച്ചിരിക്കുന്നു “ഡ്രൈവറോടു സംസാരിക്കരുതു“ , ആദ്യമായാണു അങ്ങിനെ ഒരു സംഭവം ഇവിടെ കാണുന്നതു . ബസ്സ് ഡുറങ്കൊ പട്ടണം കടന്നു ഉർക്യോള മലനിരകളിലേക്കു കടന്നു കനത്ത മൂടൽ മഞ്ഞ് , ആ മൂടൽ മഞ്ഞിലും മലയുടെ താഴ്വാരത്തുള്ള വീടുകളും പച്ചപ്പു നിറഞ്ഞ മലയടിവാരവും കണ്ടപ്പോൾ ഈ യാത്ര സ്വന്തം വാഹനത്തിലായിരുന്നെങ്കിൽ പുറത്തെ 1 ഡിഗ്രീ തണുപ്പിനെ പോലും നോക്കാതെ പുറത്തിറങ്ങി ആ കാഴ്ച്ച ആസ്വദിച്ചേനെ .

View Larger Map

മലനിരകൾക്കു മുകളിലെ ഉർക്യോള പള്ളി സ്റ്റോപ്പിലെത്തിയപ്പോൾ കൂടെയുണ്ടായിരുന്ന 2 യാത്രക്കാരും ഇറങ്ങി , ഡ്രൈവർക്കു തൊട്ടു പുറകിലെ സീറ്റിലാണു ഞാനിരിക്കുന്നതു ആ വലിയ ബസ്സിൽ ഞാനും ഡ്രൈവറും മാത്രം ഡ്രൈവറുടെ കാബിനു മുകളിൽ എഴുതി വെച്ചിരിക്കുന്ന അറിയിപ്പു ഒന്നു കൂടെ വായിച്ചു പുറത്തെ കാഴ്ച്ചകൾ കണ്ടിരുന്നു . ഉർക്യോള മലനിരകൾ ഇറങ്ങികൊണ്ടിരിക്കുമ്പോൾ റോഡിനോടു വലതു വശം ചേർന്നു തേക്കടി തടാകത്തെ ഓർമ്മപെടുത്തുന്ന വിറ്റോറിയൻ റിസർവോയറും തടാകവും കാണാം എങ്ങും പച്ചപ്പു നിറഞ്ഞ കാഴ്ച്ചകൾ കണ്ടു കൊണ്ട് പത്തു മണിയോടെ വിറ്റോരിയയിലെത്തി .

കമ്പിളി ഉടുപ്പിനു പുറമെ ലെതർ ജാകറ്റ് ഇട്ടിട്ടു പോലും തണുപ്പ് അകത്തേക്കരിച്ചിറങ്ങുന്നു , കാലത്തു പത്തു മണിയായിട്ടും താപനില 1 ഡിഗ്രീ മാത്രം . ഇന്നു കാഴ്ച്ചകൾ കാണാൻ ഇറങ്ങിയതു അബദ്ധമായെന്നു തോന്നി എങ്കിലും തെളിഞ്ഞ മാനം അല്പം പ്രതീക്ഷ തന്നു . ബസ്സ് റ്റെർമിനലിൽ നിന്നും അഞ്ചു മിനുറ്റ് നടന്ന് ടൂറിസം ഇൻഫോർമേഷൻ ഓഫിസ്സിലെത്തി , വിറ്റോറിയയുടെ മാപും വഴിയും ചോദിച്ചു മനസ്സിലാക്കി . തണുപ്പിനെ വക വെക്കാതെ ഒരു പാടു ആളുകൾ വിറ്റോറിയ കാണാൻ വന്നു കൊണ്ടിരിക്കുന്നു . ആ ഓഫിസിനു അടുത്തു തന്നെയാനു പായിസ് ബാസ്കൊയുടെ തലസ്ഥാനമായ വിറ്റോരിയയിലെ പാർലിമെന്റ് കെട്ടിടം , വലിയ തോക്കു ധാരികളോ ആടംഭരമോ അത്ര ഭംഗിയൊ ഇല്ലാത്ത രണ്ടു നിലയുള്ള ചെറിയ കെട്ടിടം മതിലിനു ചുറ്റും രാഷ്ട്ര നേതാക്കൻമാരുടെ രസകരമായ ഫോട്ടോകൾ പ്രദർശിപ്പിച്ചിരിക്കുന്നു , ഒബാമയും സാർകൊസിയും ബുഷും ഫിഡൽ കാസ്ട്രോയും എല്ലാവരും ഉണ്ട് .

പാർലമെന്റിനു പുറകു വശത്തെ ഫ്ലോറിഡ പാർക്കിലൂടെ നടന്നു പുതിയ പള്ളിയിലെത്തി ഇരുപതാം നൂറ്റാണ്ടിൽ ഗോത്തിക് ശൈലിയിൽ പണിത ആകർഷകമായ കെട്ടിടത്തിൽ നിരവധി ചെറു പ്രതിമകൾ , പള്ളിക്കു ചുറ്റുമുള്ള പച്ചപ്പു നിറഞ്ഞ പുൽതകിടിയിലൂടെ ചുറ്റി നടന്നു വിറ്റോറിയയിലെ കാസ്കൊ വീഹൊ എന്നറിയപ്പെടുന്ന പഴയ പട്ടണത്തിലേക്കു നടന്നു .

പഴയ പട്ടണം നമ്മെ വരവേൽക്കുന്നതു പ്ലാസ ദെ ലാ വിർഹിൻ ബ്ലാൻക യിലെക്കാണു . ആ കവലയുടെ നടുക്കു തന്നെ വിറ്റൊറിയ യുദ്ധം ജയിച്ചതിനു പ്രതീകമായി സ്ഥാപിച്ച മൊണുമെന്റ് കാണാം . പതിനേഴം നൂറ്റാണ്ടിൽ സ്പെയിൻ ആക്രമിച്ചു കീഴടക്കിയ നെപ്പോളിയൻ സഹോദരൻ ജോസഫിനെ സ്പെയിനിന്റെ രാജാവാക്കി ബ്രിട്ടീഷ് പോർചുഗൽ സ്പെയിൻ സഖ്യകക്ഷി സൈന്യം വെല്ലിങ്ട്ടന്റെ നേത്യുത്വത്തിൽ നെപ്പോളിയന്റെ സൈന്യത്തെ തോൽ‌പ്പിച്ചു , അതോടെ സ്പെയിനിലെ നെപ്പോളിയന്റെ രാജവാഴ്ച നിന്നു .

ആ കവലയിൽ നിന്നു കാണാവുന്ന പതിനാലാം നൂറ്റാണ്ടിലെ സാൻ മിഗെൽ പള്ളിയും അതിനു പുറകിലെ സുസൊ പാലസും കണ്ടു പ്ലാസ ദെ എസ്പാന്യയിളെക്കു നടന്നു . മൂന്നു നിലയുള്ള ചതുരത്തിൽ ഉള്ള കെട്ടിട സമുച്ചയം 1791 ഇൽ നിർമിച്ച ഇതിന്റെ ഒരു വശത്തു മുനിസിപ്പാലിറ്റി ഓഫിസും ബാക്കി മൂന്നു വശത്തു അൻപതോളം കുടുംബങ്ങളും അന്നു കാലത്തു ചന്തയും കാളപ്പോരുമെല്ലാം ഈ കെട്ടിട സമുച്ചയത്തിനു നടൂക്കാണു നടന്നിരുന്നതു .

അല്പം മുന്നോട്ടു നടന്നപ്പോൾ പതിനൊന്നാം നൂറ്റാണ്ടിലെ പട്ടണത്തിന്റെ കോട്ടയുടെ ഭാഗങ്ങൾ കണ്ടു , അന്നു പട്ടണത്തിന്റെ സ്വരക്ഷക്കായി നിർമിച്ച കോട്ടയുടെ ഭാഗങ്ങൾ ഇന്നും സംരക്ഷിച്ചു നിറുത്തിയിരിക്കുന്നു , തണുപ്പു 1 ഡിഗ്രീയിൽ നിന്നും 6 ഡിഗ്രീയായി അല്പം ആശ്വാസം , മാനം തെളിഞ്ഞ് വെയിലുണ്ടെങ്കിലും തണുപ്പിനു കുറവൊന്നുമില്ല . ആ പഴയ പട്ടണത്തിലെ പ്രാധാന വീഥിയിലൂടെ നടന്നു എൽ പോർട്ടലൊൺ എന്ന പതിനഞ്ചാം നൂറ്റാണ്ടിലെ സത്രത്തിലെത്തി , മൂന്നു നിലയുള്ള ആ കെട്ടിടത്തിന്റെ സ്കെൽട്ടൻ മരത്തടിയിലാണൂ അതിനിടയിൽ ചുടുകട്ട അടുക്കി വെച്ചിരിക്കുന്നു . ആദ്യ നിലയിൽ കുതിരകളെ കെട്ടുവാനും രണ്ടാം നിലയിലും മൂന്നാം നിലയിലുമാണു സത്രം . ഇപ്പോൾ അതൊരു ഹോട്ടൽ ആണു വിവാഹ പാർട്ടികളാണു അധികവും,

ആ സത്രത്തിൽ നിന്നിറങ്ങി പതിനാലാം നൂറ്റാണ്ടിലെ ഗോത്തിക് ശൈലിയിൽ പണിത സാന്റ മരിയ കത്രീഡലിലേക്കു നടന്നു . അഞ്ചു യൂറോക്കു ടിക്കറ്റെടുത്തു ഹെൽമറ്റ് ധരിച്ചു അകത്തു കടന്നു , 700 വർഷത്തെ കാലപഴക്കം വന്നു ഒരു വശം ചരിഞ്ഞ പള്ളി സ്പാനിഷ് സർക്കാർ 45 ലക്ഷം യൂറൊ ചിലവാക്കി നവീകരിക്കുന്ന ജോലി നടന്നു കൊണ്ടിരിക്കുകയാണു . 60 മീറ്റർ ഉയരത്തിലുള്ള മധ്യത്തിലെ മകുടമാണു പ്രധാന ആകർഷണം . ഫോട്ടോ എടുക്കുന്നതു നിരോധിച്ചതിനാൽ ക്യാമറക്കു വിശ്രമം കൊടുത്തു . ഇരുപതോളം വരുന്ന ഞങ്ങളുടെ കൂട്ടത്തിനു ഗൈഡ് നൽകിയ വിവരങ്ങൾ കേട്ട് കൊണ്ട് അകത്തേക്ക് നടന്നു 60 മീറ്റർ ഉയരമുള്ള മകുടം താങ്ങി നിറുത്തിയിരിക്കുന്ന നാലും തൂണുകളൂം ചുമരുകളും ഒഴികെ തറയുൾപ്പെടെ മാന്തിയെടുത്തിരിക്കുന്നു . നീളമുള്ള ഇരുമ്പു പൈപ്പുകളിൽ നില കെട്ടിയാണ് എല്ലാവരെയും പള്ളിയുടെ 60 മീറ്റർ ഉയരമുള്ള ചുമരിനു വശത്തു കൂടെ നടത്തി കാഴച്ചകൾ കാണീക്കുന്നതു . ആ വലിയ ചുമരിൽ കണ്ട വലിയ വിള്ളലുകളും ആ വശത്ത ചുമർ ചരിഞ്ഞു നിൽക്കുന്നതും കണ്ടപ്പോ എന്റെ മനസ്സിലെ ധൈര്യത്തിനും വിള്ളലുണ്ടായി . മെല്ലെ ശ്രദ്ധിച്ചു നടന്നു ഞങ്ങളെല്ലാവരും ഏറ്റവും മുകളിലെത്തി , താഴെ അടിത്തറ മാന്തി കല്ലറയിലെ അസ്ഥികൂടങ്ങൾ മാറ്റിയിരിക്കുന്നതു കണ്ടു . ഇപ്പോൾ ചുമരിനു ഏറ്റവും മുകളിൽ അർധഗോളാക്രിതിയിലുള്ള മേക്കൂരക്കു തൊട്ട് താഴെ ചുമരിനു നടുക്കിലൂടെയുള്ള ടണലിലൂടെ കുനിഞ്ഞു നടന്നു അവസാനം ആ ചുമരിലെ ഒരു ബാൽക്കണീ പോലെ തോന്നിക്കുന്ന ഭാഗത്തെത്തി അവിടെ നിന്നും നോക്കിയാൽ വിറ്റോരിയ മുഴുവനായും കാണാം . നേരത്തെ കണ്ട വിള്ളലുള്ള ഒരു വശത്തേക്കു ചരിഞ്ഞ 60 മീറ്റർ ഉയരമുള്ള ചുമരിനു മുകളിലാണു ഞാൻ നിൽക്കുന്നതെന്നു ഓർത്തപ്പോൾ പാദത്തിനൊരു വിറയൽ . പിന്നെ അധികനേരം അവിടെ നിക്കാതെ പെട്ടെന്നു തന്നെ ചുറ്റു ഗോവണി വഴി താഴേക്കിറങ്ങി ഭക്ഷണം കഴിക്കാൻ ഹോട്ടലിലേക്കു നടന്നു .

സമയം 2 മണി ശനിയാഴ്ച്ച അവധി ആഘോഷിക്കാൻ എല്ലാ സ്പാനിഷുകാരനും കുടുംബസമേതം വന്നിരിക്കുന്നു , എല്ലാ ഹോട്ടലിലും നല്ല തിരക്കു തന്നെ ഇവിടത്തെ എല്ലാ പഴയ പട്ടണത്തിലെ ഹോട്ടലുകളൂം ബാറുകളൂം ത്രിശ്ശൂർ പട്ടണത്തിലെ സ്വർണകടകളെ പോലെയാണു ഒരറ്റം പിടിച്ചാൽ മറ്റെ അറ്റം വരെ നിരനിരയായി ബാറുകളും ഹോട്ടലുകളും ( ഹോട്ടലും ബാറും ഇവിടെ രണ്ടും ഒന്നു തന്നെ ഒരു വിത്യാസവുമില്ല )3 മണിയോടെ സ്പാനിഷു ഭക്ഷണം കഴിച്ചു കാസ്കൊ വീഹൊ എന്ന പഴയ പട്ടണത്തിനു പുറത്തിറങ്ങി . വിറ്റോറിയ പട്ടണത്തിൽ 15 മിനുറ്റ് ഇടവിട്ട് ട്രാം സർവീസ് ഉണ്ട് അതിൽ ഒരു ദിവസത്തെ ടിക്കറ്റെടുത്തു പട്ടണം മൊത്തം കറങ്ങി കാണാൻ തീരുമാനിച്ചു അതിൽ കയറി യാത്രയായി .

ശൈത്യകാലത്തിന്റെ കൊടും തണുപ്പിൽ മരങ്ങളെല്ലാം ഇലപൊഴിച്ചു അസ്ഥികൂടങ്ങളെ പോലെ നിൽക്കുന്നു . ഇടക്കു ചില സ്റ്റോപ്പുകളിൽ ഇറങ്ങി നടന്നു കാഴ്ചകൾ കണ്ടു ഫോട്ടോയെടുത്തു .

വീണ്ടൂം തിരിച്ചു ട്രാമിൽ കയറി ഒരറ്റം മുതൽ അങ്ങെ അറ്റം വരെ യാത്ര ചെയ്തു . സമയം 4.30 വൈകീട്ട് 8 മണീക്കാണു ഇനി തീരിച്ചു പോകാനുള്ള അവസാനത്തെ ബസ്സ് . സൂര്യനസ്തമിക്കാൻ അല്പസമയം കൂടെയുണ്ട് , ട്രാമിൽ നിന്നിറങ്ങി ഫൈൻ ആർട്സ് മ്യൂസിയം ലക്ഷ്യമാക്കി നടന്നു വൈകീട്ട് 5 മണീ മുതൽ 8 മണി വരെയാണൂ സന്ദർശന സമയം ഇവിടെയും ക്യാമറക്കു വിശ്രമം കൊടുക്കേണ്ടി വന്നു ,പ്രവേശനം തീർത്തും സൌജന്യമായതു കൊണ്ടാണൊ എന്നറിയില്ല കാഴ്ചക്കാരനായി ഞാൻ മാത്രമെ ഉണ്ടായിരുന്നുള്ളൂ . ജീവനുള്ളവരെ പിടിച്ചു ചുമരിൽ തറച്ചതാണെന്നു തോന്നി ചില പെയിന്റിങ്ങുകൾ കണ്ടപ്പോൾ ,കണ്ണ് എടുക്കാനെ തോന്നുന്നില്ല സി സി റ്റിവിയിൽ സെക്യൂരിറ്റി എന്നെ വീക്ഷിക്കുന്നുണ്ടെന്ന ബോധം എന്നെ ക്യാമറ തിരിച്ചു ബാഗിൽ തന്നെ വയ്പ്പിച്ചു .

അര മണിക്കൂർ അവിടെ ചിലവഴിച്ച് ആർടിയം എന്ന ആർട്സ് എക്സ്ബിഷൻ സെന്ററിലേക്കു പോയി .പ്രവേശനം സൌജന്യം എന്നു തന്നെ പറയാം 1 സെന്റ് ആണൂ . ഇപ്പോൾ 6 മാസത്തേക്കു അവിടെ പ്രദർശിപ്പിക്കുന്നതു ഇന്ത്യൻ പൊട്രൈറ്റ് ഫോട്ടോഗ്രഫിയാണു . നാമൊരു ഇന്ത്യാക്കാരനാണെന്നു അഭിമാനം തോന്നുന്ന അവസരങ്ങളാണിതു . എല്ലാ സംസ്ഥാനത്തെയും ആളുകളുടെയും പോർട്രെയ്റ്റുകൽ ഉണ്ടായിരുന്നെന്നു മാത്രമല്ല ഒരു ചുമർ നിറയെ കേരളത്തിലെ ക്രിസ്ത്യൻ ബിഷപ്പു തിരുമേനിമാരുടെ ( എല്ലാവരും ഉണ്ട് കത്തൊലിക്ക യാക്കൊബായ ഓർത്തഡോക്സ് .......)14 ഫോട്ടൊകൾ അവരുടെ ഔദ്യോഗിക ഭവനത്തിനു മുന്നിൽ നിൽക്കുന്ന ഫോട്ടോകൾ .

അവിടെ നിന്നിറങ്ങി നടക്കുന്ന വഴിയിൽ തന്നെ ഒരു വയസ്സായ തെരുവു കലാകാരനെ കണ്ടു , നിരക്ഷരൻ പറഞ്ഞതു ശരി തന്നെ യൂറൊപ്പിൽ എവിടെ യാത്ര പോയാലും ഇവരെ കാണാതിരിക്കില്ല . അല്പനേരം കൂടെ അവിടെ ചുറ്റി കറങ്ങിയതിനു ശേഷം 8 മണീയുടെ ബസ്സിൽ വീട്ടിലേക്കു യാത്രയായി ..

ശ്ശ്............. മിണ്ടാതെ ശ്രദ്ധിച്ച് കേൾക്ക് .

2009-12-12T13:53:00.000-08:00

സഹയാത്രികൻ

2009-12-03T09:53:00.001-08:00

മൂന്നു ദിവസത്തേക്കു മാത്രമായി നാട്ടിലേക്കു വരുന്ന സമയത്തു ഞങ്ങളുടെ വിമാനത്തിനു സമാന്തരമായി പതിനായിരം മീറ്റർ ഉയരത്തിൽ മ്യൂണിക്ക് മുതൽ റ്റെഹറാൻ വരെ പറന്നവൻ .

അമ്പിളി അമ്മാവൻ

2009-12-03T09:51:00.001-08:00

ഈ അമ്പിളി അമ്മാവനെയും വിമാനത്തിലിരുന്നു ക്ലിക്കിയതു തന്നെ

ഗെർണിക്ക

2009-11-22T14:39:00.000-08:00

ആഗസ്റ്റിൽ നാട്ടിൽ പോയപ്പോൾ ഒരു കുടുംബസംഗമത്തിൽ വച്ചു പരിചയപ്പെട്ട , ഗുരുവായൂർ KSEB ഓഫീസർ ആയി ജോലി ചെയ്യുന്ന സുനിൽ എന്നോട് ചോദിച്ചു

“ സജി സ്പെയിനിലാണെന്നല്ലെ പറഞ്ഞതു ഗെർണിക്കയൂടെ അടുത്താണോ ? അവിടെ പോയിട്ടുണ്ടോ? നമ്മൾ വായിച്ചിട്ടീല്ലെ ഗെർണിക്കയെ പറ്റി രണ്ടാം ലോക മഹായുദ്ധത്തിൽ ഹിറ്റ്ലർ ബോംബിട്ടു നശിപ്പിച്ച സ്ഥലം പികാസോ വരച്ച ഗെർണീക്ക സജി ഇതൊക്കെ കണ്ടുവോ ? “

ഇതിനെല്ലാം എനിക്കു ഒറ്റ മറുപടി മാത്രമേ ഉണ്ടായിരുന്നുള്ളൂ “ ഇല്ല” എന്നു മാത്രം .

പിന്നീട് സുനിലാണു എനിക്കു അയാൾ വായിച്ചു മാത്രം അറിവുള്ള ഗെർണീക്കയെയും പികാസൊ വരച്ച പെയിന്റിങ്ങിനെ പറ്റിയും എല്ലാ കഥകളൂം എനിക്കു പറഞ്ഞു തന്നതു .

പരീക്ഷ ജയിക്കാൻ വേണ്ടി മാത്രം ചരിത്രം പഠിച്ച ഞാൻ അന്നു കുറ്റബോധത്തോടെ സുനിൽ ആവേശത്തോടെ ഗെർണിക്കയെ പറ്റിയും പികാസോയുടെ പെയിന്റിങ്ങിനെ പറ്റിയും പറഞ്ഞതു കേട്ടു. അന്നെ മനസ്സിൽ കരുതിയതാണു സ്പെയിനിലെ എന്റെ ഇനിയുള്ള അടുത്ത യാത്ര ഗെർണിക്കയിലേക്കായിരിക്കും എന്നു .

View Larger Map

അതെ എന്റെ ഇന്നത്തെ യാത്ര ഗെർണീക്കയിലേക്കായിരുന്നു . രണ്ടാം ലോകമഹാ യുദ്ധക്കാലത്തു ലോകത്തിന്റെ ശ്രദ്ധ പിടിച്ചു പറ്റിയ ഗെർണീക്ക ,പികാസോ വരച്ച ഗെർണിക്ക .

“Guernica, the oldest town of the Basque provinces and the center of their cultural traditions, was almost completely destroyed by the rebels in an air attack yesterday afternoon. The bombing of the undefended town far behind the front line took exactly three quarters of an hour. During this time and without interruption a group of German aircraft – Junker and Heinkel bombers as well as Heinkel fighters – dropped bombs weighing up to 500 kilogrammes on the town. At the same time low-flying fighter planes fired machine-guns at the inhabitants who had taken refuge in the fields. The whole of Guernica was in flames in a very short time.” - The Times, April 27, 1937.

ഇതായിരുന്നു ബോംബിങ്ങിനു അടുത്ത ദിവസം പത്രത്തിൽ വന്ന വാർത്ത .

കടപ്പാട് വികിപിഡിയ സ്പാനിഷ്

പഴയ കാലത്തു ബിസ്ക്കായയുടെ പാർലമെന്റ് ഗെർണിക്കയിലായിരുന്നു .പതിമൂന്നാം നൂറ്റാണ്ട് മുതൽ ഒരു ഓക്കു മരത്തിനു ചുറ്റുമായിരുന്നു അവർ സഭ കൂടിയിരുന്നതു . ബാസ്ക് കണ്ട്രിയുടെ സ്വാതന്ത്ര്യത്തിന്റെ അടയാളമാണു ഓക്കു മരം . സ്വതന്ത്ര രാജ്യത്തിനു വേണ്ടി പോരാടുന്ന ബാസ്ക് കണ്ട്രിയെ സ്പെയിനിലെ അന്നതെ ഏകാതിപതി ആയിരുന്ന ഫ്രാൻകൊ ഹിറ്റ്ലറെയും മുസ്സോളിനിയെയും കൂട്ടു പിടിച്ചു കീഴടക്കി .അതു കൊണ്ടു തന്നെ ഗെർണിക്കയിൽ സഭകൂടിയിരുന്ന സ്ഥലം ലക്ഷ്യമാക്കി അന്നവർ ബോബിട്ടതു , ഗെർണിക്കയെ ഭൂമുഖത്തു നിന്നും തുടച്ചു മാറ്റുകയായിരുന്നു ലക്ഷ്യം . 1600 പേരുടെ ജീവൻ അപഹരിച്ചെങ്കിലും , ഗെർണിക്ക പൂർണമായി തകർന്നെങ്കിലും ഓക്ക് മരവും സഭ കൂടുന്ന സ്ഥലവും ഒരു പോറൽ പോലും ഏൽക്കാതെ രക്ഷപെട്ടു .

വളരെ നാളുകൾക്കു ശേഷം ഇന്നായിരുന്നു നല്ല കാലാവസ്ഥ , ഒൻപതു പത്തിന്റെ ബസിൽ എല്ലോരിയോയിൽ നിന്നും ഡുറങ്കോയിൽ എത്തി അവിടെ നിന്നും ഗെർണിക്കയിലേക്കു ട്രെയിനിൽ ടിക്കെറ്റെടൂത്തു .അര മണിക്കൂർ യാത്രക്കു ശേഷം ഗെർണിക്കയിലെത്തിയ ഞാൻ നേരെ ഇൻഫോർമേഷൻ ഓഫീസ്സിൽ പോയി മാപ് വാങ്ങി വഴി ചോദിച്ചു മനസ്സിലാക്കി .

View Larger Map

ഗെർണീക്ക വളരെ ചെറിയ പട്ടണമാണ് 16,000 ജനസംഖ്യമാത്രമുള്ള ചെറുപട്ടണം .റെയിൽ വേ സ്റ്റേഷനിൽ നിന്നിറങ്ങി അല്പം നടന്നാൽ ചന്ത നടക്കുന്ന സ്ഥലം കാണാം വഴികളെല്ലാം അല്പം ഇടൂങ്ങിയ വഴികൾ ആളൂകൾ തിങ്ങി പാർക്കുന്നു .എന്നാൽ മനസ്സിൽ ,ബോംബിട്ട് തകർത്ത ഗെർണീക്കയുടെ ചിത്രവുമായി ‌‌‌ഇപ്പോഴുള്ള ഗെർണീക്ക നോക്കിയാൽ തീർത്തും പുതിയതു തന്നെ . ഒരിടത്തു പോലും ബോംബിട്ടു തകർത്തതിന്റെ അവശിഷ്ട്ടങ്ങൾ പോലുമില്ല .

ഗെർണിക്ക മ്യൂസിയമായിരുന്നു എന്റെ ലക്ഷ്യം അവിടെ അന്നു ബോംബിട്ടു തകർത്ത ഗെർണിക്കയെ പറ്റി എല്ലാം കാണാം , ഇപ്പോഴുള്ള ഗെർണിക്ക തീർത്തും പുതിയതാണു അന്നത്തെ ഒരു കേടുപാടു പോലും കാണാത്ത രീതിയിൽ പുതുക്കി പണിതതു .
മ്യൂസിയം എത്തുന്നതിനു മുന്നെ ഇക്ക്വോഡോർ രാജ്യത്തു നിന്നുള്ളവർ തെരുവിൽ അവതരിപ്പിക്കുന്ന സംഗീതം കേട്ട് കൊണ്ടു അലപനേരം നിന്നു

നാലു യൂറോക്കു ടിക്കെറ്റെടുത്തു ഞാൻ മ്യൂസിയത്തിൽ കയറി , മൂന്ന് നിലകളിലായി പ്രവർത്തിക്കുന്ന മ്യൂസിയത്തിൽ ക്യാമറ തീർത്തും നിരോധിച്ചിരിക്കുന്നു . എല്ലായിടത്തും സി സി ക്യാമറ്യുള്ളതിനാൽ ഞാൻ റിസ്ക് എടുത്തു ഫോട്ടോ എടുക്കാൻ നിന്നില്ല . ഗെർണിക്കയിലെ ബോംബിങ്ങിനെ പറ്റി മാത്രം ഉള്ള മ്യൂസിയമാണതു . എന്റെ കൂടെ ബുദ്ധി വൈകല്യമുള്ള കുട്ടികളെ പഠിപ്പിക്കുന്ന സ്കൂളിലെ കുട്ടികളും ഉണ്ടായിരുന്നു .ബോംബിങ്ങിനു ശേഷം തീയും പുകയും ഉയരുന്ന കെട്ടിടങ്ങളും ജീവനറ്റ ശരീരങ്ങളൂം അഭയാർഥികളായി രക്ഷപെടുന്നവരുടെ ഫോട്ടൊകളൂം, അന്നു പൊട്ടാതെ കിടന്ന ബോംബുകളെക്കാളൂം എന്നെ അവിടെ ആകർഷിച്ചതു നമ്മുടെ ഗാന്ധിജിയുടെയും മതെർ തെരേസയുടെയും ഫോട്ടോകളായിരുന്നു .

മതെർ തെരേസയുടെ സ്നേഹിക്കുവാൻ വേണ്ടി പറയുന്ന വചനങ്ങളും അവർ ഉപയ്യോഗിച്ചിരുന്ന വട്ട കണ്ണടയും ഞാനവിടെ കണ്ടു , അതിനേക്കാൾ ഉപരി പല സ്ഥലങ്ങളിലായി നമ്മുടെ മഹാത്മാഗാന്ധിയുടെ വചനങ്ങൾ സ്പാനിഷിൽ എഴുതി വെച്ചിരിക്കുന്നു മോഹൻ ദാസ് ഗാന്ധി എന്ന പേരിൽ .ഞാനൊരു ഇന്ത്യാക്കാരനെന്ന അഭിമാനത്തോടെ രണ്ടു നിമിഷം ഗാന്ധിജിയുടെ ഫോട്ടൊയെ നോക്കി നിന്നു .

അവിടെ കണ്ട വിസിറ്റേർസ് പുസ്തകത്തിൽ മലയാളത്തിൽ തന്നെ രണ്ടു വരികൾ എഴുതിയതിനു ശേഷം മൂന്നാമതെ നിലയിലെക്കു കയറി . പിക്കാസോയുടെ പെയിന്റിങ്ങ് അവീടെ കണ്ടു (ഒറിജിനൽ ഇരിക്കുന്നതു മാഡ്രിഡിലാണ് ) . സിമ്പോളിക് ആയി വരച്ചിരിക്കുന്ന ആ പെയിന്റിങ്ങ് നമുക്കു മനസ്സിലാകുന്ന രീതിയിയിൽ വേർതിരിച്ചു വരച്ചു വിവരിച്ചു എഴുതിയിട്ടുണ്ടു .

പാരിസ് എക്സിബിഷനു വേണ്ടി വരച്ച ഈ പെയിന്റിങ്ങ് 1940 ഇൽ പാരീസ് കീഴ്പെടുത്തിയ നാസി പട്ടാളക്കാർ ഈ പെയിന്റിങ്ങ് കൈവശ പെടുത്തി പിക്കാസോയോടു ചോദിച്ചു “ നിങ്ങളാണൊ ഇതു ചെയ്തതു “ (വരച്ചതു നിങ്ങളാണൊ എന്നു )
പികാസോ പറഞ്ഞു “ നിങ്ങളാണൂ ഇതു ചെയ്തതു എന്നു “ .
അടുത്ത മുറിയിലെ അഞ്ചു മിനുറ്റു ദൈർഘ്യമുള്ള , ബോംബിങ്ങിനു ശേഷമുള്ള വീഡിയോ എന്നെ ആ ദിവസത്തിലേക്കു കൊണ്ടു പോയി , തീയും പുകയും തകർന്ന കെട്ടിടങ്ങളും അഭയാർഥികളൂം ..... ഒരു ചന്ത നടക്കുന്ന ദിവസമായിരുന്നു ഗെർണിക്ക ആക്രമിക്കപെട്ടത് .ഉച്ച തിരിഞ്ഞ് നാലു മണീയോടെ ആദ്യത്തെ വിമാനം ബോംബിങ്ങ് തുടങ്ങി പിന്നീടു പിന്നാലെ വന്ന മറ്റു വിമാനങ്ങൾ ത്രികോണാക്രിതിയിൽ പറന്നു ഗെർണിക്കയെ ആക്രമിച്ചു ഏകദേശം 4 മണീക്കൂർ നീണ്ടു നിന്ന ആക്രമണാത്തിനു ശേഷം ഗെർണീക്കയിൽ ഒരു കെട്ടിടം പോലും അവശേഷിക്കുന്നുണ്ടായിരുന്നില്ല .അന്നു 6000 ആളുകൾ മാത്രം ജനസംഖ്യയുണ്ടായിരുന്ന ഗെർണീക്ക ഗ്രാമത്തിലെ 1,600ആളുകൾ മരിച്ചു .ഹിറ്റ്ലർക്ക് തന്റെ പോർവിമനങ്ങളൂം ബോംബുകളും രണ്ടാം ലോക മഹായുദ്ധത്തിൽ അമേരിക്കക്കു എതിരെ ഉപയോഗിക്കുന്നതിനു മുന്നെ ഗെർണീക്കയിൽ പരീക്ഷിക്കുക എന്നതിൽ കൂടുതൽ രാഷ്ട്രീയ ലക്ഷ്യങ്ങൾ ഉണ്ടായിരുന്നില്ല .സ്പാനിഷ് ആഭ്യന്തര യുദ്ധത്തിൽ ഫാസിസ്റ്റ് ഏകാധിപതിയായ ഫ്രാങ്കൊയെ മറ്റു ഏകാധിപതികളായ ഹിറ്റ്ലറും മുസ്സോളിനിയും സഹായിക്കുകയായിരുന്നു .സ്പാനിഷ് റിപബ്ലിക്കുകളെ റഷ്യ സഹായിച്ചുവെങ്കിലും അന്തിമ വിജയം ഏകാധിപതിയായിരുന്ന ഫ്രാങ്കൊക്കു തന്നെയായിരുന്നു ,ഒടുവിൽ മരണ ദിവസം വരെ ഫ്രാങ്കൊ സ്പെയിനിൽ അധികാരിയായി തുടർന്നു .
ഞാൻ ഒരു ശ്വാസം മുട്ടലോടെ ആ മുറിയിൽ നിന്നും പുറത്തു കടന്നു .

ഇനി അടുത്ത ലക്ഷ്യം ,പികാസോ വരച്ച പെയിന്റിങ്ങ് ചുമരിൽ റ്റെയിത്സിൽ പതിച്ചു വെച്ചതു കണ്ടതിനു ശേഷം അവിടത്തെ പാർക്കിൽ അല്പ നേരം ചിലവഴിച്ചു പഴയ സഭ കൂടിയിരുന്ന ഓക്കു മരത്തിനടുത്തെത്തണം .

മ്യൂസിയത്തിൽ നിന്നിറങ്ങി നേരെ സാന്ത മരിയ പള്ളിയുടെ വഴിയിലൂടെ പികാസോയുടെ പെയിന്റിങ്ങ് കാണാൻ പോയി . അവിടെ ഒരു മതിലിൽ പിക്കാസോയുടെ പെയിന്റിങ്ങിന്റെ സെറാമിക്ക് പ്രതിരൂപമുണ്ട് .പോകുന്ന വഴിക്കു നല്ലൊരു പൂന്തോട്ടം കണ്ടു പൂക്കളുടെ ഭംഗിയേക്കാളൂം എന്നെ ആകർഷിച്ചത് ചെടികൾക്കിടയിലെ ക്ലോക്ക് ആയിരുന്നു . ആ ക്ലോക്കിൽ സമയം എന്റെ വാച്ചിലേക്കാൾ 5 മിനുറ്റ് അധികം ആണെന്നതൊഴികെ ആ ക്ലോക്ക് ക്യുത്യമായി പ്രവർത്തിക്കുന്നു .

അതിന്റെ ഒരു ഫോട്ടോ എടുത്തതിനു ശേഷം യൂറോപ്യൻ ജനതയുടെ പാർക്കിൽ പോയി അല്പനേരം വിശ്രമിച്ച ശേഷം , ഫോട്ടോയുമെടുത്തു കസ ഹുന്താസ് എന്നറിയ പെടുന്ന സഭ കൂടിയിരുന്ന സ്ഥലത്തേക്കു നടന്നു .

ബോംബിങ്ങിൽ കേടൂ കൂടാതെ രക്ഷ പെട്ട ആ ഓക്കു മരത്തിന്റെ തടി അവീടെ ഓർമക്കായി സംരക്ഷിച്ചു വെച്ചിരിക്കുന്നു .

സഭക്കകത്തു കടന്നു , വലതു വശത്തു പ്രധാന സഭയും ഇടതു വശത്തു ഓഫിസ്സും . ഇടത്തു വശത്തുള്ള ഓഫിസ്സിനു മുകളിൽ കണ്ണാടിയിൽ ഓക്കു മരത്തിനു ചുറ്റും അന്നു സഭ കൂടിയിരുന്നതിന്റെ ചിത്രം വരച്ചു വെച്ചിരിക്കുന്നു . ചരിത്രത്തിൽ സ്ഥാനം പിടിച്ച ഈ സ്ഥലത്തു എനിക്കു നിൽക്കാൻ സാധിച്ചതിന്റെ നന്ദിയോടെ അവിടെ 5 മിനുറ്റ് ചിലവഴിച്ച ശേഷം ബെർമെഒ എന്ന സ്ഥലത്തേക്കു യാത്രയായി .

കടൽ തീരത്തു ഹാർബറിനു തീരത്തു സ്ഥിതി ചെയ്യുന്ന മനോഹരമായ ചെറു പട്ടണമാണു ബെർമെഒ .നല്ല മത്സ്യസമ്പത്തും അതിനേക്കാൾ ഉപരി നല്ല മത്സ്യഭക്ഷണവും കിട്ടുന്ന സ്ഥലം .ട്രെയിനിൽ നിന്നും ഇറങ്ങി കാണുന്ന കാഴ്ച്ച ഹാർബർ ആണ് , കടലിൽ മാത്രം കണ്ടിട്ടുള്ള കപ്പലുകൾ കരക്കു കയറ്റി കേടു പാടുകൾ തീർക്കുന്നതു കണ്ടു . അല്പം ദൂരെയായി പണ്ടു കാലത്തു തിമീംഗലത്തെ വേട്ടയാടി പിടിച്ചിരുന്ന പായ്കപ്പൽ കാണാം .കടലിനോടു ചേർന്ന് മലകളൂം അവിടെ പല തട്ടുകളിലായി പച്ചപ്പുകൾക്കിടയിൽ കാണുന്ന വീടുകളൂം കണ്ടു കൊണ്ടു അല്പനേരം കടൽ തീരത്തിരുന്നു .

സമയം 4 മണീയായി ഇതു വരെ ഭക്ഷണം കഴിച്ചിട്ടില്ല ഇവിടെ ലഘുഭക്ഷണം കിട്ടുന്ന കടകൾ ബാറുകൾ മാത്രമാണ് . ശനിയാഴ്ച്ചത്തെ അവധി ദിവസം ആഘോഷിക്കുന്ന സ്പാനിഷുകാരെ കൊണ്ടു എല്ലാ ബാറുകളൂം നിറഞ്ഞിരിക്കുന്നു . പുരുഷന്മാർ വീര്യം കൂടിയതും സ്ത്രീകൾ വീര്യം കുറഞ്ഞതുമായ മദ്യം നുണഞ്ഞിറക്കി കൊണ്ടു വണ്ടിയിൽ കൂടെ കൊണ്ടു വന്ന കൊച്ചു കുട്ടികൾക്കു പാലു കൊടുക്കുന്നു . ചിലർ വാദ്യോപകരണങ്ങൾ വായിച്ചു കൊണ്ടു ആഴ്ച്ചാവസാനം ആഘോഷിക്കുന്നു .ഒരു ബീയറും പല തരം മത്സ്യഭക്ഷണവും കഴിച്ച് അലപനേരം അവിടെ ചിലവഴിച്ച ഞാൻ ഇരുട്ടുന്നതിനു മുന്നെ എല്ലോറിയിലേക്കുതിരിച്ചു .

അടിമകൾ

2009-11-19T13:42:00.001-08:00

കാലങ്ങൾ കണ്ട തോടും വീടും

2009-11-16T10:17:00.001-08:00

ഒലിച്ചു പോകുമോ

2009-11-15T12:36:00.000-08:00

എന്റെ ഒരു ചെറിയ സന്തോഷം

2009-11-14T12:43:00.001-08:00

അങ്ങിനെ ഞങ്ങൾ ഇന്ത്യാക്കാർ സ്പാനിഷ് മാഗസിനിൽ (ആ നടുക്കു നിക്കുന്നതു ഞാനാണേ..:‌-) )
ലിങ്ക് ഇവിടെ

ടിപ്പുവിന്റെ പൂന്തോട്ടം

2009-11-06T12:48:00.000-08:00

ഗുംബസ്

2009-11-06T12:46:00.001-08:00

durango

2009-11-06T12:44:00.000-08:00

elorrio

2009-11-03T14:23:00.001-08:00

ഇതാണു ഇപ്പൊ നമ്മുടെ ഗ്രാമം

പുതു നാമ്പ്

2009-11-01T08:40:00.000-08:00

ആരാണാവോ ആ വരുന്നതു

2009-10-31T18:46:00.000-07:00

ആമ്പൽ

2009-10-31T09:31:00.001-07:00

സിംഹം

2009-10-29T12:26:00.001-07:00

വാ തുറന്നിട്ട് കാര്യമില്ല മോനെ എന്നെ തിന്നാൻ കിട്ടൂലാ

2009-10-25T15:12:00.000-07:00

ഞങ്ങളും കലാകാരന്മാർ ആണേ

2009-10-25T05:03:00.001-07:00

CNC MACHINE TOOL MANUFACTURING COMPANY ആയ ഞങ്ങളുടെ കമ്പനിയിൽ നിന്നും കഴിഞ്ഞ വർഷം നടന്ന INTERNATIONAL MACHINE TOOL EXHIBITION കാണാൻ പോയപ്പോൾ .സി എൻ സി മില്ലിങ്ങ് മെഷിൻ ഉപയോഗിച്ചു ചെയ്ത ഒരു വർക്ക് .

കൊട്ടാരം

2009-10-23T17:05:00.001-07:00

തേക്കടി ദുരന്തം ആദരാഞ്ജലികൾ

2009-09-30T14:16:00.000-07:00

തേക്കടി

2009-09-26T15:23:00.000-07:00

ഒറ്റ

2009-09-25T13:17:00.000-07:00

ഒരു മീറ്റർ മദ്യം

2009-09-07T12:45:00.000-07:00

സീഡ്ര എന്ന ലഹരി കുറഞ്ഞ നാച്ചുറൽ മദ്യം .

മരിക്കുന്നില്ല നീ ............

2009-09-04T12:59:00.000-07:00

ജീവിക്കുന്നു ഞങ്ങളിലൂടെ .

17'' SAMSUNG MONITOR

2009-09-01T12:04:00.000-07:00

ഞാൻ തിരിച്ചു വന്നേ

2009-08-31T07:00:00.000-07:00

ജെർമനിയിലെ ഫ്രാങ്ക്ഫുർട്ടിൽ നിന്നും സ്പെയിനിലേക്കു കണക്റ്റിങ്ങ് വിമാനത്തിനു കാത്തു നിന്നപ്പോൾ കണ്ട കാഴ്ച . ഇതിലും നല്ല ട്ടേക് ഓഫ് ഫോട്ടോ നോക്കി നിന്നു ബോർഡിങ്ങ് ഗേറ്റ് മാറ്റിയതും സമയം വൈകിയതും അറിഞ്ഞില്ല .അവസാന മിനുറ്റിൽ പുതിയ ഗേറ്റിൽ ഓടിയെത്തി അവസാനക്കാരനായി അവസാന സീറ്റിൽ തന്നെ ഇരുന്നു പോന്നു .അല്ലേൽ ഇന്നു ഫ്രാങ്ക്ഫുർട്ടിൽ കിടന്നേനെ .

ഓണപ്പൂവ്

2009-08-26T23:48:00.000-07:00

തുമ്പപ്പൂ.............

മുക്കൂറ്റി പൂവ് (ഓണം വന്നേ)

2009-08-26T21:52:00.000-07:00

മൈസൂർ പൂവ്

2009-08-26T02:56:00.000-07:00

പൂവിന്റെ പേരറിയില്ല , മൈസൂരിലെ രങ്കൻതിട്ടയിലെ പൂന്തോട്ടത്തിൽ നിന്നും .

ഇപ്പൊ വീഴും

2009-08-20T10:08:00.000-07:00

കാട്ടരുവി

2009-08-08T08:20:00.000-07:00

ഞാൻ കണ്ട നാട്ടു കാഴ്ച്ചകൾ

അങ്ങിനെ ഞാനും നാട്ടിലേക്ക്

2009-07-30T13:35:00.001-07:00

അങ്ങിനെ ഞാനും നാട്ടിലേക്ക് മീറ്റും ഈറ്റും കഴിഞ്ഞെങ്കിലും ബ്ലോഗർമാരെ കാണാൻ സാധിക്കും എന്ന ആഗ്രഹത്തോടെ കാഴ്ചകൾക്ക് ഒരു മാസം അവധി .31/07/09 വെള്ളിയാഴ്ച ഇവിടെ നിന്നും തിരിക്കുന്നു .

സമയം അഞ്ചു മണി

2009-07-25T11:21:00.000-07:00

സൂര്യ ഘടികാരം ,എല്ലോരിയൊ മുനിസിപാലിറ്റി കെട്ടിടത്തിന്റെ ചുമരിൽ 1773 ൽ നിർമിച്ചതു .

സാൻ സെബാസ്റ്റ്യൻ ( ഡൊണോസ്റ്റ്യ) സ്പെയിൻ

2009-07-23T11:48:00.001-07:00

ജൂലൈ ആദ്യ വാരം , നാളെ വെള്ളിയാഴ്ച്ച മുതൽ തിങ്കൾ വരെ നാലു ദിവസം അവധിയാണു . ആഗസ്റ്റിലെ ഒരു മാസത്തെ അവധിക്കു മുന്നെയുള്ള അവസാനത്തെ അവധി ദിവസങ്ങൾ പക്ഷെ വെള്ളി ഒഴികെയുള്ള ദിവസങ്ങൾ കാലാവസ്ഥ പ്രവചന പ്രകാരം മഴ തന്നെ . ഏപ്രിലിൽ ഈസ്റ്റർ അവധി പത്തു ദിവസം കിട്ടിയിട്ടും സാൻസെബാസ്റ്റ്യൻ കാണാൻ കഴിഞ്ഞില്ല മഴ തന്നെ കാരണം . സാൻ സെബാസ്റ്റ്യൻ , സ്പെയിനിലെ എന്നല്ല യൂറോപ്പിലെ തന്നെ അറിയപെടുന്ന ടൂറിസ്റ്റ് സ്ഥലം . ബാസ്ക് കണ്ട്രിയിലെ ഗിപുസ്കുവ എന്ന പ്രൊവിസിന്റെ തലസ്ഥാനം
സ്പെയിനിന്റെയും ഫ്രാൻസിന്റെയും അതിർത്തി പങ്കിടുന്ന സ്ഥലം ,വെറും ഇരുപതു കിലൊമിറ്റർ മാത്രം ഇവിടെ നിന്നും ഫ്രാൻസിലെക്ക് .

View Larger Map

എട്ട് പത്തിന്റെ ബസിൽ ഞാനും ബെർണാഡും എല്ലൊരിയോയിൽ നിന്നും യാത്ര തിരിച്ചു ഡുറങ്കൊയിൽ ഇറങ്ങി , അവിടെ നിന്നും സാൻ സെബാസ്റ്റ്യൻ വരെ പോകുന്ന ട്രെയിനിൽ കയറി . ഇതു മൂന്നാമത്തെ തവണയാണു ഈ ട്രെയിനിൽ യാത്ര , ആദ്യം കാള പോരു കാണാനും പിന്നെ സാരവുസ് ബീച്ച് കാണാനും ഇപ്പോൾ സാൻ സെബാസ്റ്റ്യനിലെക്കും . സാമാന്യം നല്ല തിരക്കുണ്ടു , മൂന്നു മണീക്കൂർ തീവണ്ടി യാത്ര കഴിഞ്ഞു സ്റ്റെഷനിൽ ഇറങ്ങി , മാനം മഴമേഘത്താൽ പെയ്യാനായി വിതുമ്പി നിൽക്കുന്നു അതു കണ്ട എന്റെ ഉത്സാഹം അല്പം കുറഞ്ഞെങ്കിലും ഉച്ച കഴിഞ്ഞു മാനം തെളിയുമെന്നുള്ള കാലാവസ്ഥ പ്രവചനം ഇനി കാണാൻ പോകുന്ന കാഴ്ചകളും എന്നെ വീണ്ടും ഉന്മെഷവാനാക്കി . ടിക്കെറ്റ് ചെക്ക് ചെയ്യുന്ന മെഷിനു മുന്നിൽ വലിയ നിര തന്നെ , ഇതു വരെയുള്ള യാത്രയിൽ ടിക്കറ്റ് പരിശോധകരെ ഇവിടെ കണ്ടിട്ടില്ല . ടിക്കറ്റ് തരുന്നതും മെഷിൻ തന്നെ , യാത്ര കഴിഞ്ഞു ഇറങ്ങുന്ന സ്റ്റേഷനിൽ പുറത്തേക്കുള്ള വഴിയിൽ തന്നെയാണു ഇതു . നമ്മുടെ ടിക്കറ്റ് ആ മെഷിനിൽ എ റ്റി എം കാർഡ് ഇടുന്നതു പോലെ ഇട്ടാൽ അതു വെരിഫൈ ചെയ്തു മുന്നിലുള്ള വാതിൽ സ്വയം തുറക്കും . വാലിഡ് അല്ല്ലാത്ത ടിക്കറ്റൊ , ടിക്കറ്റ് സമയം കഴിഞ്ഞു പോയതൊ സ്റ്റേഷൻ മാറിയോ ആണെങ്കിൽ അപ്പൊൾ തന്നെ മഷിൻ അലാറം അടിക്കും .

View Larger Map

സാൻ സെബാസ്റ്റ്യൻ കാഴ്ചകൾക്കു പേരു കേട്ട പോലെ തന്നെ ഇവിടെ നിന്നും കിട്ടുന്ന പിഞ്ചോസ് എന്ന ഭക്ഷണത്തിനും പേർ കേട്ടതാണു , ചെറിയ ബൺ രണ്ടായി നടു മുറിച്ചു അതിനു നടുവിൽ പല തരത്തിലുള്ള ഇറച്ചി നിറച്ചിട്ടാണ് ഉണ്ടാക്കുന്നതു . സ്റ്റേഷനിൽ തന്നെയുള്ള ഒരു കഫെ ഷോപ്പിൽ നിന്നും ഞാനും ബെർണാഡും ലഘുഭക്ഷണം കഴിച്ചു (കൊലാകാവും തൊർത്തിയ്യ പൊട്ടാറ്റയും) ഞങ്ങൾ കാഴ്ചകൾ കാണാനിറങ്ങി . ഒരു ദിവസം കൊണ്ടു കണ്ടു തീർക്കാൻ പറ്റാത്ത അത്രയും കാഴ്ചകൾ . അർദ്ധവ്യുത്താക്രിതിയിൽ കിടക്കുന്ന സമുദ്ര തീരത്തു മൂന്നു ബീച്ചുകൾ , അതിനു രണ്ടു വശങ്ങളീലുമായി രണ്ടു മലകൾ വലതു വശത്തു കാണുന്ന മലയിൽ വലിയ ക്രിസ്തു പ്രതിമ , ആ മലക്കു താഴെ റ്റൌൺ ഹാൾ അതിനു അടുത്തു തന്നെ അക്ക്വേറിയം , സമുദ്രത്തിനു നടുവിലായി ഒരു ചെറിയ ദ്വീപ് അങ്ങിനെ നിരവധി കാഴ്ചകൾ . പത്തു മിനുറ്റു നേരെ നടന്നാൽ മൂന്നു ബീചുകളിലെ വലുതും ഭംഗിയുള്ളതുമായ ലാ കൊഞ്ച എന്ന ബീച്ചിൽ എത്താം , ഞങ്ങൾ ബീച്ചിലേക്കു നടന്നു ആഴ്ചാവസാനമായതു കൊണ്ടു റോഡിൽ നല്ല തിരക്ക് . അകലെ നിന്നും ഒരു സിറ്റി ടൂർ ബസ് വരുന്നു , രണ്ടു നിലയുള്ള മുകൾ ഭാഗം തുറന്ന ഈ ബസിൽ ഒരു ദിവസത്തെ പാസ് എടുത്തു യാത്ര ചെയ്താൽ എല്ലായിടവും കാണാം സ്പാനിഷിലും ഇംഗ്ലിഷിലും വിവരിച്ചു തരികയും ചെയ്യും .

ലാ കൊഞ്ച ബീച്ചിനോടു ചേർന്നു തന്നെ റ്റൌൺ ഹാൾ കെട്ടിടം കാണാം , നല്ല പൂന്തോട്ടത്തോടു കൂടിയ ഈ കെട്ടിടത്തിനു മുന്നിൽ തന്നെയാണു ഇൻഫോർമെഷൻ സെന്റെർ . ഇതു വരെ മുഖം വീർപ്പിച്ചു നിന്ന മഴ മേഘങ്ങൾ പെയ്യാൻ തുടങ്ങി നല്ല വെയിലുള്ള ദിവസങ്ങളിൽ നല്ല തിരക്കുള്ള ഈ ബീച്ചിൽ ഇന്നു വെയിൽ കാഞ്ഞു കിടക്കാനുള്ള കസേരകൾ മാത്രം .

ഇത്രയും ദൂരം വന്നു മഴ കാരണം കാഴ്ചകൾ ഒന്നും കാണാതെ തിരിച്ചു പോകേണ്ടി വരുമൊ ? നിരാശയോടെ ബീച്ചിൽ നിന്നും തിരിച്ചു നടന്നു ഞങ്ങൾ ഇൻഫോർമെഷൻ സെന്ററിൽ എത്തി , അവർ നല്ല ഒഴുക്കോടെ ഇംഗ്ലിഷിൽ കാണാനുള്ള സ്ഥലങ്ങളൂം അവിടെക്കുള്ള വഴിയും ദൂരവും എല്ലാം മാപിൽ നോക്കി പറഞ്ഞു തന്നു . ഒരു മണിക്കൂർ ഇട വിട്ട് സിറ്റി ടൂർ ബസ് ഉണ്ട് പതിമൂന്നു സ്ഥലത്തു നിറുത്തുകയും ചെയ്യും ഒരു തവണ ടിക്കെറ്റ് എടുത്താൽ ഇരുപത്തി നാലു മണിക്കൂർ നമുക്കു ആ ടിക്കറ്റ് ഉപയോഗിച്ചു അതിൽ യാത്ര ചെയ്യാം . ഇൻഫോർമെഷൻ സെന്റരിൽ നിന്നു തന്നെ ടിക്കറ്റ് കിട്ടും , പന്ത്രണ്ടു യൂരൊക്കു ടിക്കറ്റ് എടുത്തു ഞങ്ങൾ ബസിൽ യാത്രയായി .
ബസിൽ യാത്ര ചെയ്തു കാഴ്ചകൾ കാണാൻ ഞങ്ങളെ കൂടാതെ രണ്ടു വയസ്സായവർ മാത്രം , ഞാൻ മുകളിലെ നിലയിൽ കയറി മുന്നിലെ സീറ്റിൽ തന്നെ ഇരുന്നു . ബസിലെ സ്പീക്കറിൽ കൂടി ഓരോ സ്ഥലത്തെ പറ്റിയും കാണാനുള്ള കാഴ്ചകളെ പറ്റിയും ആദ്യം സ്പാനിഷിലും പിന്നെ ഇംഗ്ലിഷിലും പറയുന്നുണ്ടു . ബസ് ലാ കൊഞ്ച ബീച്ചും മിരാമർ കൊട്ടാരവും ഒന്താരെറ്റ ബീച്ചും കഴിഞ്ഞു ഫുണികുലാർ പ്ലാസയും കടന്നു ഇഗുഎൽഗൊ മല കയറാൻ തുടങ്ങി

മൂന്ന് ബീച്ചുകളുടെയും ഇടതുവശത്തുള്ള മലയാണ് ഇഗുഎൽഗൊ . അതിനു മുകളിൽ നാലു നക്ഷത്ര ഹോട്ടൽ അതിനു ചുറ്റും ചെറിയ പാർക്ക് . അതിനുള്ളിലൂടെ ബസ് ഒന്നു കറങ്ങി വീണ്ടും താഴെ ഇറങ്ങും അവിടെ ഇറങ്ങി കാഴ്ച്ചകൾ കാണണമെങ്കിൽ പൈസ കൊടുക്കണം .ഞങ്ങൾ അവിടെ ഇറങ്ങി ഒരു യൂറൊ എഴുപതു സെന്റ് പ്രവേശന ഫീസ് കൊടുത്തു കാഴ്ചകൾ കാണാൻ നടന്നു . വളരെ നിശബ്ദമായ സ്ഥലം ചെറിയ ഒരു തലോടലോടു കൂടിയ തണുത്ത കാറ്റ് , അടുത്ത ബസ് ഒരു മണിക്കൂർ കഴിഞ്ഞാൽ ഇവിടെ വരും അതിൽ കയറി പോകുന്നതു വരെ ഇവിടെ നിന്നും താഴെ സാൻ സെബാസ്റ്റ്യൻ മുഴുവൻ കാണാം എന്നാണു കരുതിയതു , പക്ഷെ അവിടെ നിന്നും കണ്ട കാഴ്ച്ചകൾ നമ്മളെ മണീക്കൂറുകളോളം അവിടെ പിടിച്ചു നിറുത്തും . ആ മലമുകളിൽ നിന്നും 360 ഡിഗ്രീയിൽ നമുക്കു സാൻസെബാസ്റ്റ്യൻ കാഴ്ച്ചകൾ കാണാം . ഇടതു വശത്തു സമുദ്രത്തിനോടു ചേർന്നുള്ള മലനിരകളിലെ റോഡുകൾ ഒരു വരകൾ പോലെ കാണാം നീല സമുദ്രത്തോടു ചേർന്നു പച്ച പുതച്ച മല നിരകൾ അതിനു മുകളിലൂടെ വളഞ്ഞും പുളഞ്ഞും കറുത്ത നിറത്തിൽ മലമ്പാതകൾ അതിന്റെ അവസാനം അങ്ങെ അറ്റം സാരാവുസ് ബീച്ച് വരെ കാണാം . വലിയ ലൈറ്റ് ഹൌസും അതിനോടു ചേർന്നു നൂറു കണക്കിനു വെളുത്ത പക്ഷികളും പറന്നു നടക്കുന്നു ആ സമയത്തു തന്നെ ജല രേഖകൾ വരച്ചു കൊണ്ടു അതിലൂടെ കടന്നു പോകുന്ന സ്പീഡ് ബോട്ടുകൾ , കാണേണ്ട കാഴ്ച്ച തന്നെ . അലപം കൂടി മുന്നൊട്ടു നടന്നപ്പോൾ വലിയ ഒരു ജലചക്രത്തിലെ ശക്തി കൊണ്ടു ഒഴുകുന്ന വെള്ളത്തിലൂടെ കൊച്ചു കുട്ടികൾക്കു വേണ്ടി നടത്തുന്ന ബോട്ട് സവാരി , കുട്ടികൾക്കു മാത്രമുള്ള കുതിര സവാരി , തീവണ്ടി യാത്ര എന്നു വേണ്ട ഒരു കൊച്ചു മലയിൽ ഒരു കൊച്ചു വീഗാലാന്റ് തന്നെയുണ്ട് . ആ മലയുടെ മധ്യത്തിലായി ഹോട്ടെലിനോടു ചേർന്നു ഒരു ടവർ ഉണ്ട് അതിൽ കയറിയാൽ കുതിര ലാടത്തിന്റെ രൂപത്തിൽ നമുക്കു മൂന്നു ബീച്ചുകളും കാണാം , കൂടാതെ ആ ചെറു ദ്വീപിലേക്കു പോകുന്ന ബോട്ടുകളെ ഉറുമ്പ് വലിപ്പത്തിൽ കാണാം .മൂന്നു നിലയുള്ള ആ ടവറിലും കയറണമെങ്കിൽ പ്രവേശന ഫീസ് കൊടുക്കണം . രണ്ടു യൂറൊ പ്രവേശന ഫീസ് കൊടുത്തു ഞങ്ങൾ ടവറിൽ കയറി , അവിടെ സാൻ സെബാസ്റ്റ്യൻ ജീവിത രീതികളൂം ചരിത്ര സംഭവ ഫോട്ടൊ പ്രദർശനവും കണ്ടു കൊണ്ടു ഞങ്ങൾ മുകളിൽ എത്തി .

ഒരു മണീക്കൂറല്ല ഒരു ദിവസം തന്നെ അവിടെ നിന്നു പോകും , ഇതിനു മുകളിൽ നിന്നു കാണുന്ന കാഴ്ച മാത്രം മതി മനസ്സു നിറയാൻ . സമുദ്രത്തിനും മല നിരകൾക്കിടയിലും ചുറ്റപെട്ടു കിടക്കുന്ന നഗരം കിതിര ലാടത്തിന്റെ രൂപത്തിൽ കാണാവുന്ന ബീച്ചുകളും അതിനോടു ചേർന്നു തന്നെ കറുത്ത വര പോലെ കാണാവുന്ന റോഡും പൂന്തോട്ടവും ഉറുമ്പു വലുപ്പത്തിൽ കാണുന്ന ബോട്ടുകളും രണ്ടു മലകൾക്കിടയിൽ കാണുന്ന ചെറിയ ദ്വീപും , അവിടെ തന്നെ കുറെ സമയം ചിവഴിക്കണമെന്നു മനസ്സു കൊതിച്ചെങ്കിലും അടുത്ത ബസ് വരുന്ന സമയമായി . ഇനി പത്തു മിനിറ്റു കൂടെ മാത്രമെ ബസ് വരാൻ ഉള്ളൂ .
താഴെ ഇറങ്ങി വന്നപ്പോഴെക്കും ബസ് വന്ന് തിരിച്ചു പൊകുന്നു ഞങ്ങളെ കണ്ടു മനസ്സിലായ ഡ്രൈവർ വണ്ടി നിറുത്തി കയറ്റി , അദ്ദെഹത്തിനു ഒരു നന്ദിയും പറഞ്ഞു ഞങ്ങൾ അതിനു അടുത്ത സ്റ്റോപിൽ ഇറങ്ങി . മലയുടെ നേരെ താഴെ ഫുണികുലാർ , പീനെ ദെൽ വീന്റൊ എന്ന സ്റ്റോപിൽ .

അല്പ നേരം അവിടെ ചുറ്റി നടന്നു അവിടെ കണ്ട ഒരു ചെറിയ പാർക്കിൽ വിശ്രമിച്ചു കയ്യിൽ കരുതിരുന്ന ലഘുഭക്ഷണം കഴിച്ചു വീണ്ടും യാത്ര തുടർന്നു . ഒന്തരെറ്റ ബീച്ചിൽ എത്തിയ ഞങ്ങൾ അവിടെ അലപ നേരം ഇരുന്നു , നല്ല കാലാവസ്ഥ മഴമേഘങ്ങൾ മാറി നല്ല വെയിൽ കൊച്ചു കുട്ടികൾ കളിച്ചു നടക്കുന്നു വലിയവർ വെയിൽ കാഞ്ഞു കിടക്കുന്നു ചെറുപ്പക്കാർ അവിടെ നിന്നും വാടക്കു കിട്ടുന്ന ചെറു ബോട്ടുകളുമായി തുഴഞ്ഞു നടക്കുന്നു . ഒന്താരെറ്റ ബീച്ചിനു അഭിമുഖമായി മിരാമർ കൊട്ടാരം . സ്പാനിഷ് റാണിയുടെ വേനൽ കാല വസതി . ഇടതു വശത്തു സമുദ്രത്തിനോടു ചേർന്നുള്ള നടപ്പാതയിലൂടെ പത്തു നിമിഷം നടന്നാൽ പീനെ ദെൽ വിയെന്തൊ യിൽ എത്താം , ഒന്താരെറ്റ ബീച്ചിന്റെ ഇടതു വശത്തു പുറകിലാണു ഫുണികുലാർ . ഞങ്ങൾ പീനെ ദെൽ വിയെന്തിയിലെക്കു നടന്നു , വിയെന്തൊ എന്നു പറഞ്ഞാൽ കാറ്റ് എന്നർത്ഥം . ആ കടൽ തീരത്തു സാധാരണയിൽ കൂടുതൽ കാറ്റുണ്ടു , ഇന്നു ഇരുപതു ഡിഗ്രീ ആണ് അന്തരീക്ഷ ഊഷ്മാവ് ആ കാറ്റിനും അതു കൊണ്ടു തന്നെ ഒരു സുഖം . ഇവരുടെ സംസ്കാരവുമായി ബന്ധപെട്ട് അവിടെ കടലിൽ അവർ ഒരു രൂപം സ്ഥാപിച്ചിട്ടുണ്ട് , കാണാൻ ആകർഷകമല്ലെങ്കിലും അതു തീർച്ചയായും കാണണം എന്നു മൂന്നു തവണ ബസിൽ വിവരണത്തിലൂടെ പറയുന്നുണ്ട് . അവിടെ എന്നെ ആകർഷിച്ച ഒരു കാര്യം കടലിലേക്കു തള്ളി പണിതിരിക്കുന്ന കോൺക്രീറ്റ് തീരത്തിൽ മധ്യത്തിലായി ആറു ചെറിയ ദ്വാരങ്ങൾ ഉണ്ടു ശക്തിയായ തിര വരുമ്പോൾ ഇതിനടിയിലുള്ള വായു വളരെ മർദ്ദത്തോടെ ഈ ചെറിയ ദ്വാരത്തിലൂടെ തള്ളി മുകളിലേക്കു വരും , ഒരു ക്രിക്കറ്റ് പന്തിന്റെ വലിപ്പത്തിലുള്ള ഈ ദ്വാരത്തിനു ഇരു വശത്തായി നമ്മൾ നിന്നാൽ ആ വായു നമ്മുടെ കോട്ട് പാരചൂട്ട് വീർക്കുന്നതു പോലെ വീർപ്പിക്കും . ഒരു ചെറിയ പന്തു ആ ദ്വാരത്തിൽ വെച്ചാൽ തിര വരുമ്പോൾ വായു മർദ്ദം കൊണ്ട് പന്തു വായുവിൽ പറക്കും . അല്പ നേരം അവിടെ ചിലവഴിച്ചു ഇനിയും കാണാനുള്ള കാഴ്ച്ചകളെ കുറിച്ചു ഓർത്തപ്പോൾ ഞങ്ങൾ അവിടെ നിന്നും ഫുണീകുലാറിലേക്കു നടന്നു .
ഫുണികുലാർ , ഇഗുഎൽഗൊ മലയുടെ താഴെ നിന്നും മലമുകളിലേക്കു നടത്തുന്ന ട്രെയിൻ സെർവിസ് കൊക്കകോളയുടെ പരസ്യം പതിച്ച ആ ടെയിനിൽ കയറി മുകളിൽ പോകണമെങ്കിൽ രണ്ടര യൂറൊയുടെ ടിക്കറ്റ് എടുക്കണം .നമ്മൾ മല മുകളിലേക്കു പുറപ്പെടുന്ന സമയത്തു തന്നെ മല മുകളിലുള്ള ട്രെയിൻ താഴെക്കു വരും ഏകദെശം 45 ഡിഗ്രീ ചരിവുള്ള ആ പാതയിലൂടെ ട്രെയിനിനെ വലിച്ചു കൊണ്ട് പോകുന്നതു ഇരുമ്പു കയറ് വഴി മല മുകളീലുള്ള ഒരു എഞ്ചിൻ റൂം ആണു . താഴെക്കു വരുന്ന ട്രെയിനും മുകളിലേക്കു പോകുന്ന ഞങ്ങളുടെ ട്രെയിനും ഒറ്റ വരി പാതയിൽ നിന്നും വഴി മാറി കൊടുക്കുന്ന സമയം ഞങ്ങളുടെ ട്രെയിനിൽ മുന്നിലെ സീറ്റിൽ തന്നെയിരുന്ന ഞാൻ ഒരു ഫോട്ടോ എടുത്തു . ഈ ട്രെയിനിന്റെ ടിക്കറ്റിന്റെ കൂടെ മുകളിലെ പാർക്കിൽ ഇറങ്ങാനുള്ള പ്രവേശന ഫീസും ചേർത്താണു വാങ്ങിക്കുന്നതു . പതിനഞ്ചു മിനുറ്റു അവിടെ ചിലവഴിച്ച ശേഷം അടുത്ത ട്രെയിനിൽ താഴെക്കു വന്നു അവിടെ കണ്ട ഒരു ഹോട്ടലിൽ ഒരു ദിവസത്തെ വാടക ചോദിച്ചു , നൂറ്റി മുപ്പതു യൂറൊ . ഒരു രാത്രി ഇവിടെ തങ്ങണമെന്നുണ്ടെങ്കിലും നൂറ്റിമുപ്പതു യൂറൊ കൊടുത്തു ആ ഹോട്ടലിൽ തങ്ങുന്നതിനേക്കാൾ നല്ലതു കാസ്കൊ വീഹോയിൽ തെരുവിലിറങ്ങി ഇവരുടെ രാത്രി ജീവിതം കാണുകയാണു .

നേരെ ഞങ്ങൾ മിരാമർ പാലസ്സിലേക്കു നടന്നു , മുൻ വശം നല്ല പൂന്തോട്ടവും പുറകിൽ നല്ല പാർക്കും ചുവന്ന ചുവരുകളോടു കൂടിയ ആ കൊട്ടാരത്തിനകത്തു പക്ഷെ പ്രവേശനമില്ല . കൊട്ടാരത്തിനു ചുറ്റും ഒന്നു ചുറ്റി നടന്നു തിരിച്ചു വന്നു ആ പൂന്തോട്ടത്തിലെ പുൽ തകിടിയിൽ അല്പനേരം കടൽ കാറ്റു കൊണ്ടിരുന്നു .
വീണ്ടും സിറ്റി ടൂർ ബസ് വരുന്ന സമയമായി , ഇടതു വശത്തുള്ള കാഴ്ചകൾ എല്ലം തന്നെ കണ്ടു കഴിഞ്ഞു മധ്യഭാഗത്തുള്ള ലാ കൊഞ്ച ബീച്ചും റ്റൌൺ ഹാളൂം കണ്ടതു തന്നെ . ഇനി വലതു വശത്തുള്ള കാഴ്ചകളാണു കാണാനുള്ളതു

പത്തു മിനുറ്റ് ബസിൽ ഇരുന്നു കൊണ്ടു തന്നെ കോടതിയും , പള്ളിയും കുർസാലും കണ്ടു . അവസാന സ്റ്റോപിൽ ഇറങ്ങി പാസിയൊ ന്വെവൊ എന്ന കടൽതീര പാതയിലൂടെ നടന്നു കുർസാൽ എന്ന ചില്ലു ആഡിറ്റോറിയം കണ്ടു . കുർസാലിലെക്കു പോകും വഴി വലിയ വിളക്കുകളുമായി കണ്ട പാലം എന്നെ വല്ലാതെ ആകർഷിച്ചു . മൂന്നാമത്തെ ബീച്ച് ആയ സുരിയോള എന്ന ബീച്ചിനു അഭിമുഖമായാണു ഈ ആഡിറ്റോറിയം , സുരിയോള ബീച്ചിലാണ് സർഫിങ്ങ് നടക്കുന്നതു . വലിയ മണൽ തിട്ടയോടു കൂടിയ ഈ തീരത്തിരുന്നു രാത്രിയിൽ വൈദ്യുതി വെളിച്ചത്തിൽ കുർസാൽ കാണാൻ ആകർഷകമാണു . (രാത്രി ഞാൻ ഇതു കാണാൻ മാത്രമായി ഇവിടെ വീണ്ടും നടന്നു വന്നു . സാധാരണ പരിപാടികൾ ഒന്നും ഇല്ലാത്ത ദിവസങ്ങളിൽ പച്ച നിറത്തിൽ കാണുന്ന കുർസാൽ സ്വ വർഗ്ഗ രതിക്കാരുടെ വാർഷിക സമ്മേളന ദിവസം അവരുടെ പതാകയുടെ നിറമായ മഴവില്ലിന്റെ നിറത്തിലായിരിക്കും ).

ഇനി കാണാൻ അക്വേറിയം , മലമുകളിലുള്ള ക്രിസ്തു പ്രതിമ , കാസ്കൊ വീഹൊ എന്ന പഴയ പട്ടണം പിന്നെ ദ്വീപിലേക്കു ഒരു ബോട്ട് സവാരി .

അല്പം ക്ഷീണം തോന്നിയതിനാൽ മലമുകളിലേക്കുള്ള യാത്ര വേണ്ടെന്നു വെച്ചു . ബോട്ടു സവാരിയുടെ സമയം കഴിഞ്ഞു ബോട്ടുകൾ എല്ലാം വരി വരിയായി ഭംഗിയായി പാർക്ക് ചെയ്തിരിക്കുന്നു . വൈകുന്നെരമാകുന്നു അക്വേറിയം അടക്കുന്നതിനു മുന്നെ അകത്തു കയറണം , പന്ത്രണ്ടു യൂറോക്കു ടിക്കറ്റ് എടുത്തു അക്വേറിയത്തിനകത്തു കടന്നു , അവിടെ പ്രദർശിപ്പിച്ചിരുന്ന മീൻ പിടുത്ത ബോട്ടുകളുടെ ചെറു രൂപങ്ങളും കടന്നു രണ്ടു നിലയുടെ വലിപ്പത്തിൽ പ്രദർശിപ്പിച്ചിരിക്കുന്ന നീലതിമിംഗലത്തിന്റെ അസ്ഥിയും കണ്ടു കൊണ്ടു നടന്നു നീങ്ങി . ഫോസിലുകൾ ഞാൻ പഠിക്കുന്ന പുസ്തകങ്ങളിൽ വായിച്ചിട്ടുണ്ടെങ്കിലും ആദ്യമായാണു നേരിൽ കാണുന്നതു . പല ജീവികളുടെ പല കാലഘട്ടത്തിലെ ഫോസിലുകൾ അവിടെ കണ്ടു .
പല തരത്തിലുള്ള മത്സ്യങ്ങളുടെ കാഴ്ചകളാണ് ഇനി . ഡിസ്കവറിയിലും നാഷണൽ ജോഗ്രഫിയിലും ജെല്ലി ഫിഷിനെയും കടൽ കുതിരയെയും കണ്ടിട്ടുണ്ടെങ്കിലും നേരിൽ ആദ്യമായി കാണാൻ ഇവിടെ അവസരം കിട്ടി . ടിക്കറ്റ് തരുമ്പോൾ തന്നെ ഫോട്ടൊ എടുക്കുമ്പോൾ ഫ്ലാഷ് ഉപയോഗിക്കരുതു എന്നു പറയുന്നുണ്ടെങ്കിലും എല്ലാ മിടുക്കന്മാരും മിടുക്കത്തികളും ഫ്ലാഷ് ഉപയോഗിച്ചു തന്നെയാണ് ഫോട്ടൊ എടുക്കുന്നതു .

പാവത്താനായ ആ കടൽ കുതിരയുടെ മുന്നിൽ ഞാൻ അല്പ നേരം നിന്നു ഉടൽ ഭാഗം കുതിരയുമായി സാമ്യമില്ലെങ്കിലും തലഭാഗം നമ്മുടെ കുതിരയെ പോലെ തന്നെ അവനു ചേരുന്ന പേർ കടൽ കുതിര എന്നു തന്നെ . കുടത്തിനുള്ളിൽ വിശ്രമിക്കുന്ന മത്സ്യത്തെയും ഡോൾഫിനെയും കണ്ടു കൊണ്ടു ഞങ്ങൾ ടണലിനുള്ളിലേക്കു കടന്നു . 5000 യിരത്തിലധികം തരം ജീവികൾ അതിനകത്തുണ്ടെന്നാണു അവിടെ എഴുതി വെച്ചിരിക്കുന്നതു ആറടി വലിപ്പമുള്ള സ്രാവും തിരണ്ടി മത്സ്യവും ആമയും അങ്ങിനെ നിരവധി . കാണാൻ വന്നിരിക്കുന്നവരിൽ എല്ലവരും തന്നെ കുടുംബസമേതമാണു വന്നിരിക്കുന്നതു . കൊച്ചു കുട്ടികളുടെയും അമ്മമാരുടെയും മിറാ മിറാ എന്ന ശബ്ദം മാത്രം എവിടെയും . മിറാ എന്നാൽ നോക്കൂ എന്നർഥം . ഇതിനകത്തു ഫോട്ടോ എടുക്കൽ നടക്കുന്ന കാര്യമല്ല എന്നു മനസ്സിലായപ്പോൾ ഞാൻ വീഡിയോ എടുത്തു .

മണീക്കൂറുകളോളം അതിനകത്തു ചിലവഴിച്ചിട്ടും സത്യം പറഞ്ഞാൽ അതിനകത്തു നിന്നും ഇറങ്ങാൻ തൊന്നുന്നില്ല . അക്വേറിയം അടക്കുന്ന സമയമായി ടിക്കറ്റ് കൊടുക്കൽ അവസാനിച്ചു ഇനിയും ഇവിടെ നിന്നാൽ അവസാനക്കാരനായി ഇറങ്ങേണ്ടി വരും .

സമയം ഒരു പാടു വൈകി തിരിച്ചു പോകാനുള്ള അവസാന ട്രെയിനും പോയി കഴിഞ്ഞൂ . ഇനി രാത്രി ഇവിടെ ചിലവഴിക്കാതെ പറ്റില്ല . ഇൻഫോർമെഷൻ സെന്റർ അടക്കുന്നതിനു മുന്നെ പൈസ കുറവുള്ള ഹോട്ടൽ റൂം എവിടെയെന്നു തിരക്കണം അൻപതു യൂറൊ മുതൽ നൂറു യൂറൊ വരെയുള്ള ഹോട്ടൽ റൂമുകൾ അവർ അവിടെ നിന്നും ബുക്ക് ചെയ്തു തരും . ഈ വൈകിയ നേരത്തു എല്ലാ റൂമുകളും തന്നെ ബുക്ക് ചെയ്തു പോയിരുന്നു . ഇനി സന്തോഷത്തോടെ കാണാൻ ബാക്കിയുള്ള കാസ്ക്കൊ വീഹൊയിൽ പോയി രാത്രി കാഴ്ചകൾ കാണാം .

ഈ ലോകത്തു ജീവിതം ഏറ്റവും ആസ്വദിച്ചു ജീവിക്കുന്നതു സ്പാനിഷുകാർ ആണെന്നു എനിക്കു പലപ്പോഴും തോന്നിയിട്ടുണ്ടു . ആഴ്ചയിൽ അഞ്ചു ദിവസം ജോലി എട്ട് മണീക്കൂർ വീതം ഉച്ചയൂണു കഴിഞ്ഞു വിശ്രമിക്കാൻ ഒന്നര മണിക്കൂർ സമയം , വെള്ളി ശനി രാത്രികൾ ഫീസ്റ്റാ എന്നറിയപ്പെടുന്ന വീകെന്റ് ആഘൊഷങ്ങൾ , ആഗസ്റ്റിൽ ഒരു മാസം വേനൽ അവധി . ഇന്നു വെള്ളിയാഴ്ച്ച രാത്രി , സാൻ സെബാസ്റ്റ്യൻ കാണാൻ ലോകത്തിന്റെ പല ഭാഗത്തുള്ള ആളുകളെത്തിയിട്ടുണ്ടു , കൂടുതലും പതിനാറിനും മുപ്പതിനും ഇടയിലുള്ള ചെറുപ്പക്കാരായ ജോടികൾ തന്നെ . കാസ്കൊ വീഹൊയിൽ വീടുകളെക്കാൾ കൂടുതൽ ബാറുകൾ തന്നെ നൂറൂ കണക്കിനു ബാറുകൾ . ആൺ പെൺ വിത്യാസമില്ലാതെ അവരുടെ രാത്രികൾ അവിടെ ആഘോഷിച്ചു തീർക്കുന്നു . പെൺകുട്ടികൾ തന്നെയാണ് ആൺ കുട്ടികളെക്കാൾ ഒരു പടി കൂടുതൽ വിസിൽ അടിച്ചും വഴിയിൽ ഉച്ചത്തിൽ പാട്ടുകൾ പാടിയും ആടിയും ആഘോഷിക്കുന്നതു .
രാത്രി രണ്ടു മണീ നല്ല ക്ഷീണം കൊണ്ടു വഴിയരികിൽ കണ്ട ബെഞ്ചിൽ ഇരുന്നു . രാത്രി ആഘോഷിച്ചു മതിയായവർ ടാക്സി വിളിച്ചു അവരവരുടെ വീടുകളിലേക്കു പോകുന്നു .

ദോൻഡെ എരെസ് പാകിസ്താൻ ?

ആ ഇരുന്ന ഇരുപ്പിൽ മയങ്ങിയ ഞാൻ ആ ചോദ്യം കേട്ടാണു ഉണർന്നതു , നോക്കുമ്പോൾ ഒരു സ്പാനിഷുകാരൻ . നീ പാകിസ്താനിയാണൊ എന്നാണു ചോദ്യം .

നോ , സോയ് ദെ ഇന്ത്യ

ഇനി ഇവിടെ ഇരുന്നാൽ ശരിയാകില്ല , എത്ര മണീക്കാണു ആദ്യത്തെ ട്രെയിൻ എന്നറിയില്ല ഇപ്പോൾ സമയം മൂന്നര . ഇതിലും സുരക്ഷയോടെ റെയിവെ സ്റ്റേഷനിൽ ഇരിക്കാം . അഞ്ചു മണീക്കെങ്കിലും ആദ്യ ട്രെയിൻ കാണും എന്ന പ്രതീക്ഷയിൽ ഞങ്ങൾ സ്റ്റേഷനിലേക്കു നടന്നു . റെയിൽവെ സ്റ്റേഷനിൽ എത്തിയപ്പോൾ നാലു മണീ , മുനിസിപ്പാലിറ്റികാർ വന്നു ഗാർബെജ് കൊണ്ടു പോയി , ഒറ്റ രാത്രി കൊണ്ടു മലിനമാക്കിയ നഗരം വീണ്ടും ശുചീകരിക്കുന്നു . രാത്രി മുഴുവൻ പോലീസുകാർ ഉണ്ടെങ്കിലും മദ്യപിക്കുന്നതിന്റെ പേരിലോ ആഘോഷിക്കുന്നതിന്റെ പേരിലോ അവർ ആരെയും ഉപദ്രവിക്കുന്നില്ല എന്നു മാത്രമല്ല മദ്യപിച്ചു ലക്കു കെട്ടു വഴിയിൽ വീണവരെ ആമ്പുലൻസ് വരുത്തി ഇഞ്ചക്ഷൻ കൊടുത്തു ആൽക്കഹോളിന്റെ വീര്യം കളഞ്ഞു ടേയ്ക്ക് കെയർ എന്നു പറഞ്ഞു വിടുന്നു .
ആദ്യ ട്രെയിൻ രാവിലെ ഏഴു നാല്പതിനു അതിൽ കയറി വീട്ടിലെക്കു പോരുമ്പോൾ അല്പം ക്ഷീണമുണ്ടെങ്കിലും ഇതും ഓർത്തിരിക്കാൻ പറ്റിയ ഒരു നല്ല യാത്രയായിരുന്നു .

ആയ് ,അമ്മേ സ്രാവ്..

2009-07-17T15:35:00.001-07:00

ഈ മാസം ആദ്യവാരം സാൻ സെബാസ്റ്റ്യനിൽ കണ്ട കാഴ്ച്ചകളിൽ നിന്നും ,അക്വേറിയം .നാട്ടിൽ പോകുന്ന തിരക്കിലായതിനാൽ യാത്രാവിവരണം എഴുതാൻ സമയം കിട്ടിയില്ല

ഒരു തലകെട്ട് പറയാമോ

2009-07-12T07:44:00.000-07:00

കഴിഞ്ഞ ആഴ്ച്ച ഫ്രാൻസിന്റെയും സ്പെയിനിന്റെയും അതിർത്തിയിൽ സ്ഥിതി ചെയ്യുന്ന തീരപട്ടണമായ പ്രസിദ്ധമായ ടൂറിസ്റ്റ് കേന്ദ്രമായ സാൻ സെബസ്റ്റ്യനിൽ പോയീ ,അവിടെ കാഴ്ച്ചകൾ കണ്ടു നടക്കുന്നതിനിടയിൽ വിശ്രമിക്കാനായി ഒരു കൊച്ചു പാർക്കിൽ ഇരുന്നു അവിടെ കണ്ട ഈ കാഴ്ച എന്നെ വല്ലാതെ ആകർഷിച്ചു .തലകെട്ട് എന്തു കൊടുക്കും എന്നു ഒരുപാട് ആലൊചിച്ചിട്ടും ത്രിപ്തിയായ ഒന്നു കിട്ടാതെ വന്നപ്പോൾ ഇങ്ങിനെ ഇട്ടു

സാരാവുസ് ബീച്ച്

2009-07-03T13:16:00.001-07:00

ഇന്നു ബുധനാഴ്ച്ച രണ്ടു ദിവസം കൂടി കഴിഞ്ഞാൽ രാത്രി ഷിഫ്റ്റ് ജോലി തീർന്നു . രാത്രി ഷിഫ്റ്റിൽ ജോലി ചെയ്യാൻ ഞാനും ഇനിഗൊയും മാത്രം .

ഓലാ സജി ബുവണാസ് ,കെതാൽ ?

ബുവണാസ് ഇനിഗൊ എസ്തോയ് ബിയെൻ ഇ തു ?

ബിയെൻ . ദോണ്ടെ വാസ് എസ്ത്തെ ഫിൻ ദെ സെമാന ? ആസ് വിസ്തോ സാരാവുസ് ? എസ് ഉണാ പ്ലായാ മുയ് ബൊണീറ്റൊ .

അങ്ങിനെ ഈ ആഴ്ചാവസാനം പോകാൻ പറ്റിയ ഒരു നല്ല സ്ഥലം ഇനിഗൊ പറഞ്ഞു തന്നു . സാമ്പത്തിക മാന്ദ്യം തുടങ്ങിയതിൽ പിന്നെ എല്ലാ ആഴ്ചയും കാഴ്ചകൾ കാണാൻ നടക്കുകയാണ് ഞാൻ എന്നറിയാവുന്ന ഇനിഗൊ ,നീ എങ്ങോട്ടാ ഈ ആഴ്ച പോകുന്നെ സാരാവുസ് എന്ന ബീച്ച് നീ കണ്ടതാണോ നല്ലതാണു പോയി കാണൂ എന്നാണു എന്നോട് സ്പാനിഷിൽ പറഞ്ഞതു . ഞാൻ താമസിക്കുന്ന വിസ്കായ പ്രൊവിൻസിനു തൊട്ടടുത്ത പ്രൊവിൻസ് ആണു ഗിപുസ്കൊവ , ആ പ്രൊവിൻസിലാണു സാരാവുസ് ബീച്ച് . ബാസ്ക് കണ്ട്രിയിലെ ഏറ്റവും നീളം കൂടിയ ബീച്ച് 2.8 കിലൊമീറ്റർ . സമ്മർ സീസണിൽ ഒരു ദിവസം ഇവിടെ വന്നു പോകുന്നവർ ഇരുപത്തി രണ്ടായിരം മുതൽ അറുപതിനായിരം ആളുകൾ . ആളുകൾക്ക് തുണി മാറാനും സാധനങ്ങൾ സൂക്ഷിക്കാനും വാടകക്കു തുണി കൊണ്ടുള്ള മുറി കിട്ടും . അങ്ങിനെ ആയിരത്തിനടുത്തു താൽക്കാലിക മുറികൾ ഇതു സാരാവുസിന്റെ മാത്രം പ്രത്യേകതകൾ ആണു .

(എന്നാൽ ഞാൻ കണ്ട ഏറ്റവും വലിയ പ്രത്യേകത ഇത്രയും കിലോമീറ്റർ ദൂരത്തിൽ കിടക്കുന്ന ബീച്ചിൽ കണ്ട വ്യുത്തിയാണു .അല്പം പോലും പ്ലാസ്റ്റിക് ഞാനവിടെ കണ്ടില്ല .)

അങ്ങിനെ ശനിയാഴ്ച്ച ഉച്ചയൂണു കഴിഞ്ഞു ഞാനും ബെർണാഡും പന്ത്രണ്ടു പത്തിന്റെ ബസിൽ എല്ലൊറിയോയിൽ നിന്നും പുറപെട്ട് പതിനഞ്ചു മിനുറ്റു യാത്രക്കു ശേഷം ഡുറങ്കോയിൽ ഇറങ്ങി . അവിടെ നിന്നും സാൻ സെബാസ്റ്റ്യൻ വരെ പോകുന്ന ലോക്കൽ ട്രെയിനിൽ കയറി യാത്ര തുടർന്നു .

View Larger Map

പതിവിനു വിപരീതമായി ഒന്നര മണിക്കൂറത്തെ ഈ യാത്രയിൽ ഞങ്ങൾ സംസാരിച്ചിരിക്കാതെ ജന്നൽ വഴി കാഴ്ചകൾ കണ്ടിരുന്നു . നിരവധി മല നിരകൾക്കിടയിലൂടെയുള്ള ഈ യാത്രയിൽ ധാരാളം ചെറിയ അരുവികൾ കണ്ടു .ഇറങ്ങുന്നതിനേക്കാൾ കൂടുതൽ ആളുകൾ കയറി കൊണ്ടിരിക്കുന്നു എല്ലാവരുടെയും കയ്യിൽ ചെറിയ ബാഗിൽ ഭക്ഷണ സാധനങ്ങളും കിടക്കാനുള്ള സാമഗ്രികളും ഉണ്ട് , ജൂൺ ഇരുപത്തി ഒന്നിനു ഇവിടെ സമ്മർ തുടങ്ങി , ഈ കാലാവസ്ഥക്കു പോകാൻ പറ്റിയ സ്ഥലം ബീച്ച് തന്നെ . കൊച്ചു കുട്ടികൾ മുതൽ പ്രായമായവർ വരെ ഉണ്ട് .

വിസ്കായ പ്രൊവിൻസ് കഴിഞ്ഞു , അതിനടുത്ത സ്റ്റെഷനുകളിൽ നിന്നും കയറുന്നതു മുഴുവൻ പതിനേഴു വയസ്സിനു താഴെയുള്ള കുട്ടികൾ . അവരും വാരാന്ത്യം ആഘോഷിക്കാൻ ബീച്ചിൽ പോവുകയാണു , പാട്ടും ബഹളവുമായി അവരും യാത്ര തുടർന്നു . ഒരു വലിയ മലക്കു താഴെയുള്ള തുരങ്കം കടന്നു ട്രെയിൽ നേരെ അപ്പുറത്തെത്തുന്നതു ഇടതു വശത്തു നീല നിറത്തിൽ പരന്നു കിടക്കുന്ന കടലിനു മുകളിലേക്ക് . ബെർണാഡിനെ നോക്കി ഞാൻ പറഞ്ഞു “ ഹൊവ് ” . ട്രെയിനു ഇടതു വശം കടൽ വലതു വശം വലിയ മല അതിന്റെ ചരിവിലൂടെയാണു ട്രെയിൽ പോകുന്നതു , ഇടതു വശതേക്കു മാത്രം നോക്കിയാൽ കടലിനു മുകളിലൂടെ ഒഴുകി പോകുന്നതു പോലെ . അതു അവസാനിച്ചതു ദെബാ എന്ന ബീച്ച് സ്റ്റേഷനിലായിരുന്നു , പെൺകുട്ടികൾ എല്ലാവരും അവിടെ ഇറങ്ങി ട്രെയിൽ കാലിയായി . ഇനി കുറച്ചു സമയത്തിനുള്ളിൽ ഞങ്ങൾ സാരാവുസിലെത്തും .

സാരാവുസിനെ പറ്റി ഏത്തൊർ എല്ലാം പറഞ്ഞു തന്നിരുന്നു മില്ല്യണയെർസ് മാത്രം താമസിക്കുന്ന സ്ഥലം . ബീച്ചിനു സമാന്തരമായി അനേകം രെസ്റ്റൊറന്റുകൾ ബീച്ചിൽ വെയിൽ കാഞ്ഞു കിടന്നതിനു ശേഷം എല്ലാവരും അവിടെ നിന്നാണു ഭക്ഷണം കഴിക്കുന്നതു , നല്ല കാഴ്ചകൾ കണ്ടു ഭക്ഷണം കഴിക്കാം അതു കൊണ്ടു തന്നെ അല്പം വിലയും കൂടുതൽ . രാറ്റോൺ ദെ മൊണ്ടാന്യ യെ പറ്റി എത്തൊർ പറഞ്ഞു തന്നിട്ടുണ്ടു ബീച്ചിൽ നിന്നും നേരെ നോക്കിയാൽ എലിയുടെ രൂപത്തിൽ കാണുന്ന മല , അതാണു റാറ്റോൺ ദെ മൊണ്ടാന്യ .

ഞങ്ങൾ സാരാവുസിൽ എത്തി പത്തു മിനുട്ടു നടത്തത്തിനുശേഷം ബീച്ചിൽ എത്തി , ശക്തിയായ വലിയ തിരകളൊന്നുമില്ലാത്ത നീല നിറത്തിൽ മൂന്നു കിലൊമിറ്റർ ദൂരത്തിൽ ആയിരകണക്കിനു ആളുകളെ കൊണ്ടു നിറഞ്ഞ ബീച്ച് . നേരെ നോക്കിയപ്പോൾ എത്തൊർ പറഞ്ഞ എലിയുടെ രൂപത്തിലുള്ള മല കണ്ടു , പക്ഷെ എനിക്കതു കണ്ടപ്പൊ ആന വെള്ളത്തിൽ മുങ്ങി കിടക്കുന്നതായാണു തോന്നിയതു .അതിനു ഇടതു വശത്തായി വാഹനങ്ങൾ ഒഴുകുന്ന റോഡ് മറ്റൊരു മലയുടെ വശതുള്ള തുരങ്കത്തിലൂടെ പോകുന്നു ,വലതു വശത്തു മൂന്നു കിലോമീറ്ററിനു അപ്പുറം ബീച്ചിനു അവസാനം വലിയ പാറകെട്ടുകൾ . ഇത്രയും കാഴ്ചകൾ ഉണ്ടായിട്ടും ഫോട്ടോ എടുക്കാതെ അതു വരെ കഴുത്തിൽ തൂക്കിയിട്ടിരുന്ന ക്യാമറ ഞാൻ പോക്കറ്റിൽ ഇട്ടു , കാരണം അവിടെ കണ്ട ആളുകൾ ഭൂരിഭാഗം എല്ലാവരും തന്നെ പൂർണ്ണ നഗ്നരായിരുന്നു . കറുത്തിരിക്കുന്നവൻ വെളുത്ത നിറത്തെ ഇഷ്ട്ട പെടുമ്പോൾ ഇവർ ഇവരുടെ വെളുത്ത നിറത്തേക്കാളും അല്പം ഇരുണ്ടനിറത്തെയാണു ഇഷ്ട്ടപ്പെടുന്നതു , ആ നിറം വരുത്തുവാനാണു സൺ ക്രീമും പുരട്ടി ഈ കിടപ്പു കിടക്കുന്നതു . രാവിലെ മുതൽ കിടന്നു തവിട്ടു നിറം വരുത്തിയവർ രെസ്റ്റൊറന്റുകളിൽ നിന്നും ഭക്ഷണം കഴിക്കുന്നു . ബീച്ചിൽ ഇടവിട്ടു ഇടവിട്ടു പല നിറത്തിലുള്ള പതാകകൾ കണ്ടു പച്ച നിറത്തിലും ,ചുവപ്പു നിറത്തിലും .ചുവപ്പും നീലയും കൂടിയതും .ആഴം ഇല്ലാത്ത സ്ഥലത്തു ആളുകൾക്കു കുളിക്കാം അവിടെയാണു പച്ച പതാകകൾ , ചുവപ്പു പതാകകൾ ഉള്ളയിടം ആഴം കൂടുതൽ ഉള്ളതിനാൽ അവിടെ കുളി പാടില്ല , ചുവപ്പും നീലയും പതാകകൾക്കിടയിൽ സർഫിങ്ങ് നടത്താം . രണ്ടര മണിക്കൂർ അവിടെ ചിലവഴിച്ച് ഞങ്ങൾ തിരിച്ചു കാസ്കൊ വീഹൊയിലേക്കു നടന്നു , ഭക്ഷണം കഴിക്കണം അവിടെ ചിലവു കുറഞ്ഞു നല്ല ഭക്ഷണം കിട്ടും .

കാസ്കൊ വീഹൊയിലെ ഒരു റെസ്റ്റൊറന്റിൽ നിന്നും ഭക്ഷണം കഴിഞ്ഞു അല്പ നേരത്തെ വിശ്രമതിനു ശേഷം വീണ്ടും ഞങ്ങൾ നടന്നു എത്തിയതു സാന്റാ മരിയ രെയൽ എന്ന പള്ളിയിലാണു . നാലു നിലയുള്ള ടവറിൽ ഘടികാരവും പള്ളി മണീയും കാണാം , ഈ പള്ളിയെ പറ്റിയൊ ബാകിയുള്ള കാഴ്ച്ചകളെ പറ്റിയൊ എതോർ ഒന്നും പറഞിരുന്നില്ല , ഒരു കൌതുകത്തിനു ഞങ്ങൾ ആ പള്ളിയിൽ പോയീ അവിടെ ബോർഡിൽ എഴുതി വെച്ചിരിക്കുന്നതു വായിച്ചു പതിനഞ്ചാം നൂറ്റാണ്ടിൽ പണിത പള്ളി സാരാവുസിന്റെ ചരിത്രം ഉറങ്ങുന്നിടം , മ്യൂസിയം പ്രവേശനം ഒന്നെക്കാൽ യൂറോ . എന്നാൽ കയറി കാണുക തന്നെ .

ഒന്നാം നിലയിൽ കയറി ചെന്ന ഞങ്ങളെ ചിരിച്ച മുഖത്തോടു കൂടി ആ സ്പാനിഷ് യുവതി സ്വീകരിച്ചു ( പേരു മറന്നു പോയീ) മ്യൂസിയം കാണാനാൻ വന്നതാണെന്നു പറഞ്ഞപ്പോൾ റ്റിക്കറ്റ് തന്നിട്ടു പറഞ്ഞു പള്ളിക്കകതേക്കു ഇപ്പോൾ പ്രവേശിക്കാൻ പറ്റില്ല അവിടെ ഒരു മരണ ചടങ്ങു നടന്നു കൊണ്ടിരിക്കുകയാണു . ( മ്യൂസിയം കാണാൻ ഞാനും ബെർണാഡും മാത്രമെ ഉള്ളൂ ) . അവിടെ ഫോട്ടോ എടുക്കരുതെന്നു എഴുതി വെച്ചിട്ടുണ്ടെങ്കിലും ഞാൻ ചോദിച്ചപ്പോൾ അനുവാദം തന്നു . മുകളിലെ നിലയിൽ രണ്ടാം നിലയിൽ റോമൻ കാലഘട്ടത്തിലെ ചിത്രങ്ങളൂം ജീവിത രീതികളും കണ്ടു കൊണ്ടു ഞങ്ങൾ മൂന്നാം നിലയിൽ കയറി അവിടെ പള്ളിയുടെ ക്ലോക്കും മണിയും അതിന്റെ ഭാഗങ്ങളും കണ്ടൂ തിരിച്ചിറങ്ങി .

താഴെ ഒന്നാം നിലയിൽ വീണ്ടും എത്തിയ ഞങ്ങളെ ആ യുവതി ഒരു ലെസർ റ്റൊർച്ചുമായി താഴെക്കു കൊണ്ടു പോയീ , അവിടെയാണ് ഒൻപതാം നൂറ്റാണ്ടിലെ സെമിത്തേരിയിൽ നിന്നും ഉദ്ഘനനം ചെയ്തു കിട്ടിയ അവശിഷ്ട്ടങ്ങൾ . ഒൻപതാം നൂറ്റാണ്ടിൽ മരം കൊണ്ടു നിർമിച്ച പള്ളി പന്ത്രണ്ടാം നൂറ്റാണ്ടിൽ കല്ലു കൊണ്ടു പണീതു , ഇപ്പോൾ കാണുന്ന കെട്ടിടം പതിനഞ്ചാം നൂറ്റാണ്ടിലെയാണു . ഒൻപതാം നൂറ്റാണ്ടിൽ സാരാവുസിലെ ആളുകൾ ശരാശരി മുപ്പത്തഞ്ചു വയസ്സു വരെയെ ജീവിച്ചിരുന്നുള്ളൂ എന്നവിടെ എഴുതി വെച്ചിട്ടുണ്ടു . അതിനകത്തുണ്ടായിരുന്ന വലിയ ടെലിവിഷനിൽ ഈ കാര്യങ്ങളൊക്കെ കാണീക്കുന്നുണ്ടു സെമിത്തേരിക്കു മുകളിലെ കണ്ണാടി നിലത്തിരുന്നു എല്ലാം കണ്ടൂ . അതിനു ശേഷം സെമിത്തേരിയിലെ അസ്ഥികൂടങ്ങൽ ഒരോന്നും ഏതു നൂറ്റാണ്ടിലെ ആണെന്നു പറഞ്ഞു തന്നു എറ്റവും താഴത്തെ പടിയിൽ കാണുന്ന അസ്ഥികൂടങ്ങൽ ഒൻപതാം നൂറ്റാണ്ടിലെ അതിനു മുകളിലെ പന്ത്രണ്ടാം നൂറ്റാണ്ടിനെ അതിനു മുകളിലെ പതിനഞ്ചാം നൂറ്റാണ്ടിലെ അങ്ങിനെ എല്ലാ കാര്യങ്ങളൂം . ഒന്നാം നിലയിൽ തന്നെ ലാറ്റിൽ ഭാഷയിലുള്ള പതിനെഴാം നൂറ്റാണ്ടിൽ ഈ പള്ളിയിൽ പാടാൻ ഉപയോഗിച്ചിരുന്ന പുസ്തകം വെച്ചിട്ടുണ്ട് . സമയം ആറര കഴിഞ്ഞു വീണ്ടും കാണാം എന്നു പറഞ്ഞു ഞങ്ങൾ ചെന്നു കയറിയതു ഫോട്ടോ മ്യൂസിയത്തിലായിരുന്നു .

ഫോട്ടോ മ്യൂസിയം സാരാവുസ് , നാലു നിലകളുള്ള മ്യൂസിയത്തിൽ ആറു യൂറൊ കൊടുത്തു കയറി മറ്റെ മ്യൂസിയത്തിലെ പോലെ തന്നെ ഇവിടെയും ഞങ്ങൾ മാത്രമെ കാഴ്ച്ചക്കാരായി ഉള്ളൂ ആളുകൾ എല്ലാവരും ബീച്ചിലാണു . ലിഫ്റ്റിൽ കയറി നാലാം നിലയിൽ ചെന്നു അവിടെ ഫോട്ടോ എടുക്കാനുള്ള വിദ്യ കണ്ടു പിടിക്കുന്നതിനു മുന്നെ ആളുകൾ പണ്ടു ഉപയോഗിച്ചുരുന്ന ഉപകരണങ്ങളായിരുന്നു , മാജിക് ലാമ്പ് ,പിച്ചർ പ്രൊജെക്റ്റർ എന്നിവ . ട്രാൻസ്പാരന്റു ആയിട്ടുള്ള കണ്ണാടി ചിത്രതിലൂടെ പ്രകാശം കടത്തി വിട്ടു തിരശീലയിൽ കാണീക്കുന്നതു . ആ രീതിയിലുള്ള പലതരം ഉപകരണങ്ങൾ . മൂന്നാം നിലയിൽ ഏറ്റവും ആദ്യത്തെ ക്യാമറ അതിൽ നിന്നെടുത്ത് ചിത്രങ്ങൾ , ക്യാമറകളുടെ പല തലമുറകളെയും അവിടെ കണ്ടു . ചില ക്യാമറകളുടെ ഫ്ലാഷ് കണ്ടതു വാഹനങ്ങളുടെ ഹാലൊജൻ ലൈറ്റു പോലെ . രണ്ടാം നിലയിൽ നിറയെ ഫോട്ടൊകളായിരുന്നു . ആ ചരിത്ര പ്രാധാന്യമുള്ള ഫോട്ടോകൾ കണ്ടു നടക്കുന്നതിടയിൽ ഒരു ഫോട്ടൊ കണ്ടൂ ഞാൻ ഒരു നിമിഷം നിന്നു പോയീ വിരൽ കുടിച്ചു കൊണ്ടു ചെങ്കൊടിയേന്തിയ കൊച്ചു വിപ്ലവകാരൻ എന്നെ എന്റെ ചെറുപ്പത്തിലേക്കു കൊണ്ടൂ പോയീ ആ പ്രായത്തിൽ അന്നു എന്റെ കയ്യിലും ഈ ചെങ്കൊടി ഉണ്ടായിരുന്നതാണു ഞാനോർത്തതു .

സമയം എട്ടു മണി ബീച്ചിൽ നിന്നും ആളുകൾ മടങ്ങി പോയി തുടങ്ങി എല്ലവരും കാസ്കൊ വീഹൊയിൽ വന്നു രാത്രി അഘോഷിക്കാൻ ആരംഭിച്ചു .ഇനിയും ഇവിടെ നിന്നാൽ എല്ലൊറിയോയിലേക്കൂള്ള പത്തു മണീക്കുള്ള അവസാന ബസ് ഡൂരങ്കൊയിൽ നിന്നും കിട്ടില്ല . എട്ടു പതിനഞ്ചിനു ഞങ്ങൾ സാരാവുസിനോടു വിട പറഞ്ഞൂ എല്ലൊരിയൊയിലേക്കു തിരിച്ചു .

മന്ത്രവാദിയുടെ കൊട്ടാരത്തിലേക്ക്

2009-06-28T05:33:00.001-07:00

ഇന്നലെ ഉർക്യോള പള്ളിയിൽ പോയി വന്നപ്പോൾ നല്ല ക്ഷീണമുണ്ടെങ്കിലും ,ഇന്നു ഞങ്ങൾ നാലു പേർ കൂടി ഒരു യാത്ര ഉള്ളതിനാൽ നെരത്തെ തന്നെ എണീറ്റു .ഞാനും ബെർണാഡും ബെഗോയും അവരുടെ ഭർത്താവും .(വീട്ടിൽ അല്പം ജോലി ഉണ്ടെന്നു പറഞ്ഞൂ അദ്ദേഹം വന്നില്ല )രാവിലെ എട്ടു പത്തിന്റെ ബസിനു ഞങ്ങൾ യാത്ര തിരിച്ചു.ഇന്നലെ നാൽ‌പ്പതു ഡിഗ്രീ ആയിരുന്നു ചൂട് പക്ഷെ ഇന്ന് പതിനഞ്ചു ഡിഗ്രീ കൂടാതെ വൈകീട്ടു മഴക്കുള്ള ലക്ഷണവും ,ഇവിടെ വന്നിട്ടു എനിക്കിഷ്ട്ടപെടാത്ത ഒരേ ഒരു കാര്യം കാലാവസ്ഥയുടെ പെട്ടെന്നുള്ള മാറ്റമാണു .മണിക്കൂർ ഇടവിട്ടാണു ഈ ബാസ്ക് കണ്ട്ട്രിയിൽ ചൂടും തണുപ്പും മഴയും മാറി മാറി വരുന്നതു .ഒരു ദിവസത്തിൽ തന്നെ ഇരുപതു ഡിഗ്രീ ചൂടു വിത്യാസവും മഴയും വെയിലും മാറി മാറി വരും .ചുരുക്കത്തിൽ മുന്നൂറ്റി അറുപത്തി അഞ്ചു ദിവസത്തിൽ മുന്നൂറു ദിവസവും മഴ തന്നെ.ചെറുതായി വെയിൽ ഉണ്ട് ,മടി മൂലം ഞാൻ കുട എടുത്തില്ല .ഞങ്ങൾ ഇന്നു പോകുന്ന സ്ഥലം ഗാറ്റിക ,ഒരു കാട് തന്നെ വന്യ ജീവികൾ ഇല്ല എന്നെ ഉള്ളൂ.എല്ലൊറിയോയിൽ നിന്നും ഒരു മണിക്കൂർ യാത്രക്കു ശേഷം ഞങ്ങൾ ബിൽബാവോയിൽ എത്തി ,അവിടെ നിന്നും മെട്രോ ട്രെയിനിൽ സാൻമാമെസ് സ്റ്റോപ്പിൽ നിന്നും കയറി സൊപെലാനയിൽ ഇറങ്ങി .ഇനി അവിടെ നിന്നും മുങ്കിയക്കു പോകുന്ന ബസിൽ കയറി ബുട്രോൺ സ്റ്റോപ്പിൽ ഇറങ്ങണം .

View Larger Map

വീട്ടിൽ നിന്നും രണ്ട് മണിക്കൂർ യാത്ര ഉച്ച ഭക്ഷണവും കരുതിയാണു പോകുന്നതു .മാസങ്ങളായി പോകാൻ കൊതിക്കുന്ന സ്ഥലമാണു കാരണം അവിടെ ഒരു കാസിൽ ഉണ്ടു ,ചെറുപ്പത്തിൽ ചിത്രകഥകളിൽ മാത്രം കണ്ട മന്ത്രവാദിയുടെ കൊട്ടാരം.ഇന്നു തന്നെ അവിടെ പോകാൻ കാരണം ഇന്നു അവിടെ ഒരു ഉത്സവം നടക്കുന്നുണ്ടു ഒരു വെടിക്കു രണ്ടു പക്ഷി ഉത്സവവും കാണാം കൊട്ടാരവും കാണാം ,കൊട്ടാരത്തിലേക്കു പോകാനുള്ള വഴിയെ പറ്റി പണ്ട് ഞാൻ ബെഗോയോടു ചോദിച്ചിരുന്നു പത്രത്തിൽ ഉത്സവ വാർത്ത കണ്ട ബെഗോ അവിടെ പൊകാനുള്ള വഴിയും ബസ് സമയവും അതിൽ കൊടുത്തിരിക്കുന്ന ഫോൺ നമ്പരിൽ വിളിച്ചു ചൊദിച്ചു അന്വേഷിച്ചാണു ഞങ്ങളുടെ യാത്ര . പക്ഷെ സൊപെലാനയിൽ ചെന്നപ്പോൾ ഒന്നര മണീക്കൂർ ഇട വിട്ടാണു ബസ് .ഒന്നര മണിക്കൂർ അവിടെ കാത്തിരുന്നു ,ബസ് സ്റ്റോപ്പിൽ എൺപതിനു മുകളിൽ പ്രായം വരുന്ന ഒരു അപ്പൂപ്പൻ എന്നെ കണ്ടു ചോദിച്ചു മൊറോക്കൊയിൽ നിന്നും വന്നതാണൊ എന്നു ,അല്ല ഞാൻ ഇന്ത്യയിൽ നിന്നും വന്നതാണു എന്നു പറഞ്ഞപ്പൊ ,ഓ നമ്മുടെ ഇന്ധിരാ ഗാന്ധിയുടെ നാട് അല്ലേ എന്നു പറഞ്ഞു ,അദ്ദേഹം ബെഗോയോടു പറഞ്ഞു അവരുടെ കുടുംബം മുഴുവൻ അകാല മരണമായിരുന്നു .

നിങ്ങൾ എല്ലാവരും മരിച്ചാൽ നദിയിലാണോ കളയുക ?

ഞാൻ കരുതി ചിതാ ഭസ്മത്തിന്റെ കാര്യമായിരിക്കും എന്നു അതു ഹിന്ദുക്കൾ മാത്രമെ അങ്ങിനെ ചാരം ഒഴുക്കാറുള്ളൂ അതു അവരുടെ വിശ്വാസവുമായി ബന്ധപെട്ട ഒരു ചടങ്ങാണു .

ഏയ് അതല്ല ഒരു നദിയുണ്ടല്ലോ അവിടെ ഗാംഗ് എന്നു പേരുള്ളത് .അതിൽ എല്ലാവരും മരണ ശേഷം ശവ ശരീരം ഒഴുക്കി കളയുകയാണല്ലൊ എന്ന് ,അങ്ങിനെ ചെയ്താൽ പിന്നെ നിങ്ങൾ എങ്ങിനെയാ പിന്നെ ആ വെള്ളം കുടിക്കുന്നെ വളരെ മോശമല്ലെ അങ്ങിനെ ചെയ്യുന്നത്.

ഓ ഗംഗ , അതു വടക്കേ ഇന്ത്യയിലാണു പൊതുവേ വടക്കെ ഇന്ത്യയിലുള്ള എല്ലാ മതക്കാർക്കും കുറച്ചു മതഭ്രാന്തു കൂടുതലാണു ,പക്ഷെ ഞാൻ താമസിക്കുന്നതു തെക്കെ ഇന്ത്യയിലാണു കേരളം .(നമ്മുടെ നാട്ടിലെ പമ്പാ നദിയെ പറ്റി ഞാൻ മിണ്ടാൻ പോയില്ല )

നിങ്ങളുടെ നാട്ടിൽ നമ്മൾ വണ്ടിയിൽ പൊകുമ്പോൾ ഒരു പശു കുറുകെ വന്നാൽ പശു സ്വയം പോകുന്ന വരെ നമ്മൾ കാത്തു നിക്കണം ,പശു ഇറച്ചി തിന്നാൻ പാടില്ല എന്നൊക്കെയുള്ളതു ശരിയാണൊ ?

അതൊക്കെ അങ്ങു വടക്കെ ഇന്ത്യയിലാണ് ഞങ്ങൾ നാട്ടിൽ പശു ഇറച്ചി കഴിക്കും .

അങ്ങിനെ ഒന്നര മണിക്കൂർ അദ്ദേഹം കേട്ടിട്ടു മാത്രം ഉണ്ടായിരുന്ന ഒരു പാടു കാര്യങ്ങൾ ഇന്ത്യയെ പറ്റി എന്നോടൂ ചോദിച്ചു കൊണ്ടിരുന്നു ,അവസാനം ബസ് വന്നു സമയം പതിനൊന്നര ചെറുതായി മഴ തുടങ്ങി ,പണ്ടാറ മഴ ഒടുക്കത്തെ മഴ എന്നു മനസ്സിൽ പറഞ്ഞു ഞാൻ ബസിൽ കയറി.ബൂട്രോണിൽ ഇറങ്ങി പത്തു മിനിറ്റു നടന്നു ഞങ്ങൾ ഉത്സവ സ്ഥലത്തെത്തി ,ഓക്കു മരങ്ങൾ നിറഞ്ഞ കാട് നാടൻ ഭാഷയിൽ പറഞ്ഞാൽ ഒരു ഓട്ടോരിക്ഷ പോകനുള്ള വീതി മാത്രമുള്ള വഴി ആളൂകൾ തിങ്ങി നിറഞ്ഞാണു പോകുന്നതു വലതു വശത്തു നിറയെ കച്ചവടക്കാർ അവരുടെ വസ്ത്രധാരണം മുസൽ മാൻ രീതിയിൽ കചവടത്തിനു വച്ചിരിക്കുന്ന എല്ലാ സാധനങ്ങളിലും ഒരു അറബി രീതി ,അവിടെ നിന്നും ഉച്ചത്തിൽ കേൾക്കുന്ന സംഗീതം പോലും അറബി രീതിയിൽ . കുറച്ചു നേരം കൊണ്ട് ഞാൻ ഏതൊ ഒരു അറബി രാജ്യത്തു ചെന്ന പ്രതീതി .ഒൻപതാം നൂറ്റാണ്ടിൽ മുസൽമാൻ മാരാൽ ആക്രമിക്കപെട്ടതാണ് സ്പെയിൽ എന്നു കേട്ടിട്ടുണ്ട് അന്നു അവരെ തുരത്താൻ വേണ്ടി ഇതു പോലെ ഒരു പാടു കോട്ടകൾ സ്പെയിനിലുണ്ടത്രേ.അന്നത്തെ ആക്രമണതിൽ ഗാറ്റികയും ഉൾപെട്ടിട്ടുണ്ടാകാം അന്നു അവരെ തുരത്തിയതിന്റെ ഓർമയുമായി ബന്ധമുള്ളതു പോലെ തോന്നി ഇന്നു ഇവരുടെ ഉത്സവ രീതിയും വസ്ത്രധാരണവും എല്ലാം കണ്ടപ്പോൾ.

ഇടതു വശത്തുകൂടെ ഒരു പുഴ ഒഴുകുന്നുണ്ട് അതിനു അപ്പുറത്താണു കൊട്ടാരം ,ഈ ചെറിയ റോഡിനും പുഴക്കും ഉള്ള ചെറിയ സ്ഥലത്ത് പണ്ടത്തെ രീതിയിൽ വസ്ത്രം ധരിച്ച സ്പാനിഷ് യുവതികൾ കൊച്ചു കുട്ടികളെ കുതിരക്കു മുകളിൽ ഇരുത്തി സവാരി ചെയ്യുന്നതു കണ്ടു .

കച്ചവടക്കാർ എല്ലാവരും വസ്ത്രധാരണം പഴയ കാലഘട്ടത്തിലെ തന്നെ ,ഇപ്പോൾ ഒരു അഞ്ഞൂറു വർഷം പുറകോട്ടു പോയതു പോലെ .നല്ല തേൻ ,കര കൌശല വസ്തുക്കൾ ,വാളുകൾ എന്നു വേണ്ട എല്ലാ സാധനവും വിൽ‌പ്പനക്കു വെച്ചിട്ടുണ്ടു .ഒരു സംഘം ആളുകൽ വാദ്യവുമായി വരുന്നുണ്ട് ആ പ്രായമായ സ്ത്രീയുടെ കയ്യിലെ ഡ്രം കണ്ടപ്പൊ എനിക്കു വീഞ്ഞു പാത്രത്തെയാണു ഓർമ്മ വന്നതു .കൊട്ടാരം അടുത്തുള്ളതു കൊണ്ടാണു ഒരു ദുർമന്ത്രവാദിനിയും വരുന്നുണ്ടു ,കൊച്ചു കുട്ടികൾ അവരെ കണ്ടു വാവിട്ടു കരയാൻ തുടങ്ങി .

അല്പം കഴിഞ്ഞു എതിർ വശത്തു നിന്നും ഒരു സംഘം അറബി വേഷത്തിൽ പടച്ചട്ടയും അണിഞ്ഞു മുന്നിൽ നടക്കുന്ന നേതാവിന്റെ കയ്യിൽ പരുന്താണെന്നു തൊന്നുന്നു അതോ ഇനി ഫാൽകൺ ആണൊ അറിയില്ല എന്തായാലും അതെനിക്കു നന്നേ ഇഷ്ട്ടപെട്ടു ,അദ്ദേഹം കൊച്ചു കുട്ടികളെ കൂടെ നിറുത്തി ഫൊട്ടോ എടുക്കുന്നുണ്ടു ,കയ്യിൽ ആ പക്ഷി അള്ളി പിടിച്ചു കൈ മുറിയാതിരിക്കാനാവാം കയ്യിൽ ഗ്ലൌസ് ഇട്ടിട്ടുണ്ടു .എന്റെ ഫോട്ടോ എടുക്കാനുള്ള താല്പര്യം കണ്ട് അദ്ദേഹം എന്നെയും ബെഗൊയെയും ചെർത്തു ഫൊട്ടോ എടുക്കാൻ നിന്നു.

ഇടതു വശത്തു കുതിര സവാരിയുടെ അടുത്തു തന്നെ അമ്പെയ്തു നടക്കുന്നുണ്ടു ,കുതിര സവാരിയും അമ്പെയ്തുമൊന്നും വെറുതെ അല്ലാട്ടോ അഞ്ചു യൂറോ കൊടുക്കണം .കുറച്ച് നേരം അതു കണ്ടു നിന്നു വീണ്ടും കാഴച്ചകൽ കാണാൻ നടന്നു .ബെഗൊ കൈ കൊണ്ടു പണിതു കൊടുക്കുന്ന മാലയും വളയും കമ്മലും നോക്കാൻ പൊയപ്പോൾ അതിനടുത്ത കടയിൽ ഉണ്ടാക്കി കൊണ്ടിരിക്കുന്ന ചൂടൻ പലഹാരത്തിലായിരുന്നു എന്റെ നോട്ടം .ബെഗോയെ വിളിച്ചു അതിൽ പന്നി അടങ്ങിയിട്ടുണ്ടോ എന്നു അന്വേഷിച്ചു .പന്നിയെ കൂടാതെ ഒരു ഭക്ഷണ സാധനവും ഈ നാട്ടുക്കാർക്കു ഇല്ല .എന്തിനാ വെറുതെ പന്നി പനി പിടിക്കുന്നെ എന്നു കരുതി ഞാൻ നെരത്തെ തന്നെ തീറ്റ നിറുത്തി.ധാന്യപൊടിയും മുട്ടയും കൊണ്ടാണു അതുണ്ടാക്കുന്നതെന്നറിഞ്ഞപ്പോൾ ഞങ്ങൾ അതും ഒന്നു പരീക്ഷിച്ചു .സത്യം പറയാമല്ലൊ ഈ പൊസ്റ്റ് എഴുതുമ്പോളും രുചി നാവിൽ ഉണ്ട് .

അങ്ങിനെ കാഴ്ച്ചകൾ കണ്ടു നടന്നു കലാപരിപാടികൾ നടക്കുന്ന സ്ഥലതെത്തി.ഞങ്ങൾ അവിടെ എത്തുമ്പോൾ പക്ഷികളുടെ ഉപയോഗിച്ചുള്ള കലാപരിപാടിയായിരുന്നു .കയ്യിൽ പക്ഷിയെ പിടിച്ചു ആദ്യം ആ പക്ഷിയെ ഞങ്ങൾക്കു പരിചയപെടുത്തി ,ഇനവും പ്രത്യേകതകളും എല്ലാം ,അതിനു ശെഷം അതു ഇര പിടിക്കുന്നതും പറക്കുന്നതും അതിന്റെ കാഴ്ച ശക്തിയും ശ്രവണ ശക്തിയും എല്ലാം അദ്ദെഹം കാണിച്ചു തന്നു മൂങ്ങ ,പരുന്തു അങ്ങിനെ പല തരം പക്ഷികൾ .വിവരണങ്ങൾ എല്ലാം അദ്ദേഹം മൈക്രോഫോൺ ഉപയോഗിച്ചു പറയും അതിനു ശേഷം പക്ഷിയെ ഇര പിടിക്കുന്നതു കാണിച്ചു തരുവാൻ പേരു വിളിക്കും .ഒരോ പക്ഷിക്കും അദ്ദെഹം പേരിട്ടിട്ടുണ്ടു മൈക്രൊഫോണിലൂടെ കേൾക്കുന്ന ശബ്ദവും അദ്ദേഹത്തിന്റെ ശബ്ദവും വിത്യാസമുള്ളതു കൊണ്ടാകാം പക്ഷിയെ വിളിക്കുമ്പോൾ മാത്രം അദേഹം മൈക്രോഫോൺ ഉപയോഗിക്കാതെ സ്വന്തം ശബ്ദത്തിലായിരുന്നു വിളിച്ചിരുന്നതു .അദ്ദേഹം പറയുമ്പോൾ പക്ഷികൾ ദൂരെ ഇരിക്കുന്ന ഇറച്ചി കഷണം പോയി പറന്നെടുക്കും .ഏറ്റവും അവസാനം പരുന്തു വന്നു തൊമസിറ്റോ എന്നായിരുന്നു ആ പരുന്തിനെ വിളിചിരുന്നതു .അതിന്റെ തൂക്കവും കാഴ്ചയും ശ്രവണ ശെഷിയെ കുറിചുമെല്ലാം വിശദീകരിച്ചു തന്നിട്ടു അതിനെ കാലിലെ കെട്ടഴിച്ച് ദൂരേക്കു പറത്തി വിട്ടു .വളരെ ദൂരെ ഒരു ഓക്കു മരത്തിൽ ചെന്നിരുന്ന പരുന്തിനെ തോമാസിറ്റോ എന്നു വിളിച്ചു കൊണ്ടു ആകാശത്തേക്കു ഒരു കോഴികുഞ്ഞിനെ എറിഞ്ഞൂ ഞൊടിയിടയിൽ ആ പരുന്തു വന്ന് കണ്ണടച്ച് തുറക്കും മുന്നെ കോഴി കുഞ്ഞിനെ റാഞ്ചി എടുത്തു .കൊഴി കുഞ്ഞിനെ പരുന്തിന്റെ കയ്യിൽ നിന്നും പിടി വിടുവിക്കാൻ നോക്കിയ അദ്ദെഹത്തിന്റെ കയ്യിൽ രണ്ടു കാലുകൾ മാത്രം ഇരുന്നു ബാക്കി ഭാഗം പരുന്തിന്റെ കാൽ പിടിയിലും .ഏറ്റവും അവസാനം അദ്ദേഹത്തിന്റെ കൊചു കുട്ടികളും വന്നു ഈ പരുന്തിനെ കൊണ്ടു അഭ്യാസം കാണിപ്പിച്ചു.

അവിടെ പല ബൊർഡുകളിലും ഈ പ്രദേശത്തെ ചരിത്രം എഴുതി വെച്ചിട്ടുണ്ടു സ്പാനിഷ് പണ്ഡിതനായ ഞാൻ അതു വായിച്ചു മനസ്സിലാക്കുന്നതിൽ പരാജയപെട്ടപ്പോൾ ഒരു ഫോട്ടോ എടുത്തു പോന്നു .

ചെറുതായി മഴ ചാറുന്നുണ്ടു മഴയെ വക വെക്കാതെ പരിപാടികൾ തുടർന്നു കൊണ്ടിരുന്നു .അടുത്ത പരിപാടി കൊച്ചു കുട്ടികളുടെ ഡാൻസ് ആയിരുന്നു .മഴ നനയാനുള്ള കൊച്ചു കുട്ടികളുടെ മടി ആണോ എന്തോ ഒരാൾ അങ്ങോട്ടു തിരിയുമ്പോൾ മറ്റെ ആൾ ഇങ്ങോട്ടു തിരിയും അങ്ങിനെ അവർ പത്തു മിനിറ്റു കൊണ്ടു ഡാൻസ് അവസാനിപ്പിച്ചു തീരുമ്പോൾ മഴ ശക്തി പ്രാപിചു .കുറചു നേരം അവിടത്തെ താൽക്കാലിക ചായക്കടയിൽ കയറിന്നിന്നു മഴയിൽ നിന്നും രക്ഷപെട്ടു.മഴയുടെ ശക്തി അല്പം കുറഞ്ഞപ്പോൾ അടുത്ത പരിപാടി അനൌൻസ് ചെയ്തു ‌“ബെല്ലി ഡാൻസ്“
ങേ.. ബെല്ലീ ഡാൻസോ അതും സ്പെയിനിൽ
ഒരു മിനിറ്റു കൊണ്ടു മഴയെ വക വെക്കാതെ ആളുകൾ നിറഞ്ഞു .സ്പാനിഷ് യുവതികൾ വന്നു ചുവന്ന പരവതാനി വിരിച്ചു ,ബെല്ലി ഡാൻസ് സംഗീതം മുഴങ്ങി .ഓരൊരുത്തർ ആയി അവരുടെ പ്രകടനം കാഴച വെച്ചു ,എല്ലാവരും മഴയെ കാര്യമാക്കാതെ അവരെ കയ്യടിച്ചു പ്രോത്സാഹിപ്പിച്ചുകൊണ്ടിരുന്നു .

അടുത്തു നിന്നിരുന്ന സ്ത്രീ ബെഗോയോടു ,അതു എന്റെ മകളാ എങ്ങിനെയുണ്ട് അവളുടെ ഡാൻസ് ?

അവസാനം അവരുടെ ഗ്രൂപ്പ് ഡാൻസോടു കൂടി പരിപാടികൾ എല്ലാം അവസാനിച്ചു .ഇനി വൈകീട്ടു മാത്രമെ കലാപരിപാടികൾ ഉള്ളൂ.

വിശന്നിട്ടു വയ്യ ഈ കാഴ്ചകൾ കണ്ടു തീർന്നിട്ടു കൊട്ടാരത്തിൽ പോയി ഭക്ഷണം കഴിക്കാം അതാണു പ്ലാൻ .എല്ലവരും അവിടെ ഉള്ള താൽക്കലിക ഹൊട്ടെലുകളിൽ കയറി ഭക്ഷണം കഴിക്കുന്നു പന്നിയും ,നീരാളിയും .കുറചു കൂടി മുന്നോട്ടു നടന്നപ്പോൾ അവർ യുദ്ധം ചെയ്തിരുന്ന അയുധങ്ങൾ ,അമ്പും വില്ലും ,കുന്തവും എല്ലാം അവിടെ പ്രദർശിപ്പിച്ചിട്ടുണ്ടു .അതിനടുത്തു തന്നെ സംഗീതം വായിക്കുന്ന അമ്മയെയും മകനെയും കണ്ടു .അടുത്ത സ്റ്റാളിൽ നേരത്തേ കണ്ട പക്ഷി കലാകാരൻ അയാളുടെ പക്ഷികളെ വില്പനക്കു വെച്ചിട്ടുണ്ടു .

അയാളോടു കൊട്ടാരത്തിലേക്കുള്ള വഴി ചോദിച്ചപ്പോളാണു അറിയുന്നതു നദി കടന്നു പോകാനുള്ള പാലം കേടായതിനാൽ പോലിസ് ആ വഴിക്കുള്ള പ്രവേശനം തടഞ്ഞിരിക്കുവാണു .മഴയുടെ കൂടെ എന്റെ തലയിൽ ഇടി മിന്നൽ കൊണ്ടതു പോലായി .ഇനി എന്തു ചെയ്യും നല്ല മഴയും പെയ്യുന്നു .എത്ര മഴ ആയാലും ഞാൻ പോകാൻ ഒരുക്കമാണു .എന്റെ നിർബന്ധത്തിൽ വഴങ്ങി ബെഗൊയും ബെർണാഡും ചുറ്റിയാണെങ്കിലും പോകാമെന്നു സമ്മതിച്ചു .വേറെ വഴി അന്വേഷിച്ചു നടന്നു വശം കെട്ടു.നേരെ നോക്കിയാൽ കാസിൽ കാണാം ,ഞാൻ ഒരു ഫോട്ടൊ എടുത്തു. മഴ തുള്ളിക്കൊരു കുടം എന്ന പോലെ പെയ്യുന്നു ,അവസാനം വഴി കണ്ടു പിടിചു മൂന്നു കിലോ മീറ്റർ നടക്കണം ഞാൻ മഴ കൊണ്ടും നടക്കുമെന്നറിഞ്ഞ ബെർണാഡ് പറഞ്ഞു ,ഞാൻ വരുന്നില്ല നീ തന്നെ പൊക്കോ .തിരിച്ചു ബസ് സ്റ്റൊപ്പിൽ ഇരിക്കുമ്പോൾ ഞാൻ മനസ്സിൽ വീണ്ടും പറഞ്ഞൂ ഒടൂക്കത്തെ മഴ .കൊണ്ടു പോയ ഉച്ച ഭക്ഷണം ബസ് സ്റ്റോപ്പിൽ ഇരുന്നു കഴിചു ഒന്നര മണിക്കൂർ ബസ് കാത്തു നിൽക്കാൻ ക്ഷമയില്ലാതെ മെട്രൊ സ്റ്റേഷനിലേക്കു മഴ നനഞ്ഞു മുക്കാൽ മണിക്കൂർ നടന്നു തിരിച്ചു എല്ലോറിയോയിൽ എത്തിയപ്പോൾ ഇവിടെ തുള്ളി മഴ പെയ്തിട്ടില്ല എന്നു മാത്രമല്ല നല്ല വെയിലും ചൂടും .അതേ ഇനിയും പോണം ആ കാസിൽ കാണാൻ.

നീലാകാശവും നീല കടലും

2009-06-26T12:08:00.000-07:00

ഊണ് തയ്യാര്‍

2009-06-24T05:46:00.000-07:00

വിപ്ലവം ജയിക്കട്ടെ

2009-06-23T07:15:00.001-07:00

ഉര്‍ക്യോള (fiesta de urkiola )

2009-06-14T14:05:00.001-07:00

ഇന്നു വെള്ളിയാഴ്ച ,സ്പാനിഷ് സ്കൂളില്‍ നിന്നും വര്‍ഷാവസാനം ടൂര്‍ പോകുന്ന ദിവസം ഈ മാസത്തോടു കൂടി ക്ലാസ്സ് അവസാനിക്കുകയാണ് .രാവിലെ പത്തു മണിക്ക് എല്ലാവരും ഉര്‍ക്യോള എന്ന സ്ഥലത്തേക്കാണ്‌ ഇത്തവണ പോകുന്നത് .മലകള്‍ക്ക് മുകളിലെ സുന്ദരമായ ഗ്രാമം .നമ്മുടെ വയനാട് താമരശ്ശേരി ചുരം കയറി ബത്തേരി ചെല്ലുന്നത് പോലെ ഹെയര്‍ പിന്നുകള്‍ ,ആ ചുരം കയറി കൊണ്ടിരിക്കുമ്പോള്‍ കാണുന്ന അതി സുന്ദരമായ പ്രകൃതി സൌന്ദര്യം .പക്ഷെ ഇന്നെനിക്കു ജോലി അവസാനിക്കുന്നത്‌ ഉച്ചക്ക് ശേഷം രണ്ടു മണിക്ക് .കാഴ്ചകള്‍ കാണാനും യാത്ര ചെയ്യാനും ഉള്ള എന്‍റെ ഇഷ്ടം അറിയാവുന്ന ടീച്ചര്‍ മൂന്ന് മണിക്ക് എന്നെ കാറുമായി വന്നു കൊണ്ടു പോയി .ഞാന്‍ ചെല്ലുമ്പോള്‍ അവരെല്ലാവരും ഉര്‍ക്യോളയും കണ്ടു താഴ്വാരം ഇറങ്ങി ഭക്ഷണം കഴിച്ചു കൊണ്ടിരിക്കുകയാണ് .അമ്പതു പേര്‍ അടങ്ങുന്ന സംഘം കൂടുതലും ആഫ്രിക്കയില്‍ നിന്നും ഉള്ളവര്‍ എന്‍റെ ക്ലാസ്സില്‍ നിന്നും ഉള്ളവര്‍ എല്ലാവരും സെനഗല്‍ പൌരന്മാര്‍ ആണ് .ഭക്ഷണം കഴിച്ചു വീണ്ടും നടന്നു സ്കൂളിലെത്തി പിരിഞ്ഞു .

നല്ലൊരു കാഴ്ച കാണാന്‍ സാധിക്കാത്തതിന്റെ വിഷമം തീര്‍ക്കാന്‍ നാളെ പോകണം വീണ്ടും ഉര്‍ക്യോള കാണുവാന്‍ ,നാളെ അവിടത്തെ പള്ളിയിലെ ഉത്സവം ആണെന്നറിഞ്ഞു രാവിലെ പത്തു മണിക്ക് തന്നെ ഞാന്‍ വീട്ടില്‍ നിന്നും ഉച്ച ഭക്ഷണവും കയ്യില്‍ കരുതി ഇറങ്ങി .ദ്യുരന്ഗോ എത്തിയപ്പോള്‍ നൂറു കണക്കിന് ആളുകള്‍ ബസ്സ് കാത്തു നില്ക്കുന്നു എല്ലാവരും അറുപതു വയസ്സിനു മുകളില്‍ പ്രായം ഉള്ളവര്‍ .എല്ലാവരും കൂടി എങ്ങനെ ഒരു ബസ്സില്‍ കയറി പോകും മണിക്കൂറുകള്‍ക്കു ശേഷമേ അവിടേക്ക് ബസ്സ്‌ ഉള്ളൂ .ആശ്വാസം എന്ന് പറയട്ടെ മിനുട്ടുകള്‍ ഇടവിട്ട്‌ സ്പെഷ്യല്‍ ബസ്സുകള്‍ വരി വരിയായി വരുന്നു അതും യാത്ര തികച്ചും സൌജന്യം .നൂറ്റാണ്ടുകള്‍ പഴക്കമുള്ള പള്ളി യാത്ര അതിലേറെ സുന്ദരം അനേകം മലകള്‍ക്കിടയിലൂടെ ഞങ്ങളുടെ ബസ്സ്‌ സാവധാനം ഹെയര്‍ പിന്നുകള്‍ കയറിക്കൊണ്ടിരുന്നു .സാധാരണ പതിനഞ്ച് ഡിഗ്രിയില്‍ കൂടുതല്‍ ചൂടു ഉണ്ടാകാത്ത സ്ഥലം പക്ഷെ ഇന്നു നാല്‍പതു ഡിഗ്രീ ചൂടു ,വയസായ പലരും തല ചുറ്റി വീണു പ്രഥമ ശുശ്രൂഷ നല്‍കേണ്ടി വന്നു .

അര മണിക്കൂര്‍ യാത്രയ്ക്കു ശേഷം ഉര്‍ക്യോള പള്ളിയിലെത്തി .പൊള്ളുന്ന വെയില്‍.പള്ളിയിലേക്കുള്ള വഴിയുടെ വശങ്ങള്‍ എല്ലാം കച്ചവടക്കാര്‍ ,എല്ലാ ഭക്ഷണ സാധനങ്ങളും വീട്ടില്‍ ഉണ്ടാക്കി കൊണ്ടു വന്നു വിക്കുന്നവര്‍ .യൂറോപ്യന്‍ രാജ്യങ്ങള്‍ എന്ന് പറഞ്ഞാല്‍ നമ്മുടെ ഗ്രാമ ജീവിതവുമായി ഒരിക്കലും സങ്കല്‍പ്പിക്കാന്‍ പോലും പറ്റില്ലാത്ത വ്യത്യാസവും പ്രതീക്ഷിച്ചാണ് ഞാന്‍ ഇന്ത്യയില്‍ നിന്നും ഇവിടെ വന്നത് ,എന്നാല്‍ ഞാനിവിടെ കണ്ട ഗ്രാമങ്ങള്‍ നമ്മുടെ ഗ്രാമങ്ങലെക്കാള്‍ സുന്ദരമായ ഗ്രാമീണ കാഴ്ചകള്‍ .

പന്ത്രണ്ടു മണിക്കാണ് ഇന്നു പള്ളിയിലെ വിശേഷ ചടങ്ങുകള്‍ നടക്കുന്നത് .ഇത്രയും നേരമായിട്ടും കടകളില്‍ വില്‍പ്പനക്ക് നില്ക്കുന്ന ചെറുപ്പക്കാര്‍ അല്ലാതെ ഒരാളെ പോലും ചെറുപ്പക്കാരായി അവിടെ കണ്ടില്ല ,അവിടെ വരുന്നവര്‍ എല്ലാം പ്രായമായവര്‍ ,അറുപതു വയസ്സിനു മുകളില്‍ പ്രായം ചെന്നവര്‍ .പള്ളിയിലേക്ക് കയറും മുന്‍പ് ഒരു പാറയില്‍ തൊട്ടു കൊണ്ടു ആളുകള്‍ വലം വെക്കുന്നത് കണ്ടു അന്വേഷിച്ചപ്പോള്‍ ആ പാറയില്‍ തൊട്ടു ഏഴ് തവണ വലം വെച്ചാല്‍ ആഗ്രഹിക്കുന്ന കാര്യം സാധിക്കും എന്നറിഞ്ഞു .ഈ കാര്യത്തിലും ഇവര്‍ നമ്മുടെ നാടിനെക്കാള്‍ ഒട്ടും മോശമല്ല എന്നെനിക്കു തോന്നി . ഒരു എഴുപത്തഞ്ചു കാരന്‍ നാലു വര്‍ഷമായി സ്ഥിരമായി ഇവിടെ വന്നു പാറക്കു ചുറ്റും വലം വെക്കുന്നു ഒരു കാമുകിക്ക് വേണ്ടി ,ഇത്തവണ എങ്കിലും നടന്നാല്‍ മതിയാരുന്നു എന്നെന്നോട് പറഞ്ഞു .

ക്രിസ്ത്യന്‍ രാജ്യം ആണെങ്കിലും ചെറുപ്പക്കാര്‍ ആരും തന്നെ ഇവിടെ വിശ്വാസികള്‍ അല്ല .പള്ളിക്കകത്ത്‌ കടക്കാന്‍ നല്ല തിരക്ക് പഴയ പള്ളി ആണെങ്കിലും ലളിതവും സുന്ദരവുമായ പള്ളി .പുറത്തു നാല്‍പതു ഡിഗ്രീ ചൂടു ആണെങ്കിലും ഇവിടെ പതിനഞ്ച് ഡിഗ്രിയില്‍ താഴെ മാത്രം ചൂടു .താഴെ നിന്നു കാണുവാന്‍ പറ്റില്ലാത്ത വിധം തിരക്ക് .ഞാന്‍ ബാല്‍ക്കണിയില്‍ കയറി അകത്തെ കാഴ്ചകളും വളരെ ലളിതം പക്ഷെ സുന്ദരം .ഞാന്‍ ഇരുന്നതിനു തൊട്ടടുത്ത്‌ തന്നെയാണ് ക്യോയര്‍ പാടുന്നവര്‍ .അവരും അറുപതിനു വയസ്സിനു മുകളില്‍ പറയം ചെന്നവര്‍ തന്നെ .കുറച്ചു വര്‍ഷങ്ങള്‍ക്കു ശേഷം ഈ തലമുറ കഴിഞ്ഞാല്‍ പള്ളികളും വിശ്വാസവും വംശ നാശം സംഭവിച്ചു കൊണ്ടിരിക്കുന്നവ എന്ന പട്ടികയില്‍ പെടുത്തി സംരക്ഷിക്കേണ്ടി വരും .ഇനി പത്തു മിനുടുകള്‍ക്കുള്ളില്‍ ചടങ്ങുകള്‍ ആരംഭിക്കും എന്ന് പുരോഹിതന്‍ വിളിച്ചു പറഞ്ഞു .ചടങ്ങുകളില്‍ പങ്കെടുക്കല്‍ ഇഷ്ട്ടമില്ലാത്ത ഞാന്‍ അത് തുടങ്ങും മുന്നേ അകത്തെ കാഴ്ചകള്‍ കണ്ടിറങ്ങി .

പുറത്തു കാഴ്ചകളില്‍ വഴിയോര ചന്തകള്‍ക്ക് പുറമെ പശുക്കളെയും കാളകളെയും കുതിരകളെയും കൊണ്ടു വന്നിട്ടുണ്ടായിരുന്നു .

രണ്ടു മണി വരെ കാഴ്ചകള്‍ കണ്ടു നടന്നു ,നല്ല വിശപ്പ്‌ തുടങ്ങി പള്ളിക്ക് ചുറ്റും കാടു ആണ് .കാടിനകത് നല്ല തണുപ്പ് അവിടെ ഇരുന്നു ഭക്ഷണം പാകം ചെയ്തു കഴിക്കാന്‍ പാകത്തില്‍ സൌകര്യം ഉണ്ട് .എല്ലാവരും കുടുംബത്തോടെ കാരവാന്‍ കൊണ്ടാണ് വന്നിരിക്കുന്നത് .ഭക്ഷണം പാകം ചെയ്തു കഴിക്കുന്ന തിരക്കിലാണ് എല്ലാവരും കുടിക്കാന്‍ നല്ല തണുത്ത വെള്ളം ഉറവകളില്‍ നിന്നും കിട്ടും .ഇവിടെ കിട്ടുന്ന പാന്‍ വാങ്ങി അതിന് നടുവില്‍ ടര്‍ക്കി കോഴിയുടെ ഇറച്ചി വെച്ചതാണ് ഇന്നത്തെ എന്‍റെ ഉച്ച ഭക്ഷണം .ഭക്ഷണം കഴിച്ചു കുറച്ചു സമയം ആ കാടിനുള്ളില്‍ മനസ്സു കുളിര്‍ക്കെ വിശ്രമിച്ച ശേഷം സൌജന്യ ബസ്സില്‍ തിരിച്ചു വീട്ടിലേക്ക്.നാളെ ഞായര്‍ ഗാട്ടിക്ക എന്ന സ്ഥലത്തു ഒരു castle ഉണ്ട് വളരെ നാളുകള്‍ ആയി കാണാന്‍ പോകണം എന്ന് കരുതിയ സ്ഥലം ,പണ്ടു ഒന്‍പതാം നൂറ്റാണ്ടില്‍ മുസല്‍മാന്‍ കയ്യേറിയ സ്ഥലങ്ങള്‍ .അവിടത്തെ ഉത്സവമാണ് നാളെ .

കുട്ടിക്കാലത്തിലേക്ക് ഒരു നിമിഷം

2009-06-11T14:48:00.000-07:00