Wednesday, 25 March 2009

മെട്രോയിലെ വികൃതി പയ്യന്‍ (സ്പെയിന്‍)

Buzz This
Buzz It

ഇവന്‍റെ വികൃതിക്ക് നിങ്ങള്‍ തന്നെ അടിക്കുറിപ്പ് നല്‍കിക്കോളൂ

Sunday, 22 March 2009

സോപെലാന ബീച്ച് ബില്‍ബാവോ (സ്പെയിന്‍)

Buzz This
Buzz It

ഞങ്ങള്‍ താമസിക്കുന്ന എല്ലോരിയോയില്‍ നിന്നും നാല്‍പതു കിലോമീറ്റര്‍ ഉണ്ട് ബില്‍ബവോയിലേക്ക് .അവിടെ നിന്നും അര മണിക്കൂര്‍ യാത്ര സോപെലാന ബീച്ചിലേക്ക് .മാര്‍ച്ച് മാസമായതോടെ മഴയും മഞ്ഞും കുറവാണു .ഇപ്പോള്‍ പതിനഞ്ച് ഡിഗ്രീ ആണ് തണുപ്പ് ,നല്ല വെയിലുള്ള ദിവസവും .ബീച്ചില്‍ പോകാന്‍ പറ്റിയ ദിവസം തന്നെ .ഞങ്ങള്‍ ആറു പേരു അടങ്ങുന്ന സംഘം രാവിലെ പത്തു മണിക്ക് തന്നെ വീട്ടില്‍ നിന്നും ഇറങ്ങി ബില്‍ബാവോ വരെ ബസിലും പിന്നെ ബില്‍ബാവോ മുതല്‍ സോപെലാന വരെ മെട്രോ ട്രെയിനിലും .ഇവിടെ മെട്രോ ട്രെയിനിലെ യാത്ര വളരെ സുഖകരമാണ് ,ഞാന്‍ ആദ്യം മെട്രോ ട്രെയിനില്‍ യാത്ര ചെയ്തപ്പോള്‍ ഇന്ത്യയില്‍ എന്നാണ് നമുക്കും ഇതു പോലെ യാത്ര ചെയ്യാന്‍ പറ്റുക വിചാരിച്ചു ,തിക്കും തിരക്കുമില്ലാതെ വളരെ ശാന്തതയോടെ യാത്ര ചെയ്യുന്ന സ്പാനിഷ് കാരെ കണ്ടപ്പോള്‍ ഞാന്‍ മുംബെയില്‍ ജോലിക്ക് ലോക്കല്‍ ട്രെയിനില്‍ പോയി വന്നിരുന്നത് ഓര്‍ത്തു ശ്വാസം പോലും വിടാന്‍ പറ്റാത്ത തിരക്ക് .
ഇവിടെ മെട്രോയില്‍ ടിക്കറ്റ് എടുക്കാന്‍ ഓടോമാടിക് മെഷീന്‍ ആണ് പോകേണ്ട സ്റ്റേഷന്‍ ടച്ച് സ്ക്രീനില്‍ സെലക്റ്റ് ചെയ്തു .യുറോ കോയിന്‍ ആയോ കറന്‍സി ആയോ ഇട്ടാല്‍ നമ്മു ടിക്കറ്റും ബാക്കിയും ,മഷീന്‍ തരും .
സോപെലാന സ്റ്റേഷനില്‍ ഇറങ്ങി പത്തു മിനിട്ട് നടന്നാല്‍ ബീച്ചില്‍ എത്താം .ബീച്ചിലെത്തിയ എന്നെ ആദ്യം തന്നെ ആകര്‍ഷിച്ചത്‌ ബീച്ചിനോട് ചേര്‍ന്നുള്ള മലനിരയിലെ വീടുകളായിരുന്നു ,







അവിടെ വന്ന എനിക്ക് ആ ബീച്ചിന്‍റെ പ്രത്യേകതകള്‍ എഴുതി വെച്ച സ്പാനിഷ് ടൂറിസം ഗവണ്മെന്റ് ബോര്‍ഡ് വായിച്ചപ്പോള്‍ ,പാരാ ഗ്ലൈടിങ്ങിനും ,സര്‍ഫിങ്ങിനും ,സൈക്ലിങ്ങിനും ,മല കയറ്റത്തിനും പേരു കേട്ട ബീച്ച് ആണെന്ന് കണ്ടു .
ബീച്ചില്‍ നടന്നു കാഴ്ചകള്‍ കാണുമ്പൊള്‍ വികൃതി കുട്ടികള്‍ തിരകളെ പേടിക്കാതെ തീരത്ത് ഓടിക്കളിക്കുന്നത്‌ കാണാമായിരുന്നു .ചില മിടുക്കന്‍ മാരകട്ടെ മണല്‍ തിട്ടയില്‍ കൊട്ടാരം പണിയുന്ന തിരക്കിലായിരുന്നു .സ്വതവേ കൊച്ചു കുട്ടികളെ ഇഷ്ടമുള്ള ഞാന്‍ ആ മിടുക്കന്റെ കൊട്ടാരം പണി നോക്കിനിന്നു ,അവനും അവന്‍റെ അച്ഛനും കൂടി എന്നെ കണ്ടപ്പോള്‍ ഒരു ഫോട്ടോ പോസിന് തയ്യാറായി








വീണ്ടും അവിടെ നിന്നും നടന്നപ്പോള്‍ സര്‍ഫിംഗ് സ്കൂളിനടുതെതി .അവിടെ സര്‍ഫിങ്ങിന് ട്രെയിനിംഗ് കൊടുക്കുന്നത് കാണാമായിരുന്നു .










വെയില് കുറഞ്ഞ ഒരിടം നോക്കി ഇരുന്ന ഞങ്ങള്‍ വീട്ടില്‍ നിന്നും തയ്യാറാക്കി കൊണ്ടു പോയ ലഘു ഭക്ഷണവും വൈനും കഴിച്ചു കാഴ്ചകള്‍ കണ്ടിരുന്നു .അച്ഛനമ്മമാര്‍ വെയില് കൊണ്ടു കടല്‍ തീരത്ത് കിടക്കുന്നു ,കുട്ടികളും പട്ടികളും ബീച്ചില്‍ ഓടി നടന്നു കളിക്കുന്നു ,നമ്മുടെ നാട്ടില്‍ ആണെങ്കില്‍ ഇപ്പോള്‍ കുട്ടികളുടെ ഇടത്തും വലതും അച്ഛന്‍ അമ്മമാര്‍ ഉണ്ടായേനെ.
ഒരു നാലു മണി ആയി കാണും വെയില്‍ അല്‍പ്പം കുറഞ്ഞപ്പോള്‍ മല മുകളില്‍ പാരഗ്ലൈടിംഗ് നടത്തുന്നത് കാണാമായിരുന്നു നല്ല ക്യാമറ ഉണ്ടായിരുന്നേല്‍ അതിന്‍റെ നല്ല ചിത്രങ്ങള്‍ എടുക്കാമായിരുന്നു .



























ഒരു അഞ്ചു മണി വരെ അവിടെ ചിലവഴിച്ച ശേഷം ഞങ്ങള്‍ വീട്ടിലേക്ക് മടങ്ങി .ഓര്‍ത്തു വെക്കാന്‍ മറ്റൊരു അവധി ദിവസം കൂടെ .വീണ്ടും നമുക്കു അടുത്ത അവധി ദിവസങ്ങളിലെ യാത്രയില്‍ കാണാം .ഇഷ്ടപെട്ടുവെങ്കില്‍ ഇനിയുള്ള യാത്രകള്‍ ഒരുമിച്ചാകാം .അപ്പോള്‍ നിങ്ങളുടെ അഭിപ്രായം അറിയിക്കുമല്ലോ
വീണ്ടും കാണാം
സ്നേഹത്തോടെ

ബില്‍ബാവോ 1 (സ്പെയിന്‍)

Buzz This
Buzz It


ബില്‍ബാവോ നഗരത്തിലെ ആളൊഴിഞ്ഞ സ്ട്രീറ്റ് ഒരു ഞായറാഴ്ച

Friday, 20 March 2009

കാഴ്ചകള്‍

Buzz This
Buzz It

സുഹൃത്തുക്കളെ ഇതു വരെ ഞാന്‍ കണ്ട കാഴ്ചകളുടെ ഫോട്ടോസ് പ്രവാസി എന്ന ബ്ലോഗ്ഗില്‍ ആണ് പ്രസിദ്ധീകരിച്ചിരുന്നത് ഇന്നു മുതല്‍ ഞാന്‍ അത് പ്രത്യേകമായി കാഴ്ച്ചകള്‍ എന്ന പേരില്‍ ഇവിടെ പ്രസിദ്ധീകരിക്കുന്നു എല്ലാവരുടെയും സഹകരണങ്ങള്‍ പ്രതീക്ഷിച്ചു കൊണ്ടു
സ്നേഹത്തോടെ
സജി തോമസ്

Monday, 16 March 2009

എന്‍റെ സ്വീറ്റ് എല്ലോരിയോ 4 (സ്പെയിന്‍)

Buzz This
Buzz It


























ഇത്തവണ നമുക്കു മല കയറാന്‍ പോകാം ,പോരുന്നോ എന്‍റെ കൂടെ .ഞാന്‍ എല്ലാം നടന്നു കാണിച്ചു തരാം

ആദ്യം തന്നെ ഞാന്‍ പറഞ്ഞിട്ടില്ലേ എല്ലോരിയോ ചുറ്റും നാലു വശവും മലനിരകളാല്‍ ചുറ്റപെട്ട കൊച്ചു ഗ്രാമ മാണെന്ന് .ഞാന്‍ ഏറ്റവും ആദ്യം കാണിച്ചു തന്ന ഫോട്ടോകള്‍ നിങ്ങള്ക്ക് ഓര്‍മയില്ലേ പതിനാറാം നൂറ്റാണ്ടില്‍ പണികഴിച്ച പള്ളിയും അതിലുള്ള ഏഴാം നൂറ്റാണ്ടിലെയും ഒമ്പതാം നൂറ്റാണ്ടിലെയും ശവ കുടീരങ്ങളും .അതിനെ നേരെ എതിര്‍ വശത്തുള്ള മലയിലേക്ക് ഇന്നു നമ്മള്‍ക്ക് പോകാം

റോമന്‍ ശൈലിയില്‍ കല്ല് പാകിയ നടപാതയാണ് മലയിലേക്ക് .നിറയെ പൈന്‍ മരങ്ങളാണ്

ഇവിടെ വര്‍ഷത്തില്‍ ഇരുന്നൂറ്റി അറുപത്തി അഞ്ചു ദിവസവും മഴതന്നെ .അത് കൊണ്ടു വെയില്‍ വന്നാല്‍ ഞങ്ങള്‍ക്ക് ഓണം വന്ന പോലെയാണ് .മലനിരകളില്‍ നിന്നും ഒഴുകി വരുന്ന ഒരു പാടു ചെറിയ അരുവികള്‍ ചേര്‍ന്നു താഴെ പുഴയായി ഒഴുകുന്നു .അത്തരത്തിലുള്ള ഒരു അരുവി കണ്ടോ ആ പാലവും എങ്ങിനെ .അതിന് എത്ര പഴക്കം കാണും എന്നെനിക്കറിയില്ല .

പിന്നെ മുകളില്‍ നിന്നും നോക്കിയാല്‍ എല്ലോരിയോ യുടെ കുറച്ചു ഭാഗം കാണാം ,കണ്ടോ അത് പോലെ വീട് ഇവിടെ വേണമെങ്കില്‍ കോടീശ്വരന്‍ ആയിരിക്കും ആ വീട്ടുടമസ്ഥന്‍ .ഇവിടെ വീടിനു മുടിഞ്ഞ വിലയാണ് .മൂന്നു മുറി ഫ്ലാറ്റ് രണ്ടു ലക്ഷം യൂറോ ആണ് വില .ഞാന്‍ എന്തായാലും വാങ്ങിക്കാന്‍ പരിപാടി ഇല്ലാത്തതിനാല്‍ അത് എത്ര രൂപ ആണെന്ന് ഞാന്‍ നോക്കിയില്ല .
പിന്നെ അവസാനം ഒരു കുരിശു കണ്ടോ ,വാ നമുക്കു രണ്ടു നിമിഷം മൌനം പാലിക്കാം .അതിലെഴുതിയിരിക്കുന്നത് കണ്ടോ, അക്കി മുരോ (പിന്നെ പേരു)
31 ജൂലൈ 1788
31 ജൂലൈ ഇവിടെ സമ്മര്‍ വക്കേഷന്‍ തുടങ്ങുന്ന ദിവസമാണ് അന്നാണ് അയാള്‍ മരിച്ചത് പേരു എനിക്ക് വായിക്കാന്‍ പറ്റുന്നില്ല അയാള്‍ മരിച്ച സ്ഥലത്തു തന്നെയാണ് കുരിശു വെച്ചിരിക്കുന്നത്‌ .എന്തായാലും നമുക്കു ഇന്നു ഇതു വരെ മതി ഇനി നമുക്കു തിരിച്ചു വീട്ടില്‍ പോകാം
അടുത്ത തവണ നമുക്കു വേറെ സ്ഥലത്തേക്ക് പോകാം കേട്ടോ







Sunday, 15 March 2009

എന്‍റെ സ്വീറ്റ് എല്ലോരിയോ ഗ്രാമം 3 (സ്പെയിന്‍)

Buzz This
Buzz It











ഞാന്‍ എല്ലാ അഴ്ചാവസാനവും നടക്കുന്ന വഴിയാണ് പൈന്‍ മരങ്ങള്‍ ക്കിടയിലൂടെ നടന്നു ക്ഷീണിച്ചാല്‍ ഒരു ഗ്ലാസ് ബിയര്‍ അടിച്ച് വീണ്ടും നടക്കാം പോരുന്നോ എന്‍റെ കൂടെ .അല്ലെങ്കില്‍ ആ കാണുന്ന ബെന്ചില്‍ വിശ്രമിക്കാം







എന്‍റെ സ്വീറ്റ് എല്ലോരിയോ ഗ്രാമം 2 (സ്പയിന്‍)

Buzz This
Buzz It

ഇന്നലെ വൈകീട്ട് നടക്കാനിറങ്ങിയപ്പോള്‍ ഈ വീടിനു എന്നത്തേക്കാളും ഇന്നു ഭംഗി കൂടുതലുള്ള പോലെ എന്നാല്‍ പിന്നെ ഒന്നു ക്ലിക്കിയെക്കാമെന്ന് കരുതി

Friday, 13 March 2009

മൈ സ്വീറ്റ് എല്ലോരിയോ ഗ്രാമം(സ്പയിന്‍)

Buzz This
Buzz It





























വളരെ നാളുകള്‍ മുന്‍പു എടുത്ത ഫോട്ടോ ആണ് പക്ഷെ ഓരോ ഫോട്ടോയും എന്‍റെ നാടിനെ ഓര്‍ക്കാനുള്ളതാണ് ആ കൈ വരിയോട്‌ കൂടിയ മരപ്പാലം അതിന് താഴെ ക്കൂടെ ഒരു വറ്റാത്ത അരുവിയുണ്ട് ഞാന്‍ പറഞ്ഞിട്ടില്ലേ ഈ ഗ്രാമത്തിനും ചുറ്റും മലകളാണെന്ന്.ഇവിടെ പ്രകൃതിയുടെ സൌന്ദര്യം ഒട്ടും ചോരാതെയാണ് ഇവര്‍ മെട്രോയും ഫ്ലൈ ഓവറുകളും എല്ലാം പണിയുന്നത് .എന്‍റെ നാട്ടിലെ കോള്‍ പാടങ്ങളും തോടും പാലവുമെല്ലാം മനസ്സില്‍ വരുമ്പോള്‍ ഞാന്‍ ആ മരപ്പാലത്തില്‍ നിന്നു കാറ്റു കൊള്ളും അതിന് മുന്നിലെ ചെറിയ സ്ഥലത്തു കൊച്ചു കുട്ടികള്‍ വന്നു കളിക്കുന്നത് കണ്ടു കൊണ്ടിരിക്കാന്‍ തന്നെ രസമാണ് .ചിലപ്പോള്‍ കുട്ടികളുടെ കളികള്‍ അടുത്തുകാണാന്‍ ആ ബെഞ്ചില്‍ പോയിരിക്കും .പിന്നെ കാണുന്ന വലിയ കെട്ടിടം അത് പള്ളിയാണ് 1886 ലെ പള്ളിയാണ് നല്ല കൊത്തു പണികളോട് കൂടിയതാണ് അതിന്‍റെ ഉള്‍വശം .പിന്നെ എനിക്കിഷ്ടമുള്ള മലയടിവാരത്തെ ഒരു പഴയ വീട് .ഞങ്ങള്‍ കറങ്ങാന്‍ പോവുകയാ അടുത്ത പട്ടണത്തിലേക്ക് ഞങ്ങള്‍ ബസില്‍ കയറാന്‍ നിന്നപ്പോള്‍ ബസിന്‍റെ ഫോട്ടോ എടുത്താല്‍ കൊള്ളാമെന്ന് തോന്നി ഇവിടത്തെ സര്‍ക്കാര്‍ ബസ്സ് ആണ് അത് .ദേ എന്നെ കൂട്ടുകാര്‍ കൈ കാട്ടി വിളിക്കുന്നു വന്നു ബസില്‍ കയറാന്‍ . ബസ്സില്‍ നിന്നിറങ്ങിയപ്പോള്‍ വഴിയില്‍ കണ്ട കാഴ്ചയോ കണ്ടില്ലേ അരിവാളും ചുറ്റികയും മുതുകത്തു .വിപ്ലവം ജയിക്കട്ടെ
പ്രവാസി

Related Posts with Thumbnails

ഇന്നത്തെ ചിന്താവാചകം

നമുക്കു മുല്ലപ്പെരിയാർ അണക്കെട്ടിനെ രക്ഷിക്കാം

Follow by Email

എന്‍റെ കൂടെ കാഴ്ചകള്‍ കാണാന്‍ ഇഷ്ടപെടുന്നവര്‍

എന്‍റെ കൂടെ കാഴ്ചകള്‍ കണ്ടവര്‍

VISITORS TODAY


contador

copy right

ചോദിച്ചിട്ട് എടുത്താല്‍ സന്തോഷം

  © Free Blogger Templates 'Photoblog II' by Ourblogtemplates.com 2008

Back to TOP