കോടമഞ്ഞില്‍ .......താഴ്‌വരയില്‍ .........

ഉദാല എന്ന മലയുടെ അടിവാരത്ത് നിന്നും കോടമഞ്ഞ്‌ മാറിയപ്പോള്‍ ,വീട്ടിലെ ബാല്‍ക്കണിയില്‍ നിന്നുള്ള കാഴ്ച .എല്ലോരിയോ ഗ്രാമം .

വീണ്ടും മഴ വരുന്നേ .........

അല്‍പ്പനേരം ഇരുന്നിട്ട് പോകാം

വസന്തക്കാലത്തിലും മഞ്ഞു വീഴ്ച

വസന്തക്കാലത്തെ വരവേല്‍ക്കാനായി ഒരുങ്ങിയിരിക്കുമ്പോള്‍ അപ്രതീക്ഷിതമായി ഇന്നു ഉച്ച തിരിഞ്ഞു വന്ന മഞ്ഞു മഴ .വീട്ടിലെ ബാല്‍ക്കണി യില്‍ നിന്നുള്ള കാഴ്ച .

ശിശിര ശേഷം (കാഴ്ചകള്‍ )

വസന്ത കാലത്തിന്‍റെ വരവറിയിച്ചുകൊണ്ട് കുഞ്ഞു പൂക്കളുകള്‍ വിരിഞ്ഞു തുടങ്ങി. ഇല പൊഴിഞ്ഞ മരം തളിരിലകളുമായി പുഷ്പിക്കാന്‍ ഒരുങ്ങുന്നു .ഒരു എല്ലോരിയോ കാഴ്ച

മഴ വരുന്നേ (കാഴ്ചകള്‍)

ഈസ്റ്റര്‍ പ്രമാണിച്ച് ഞങ്ങള്‍ക്ക് പത്തു ദിവസത്തെ അവധിയാണ് എവിടെക്കെങ്കിലും കാഴ്ചകള്‍ കാണാന്‍ ഇറങ്ങാന്‍ എന്ന് വെച്ചാല്‍ അവധി തുടങ്ങിയ ദിവസം മുതല്‍ മഴയാണ് .നാലു ദിവസമായി വെയില്‍ കണ്ടിട്ട് .ഇന്നു ഉച്ചക്ക് ശേഷം നല്ല വെയില്‍ കണ്ടപ്പോള്‍ ഉച്ചയൂണു പോലും മാറ്റി വെച്ചു ക്യാമറ യും കൊണ്ടു ഇറങ്ങിയതാ ഞാന്‍ . ദേ വരുന്നു മഴക്കാര്‍ ,ഒരു മിനിട്ട് കൊണ്ടു വെയിലിനെയെല്ലാം മറച്ചു കളഞ്ഞു. തിരിച്ചു വീട്ടിലേക്ക് ഊണ് കഴിക്കാന്‍ വരുമ്പോള്‍ വെയിലിനെ മറച്ച മഴക്കാറിനെ ഒന്നു ക്ലിക്കി





വീട്ടിലിരുന്നാല്‍ കാണാവുന്ന മല (മൊത്തം പാറ ആണ് )

എന്‍റെ സ്വീറ്റ് എല്ലോരിയോ 4 (സ്പെയിന്‍)

ഇത്തവണ നമുക്കു മല കയറാന്‍ പോകാം ,പോരുന്നോ എന്‍റെ കൂടെ .ഞാന്‍ എല്ലാം നടന്നു കാണിച്ചു തരാം

ആദ്യം തന്നെ ഞാന്‍ പറഞ്ഞിട്ടില്ലേ എല്ലോരിയോ ചുറ്റും നാലു വശവും മലനിരകളാല്‍ ചുറ്റപെട്ട കൊച്ചു ഗ്രാമ മാണെന്ന് .ഞാന്‍ ഏറ്റവും ആദ്യം കാണിച്ചു തന്ന ഫോട്ടോകള്‍ നിങ്ങള്ക്ക് ഓര്‍മയില്ലേ പതിനാറാം നൂറ്റാണ്ടില്‍ പണികഴിച്ച പള്ളിയും അതിലുള്ള ഏഴാം നൂറ്റാണ്ടിലെയും ഒമ്പതാം നൂറ്റാണ്ടിലെയും ശവ കുടീരങ്ങളും .അതിനെ നേരെ എതിര്‍ വശത്തുള്ള മലയിലേക്ക് ഇന്നു നമ്മള്‍ക്ക് പോകാം

റോമന്‍ ശൈലിയില്‍ കല്ല് പാകിയ നടപാതയാണ് മലയിലേക്ക് .നിറയെ പൈന്‍ മരങ്ങളാണ്

ഇവിടെ വര്‍ഷത്തില്‍ ഇരുന്നൂറ്റി അറുപത്തി അഞ്ചു ദിവസവും മഴതന്നെ .അത് കൊണ്ടു വെയില്‍ വന്നാല്‍ ഞങ്ങള്‍ക്ക് ഓണം വന്ന പോലെയാണ് .മലനിരകളില്‍ നിന്നും ഒഴുകി വരുന്ന ഒരു പാടു ചെറിയ അരുവികള്‍ ചേര്‍ന്നു താഴെ പുഴയായി ഒഴുകുന്നു .അത്തരത്തിലുള്ള ഒരു അരുവി കണ്ടോ ആ പാലവും എങ്ങിനെ .അതിന് എത്ര പഴക്കം കാണും എന്നെനിക്കറിയില്ല .

പിന്നെ മുകളില്‍ നിന്നും നോക്കിയാല്‍ എല്ലോരിയോ യുടെ കുറച്ചു ഭാഗം കാണാം ,കണ്ടോ അത് പോലെ വീട് ഇവിടെ വേണമെങ്കില്‍ കോടീശ്വരന്‍ ആയിരിക്കും ആ വീട്ടുടമസ്ഥന്‍ .ഇവിടെ വീടിനു മുടിഞ്ഞ വിലയാണ് .മൂന്നു മുറി ഫ്ലാറ്റ് രണ്ടു ലക്ഷം യൂറോ ആണ് വില .ഞാന്‍ എന്തായാലും വാങ്ങിക്കാന്‍ പരിപാടി ഇല്ലാത്തതിനാല്‍ അത് എത്ര രൂപ ആണെന്ന് ഞാന്‍ നോക്കിയില്ല .

പിന്നെ അവസാനം ഒരു കുരിശു കണ്ടോ ,വാ നമുക്കു രണ്ടു നിമിഷം മൌനം പാലിക്കാം .അതിലെഴുതിയിരിക്കുന്നത് കണ്ടോ, അക്കി മുരോ (പിന്നെ പേരു)

31 ജൂലൈ 1788

31 ജൂലൈ ഇവിടെ സമ്മര്‍ വക്കേഷന്‍ തുടങ്ങുന്ന ദിവസമാണ് അന്നാണ് അയാള്‍ മരിച്ചത് പേരു എനിക്ക് വായിക്കാന്‍ പറ്റുന്നില്ല അയാള്‍ മരിച്ച സ്ഥലത്തു തന്നെയാണ് കുരിശു വെച്ചിരിക്കുന്നത്‌ .എന്തായാലും നമുക്കു ഇന്നു ഇതു വരെ മതി ഇനി നമുക്കു തിരിച്ചു വീട്ടില്‍ പോകാം

അടുത്ത തവണ നമുക്കു വേറെ സ്ഥലത്തേക്ക് പോകാം കേട്ടോ

എന്‍റെ സ്വീറ്റ് എല്ലോരിയോ ഗ്രാമം 3 (സ്പെയിന്‍)

ഞാന്‍ എല്ലാ അഴ്ചാവസാനവും നടക്കുന്ന വഴിയാണ് പൈന്‍ മരങ്ങള്‍ ക്കിടയിലൂടെ നടന്നു ക്ഷീണിച്ചാല്‍ ഒരു ഗ്ലാസ് ബിയര്‍ അടിച്ച് വീണ്ടും നടക്കാം പോരുന്നോ എന്‍റെ കൂടെ .അല്ലെങ്കില്‍ ആ കാണുന്ന ബെന്ചില്‍ വിശ്രമിക്കാം

എന്‍റെ സ്വീറ്റ് എല്ലോരിയോ ഗ്രാമം 2 (സ്പയിന്‍)

ഇന്നലെ വൈകീട്ട് നടക്കാനിറങ്ങിയപ്പോള്‍ ഈ വീടിനു എന്നത്തേക്കാളും ഇന്നു ഭംഗി കൂടുതലുള്ള പോലെ എന്നാല്‍ പിന്നെ ഒന്നു ക്ലിക്കിയെക്കാമെന്ന് കരുതി

മൈ സ്വീറ്റ് എല്ലോരിയോ ഗ്രാമം(സ്പയിന്‍)

വളരെ നാളുകള്‍ മുന്‍പു എടുത്ത ഫോട്ടോ ആണ് പക്ഷെ ഓരോ ഫോട്ടോയും എന്‍റെ നാടിനെ ഓര്‍ക്കാനുള്ളതാണ് ആ കൈ വരിയോട്‌ കൂടിയ മരപ്പാലം അതിന് താഴെ ക്കൂടെ ഒരു വറ്റാത്ത അരുവിയുണ്ട് ഞാന്‍ പറഞ്ഞിട്ടില്ലേ ഈ ഗ്രാമത്തിനും ചുറ്റും മലകളാണെന്ന്.ഇവിടെ പ്രകൃതിയുടെ സൌന്ദര്യം ഒട്ടും ചോരാതെയാണ് ഇവര്‍ മെട്രോയും ഫ്ലൈ ഓവറുകളും എല്ലാം പണിയുന്നത് .എന്‍റെ നാട്ടിലെ കോള്‍ പാടങ്ങളും തോടും പാലവുമെല്ലാം മനസ്സില്‍ വരുമ്പോള്‍ ഞാന്‍ ആ മരപ്പാലത്തില്‍ നിന്നു കാറ്റു കൊള്ളും അതിന് മുന്നിലെ ചെറിയ സ്ഥലത്തു കൊച്ചു കുട്ടികള്‍ വന്നു കളിക്കുന്നത് കണ്ടു കൊണ്ടിരിക്കാന്‍ തന്നെ രസമാണ് .ചിലപ്പോള്‍ കുട്ടികളുടെ കളികള്‍ അടുത്തുകാണാന്‍ ആ ബെഞ്ചില്‍ പോയിരിക്കും .പിന്നെ കാണുന്ന വലിയ കെട്ടിടം അത് പള്ളിയാണ് 1886 ലെ പള്ളിയാണ് നല്ല കൊത്തു പണികളോട് കൂടിയതാണ് അതിന്‍റെ ഉള്‍വശം .പിന്നെ എനിക്കിഷ്ടമുള്ള മലയടിവാരത്തെ ഒരു പഴയ വീട് .ഞങ്ങള്‍ കറങ്ങാന്‍ പോവുകയാ അടുത്ത പട്ടണത്തിലേക്ക് ഞങ്ങള്‍ ബസില്‍ കയറാന്‍ നിന്നപ്പോള്‍ ബസിന്‍റെ ഫോട്ടോ എടുത്താല്‍ കൊള്ളാമെന്ന് തോന്നി ഇവിടത്തെ സര്‍ക്കാര്‍ ബസ്സ് ആണ് അത് .ദേ എന്നെ കൂട്ടുകാര്‍ കൈ കാട്ടി വിളിക്കുന്നു വന്നു ബസില്‍ കയറാന്‍ . ബസ്സില്‍ നിന്നിറങ്ങിയപ്പോള്‍ വഴിയില്‍ കണ്ട കാഴ്ചയോ കണ്ടില്ലേ അരിവാളും ചുറ്റികയും മുതുകത്തു .വിപ്ലവം ജയിക്കട്ടെ

പ്രവാസി